Tutelonomi 4:39 - Chahta Holisso Holitopa 1886

³⁹ Yʋmohmi hoka, himak nitak a̱ ish ithaiyanashke, micha chi chu̱kʋsh a̱ isht ish anukfillashke; Chihowah ak osh ʋba yakni, micha nutaka yakni aiena ka̱ yʋmmak osh Chitokaka yoke, inla kʋt iksho hoke.

Tutelonomi 4:39 Iomraidhean Croise

2 Samuel 7:22

Yʋmohmi hokʋt chi holitopʋshke, Chitokaka Chihowa ma! pi haksobish ʋt haiyaklo tuk pulla moma ka chishno chiyuhmi kʋt iksho, micha inla kʋt Chitokaka ʋt iksho hoka.

Atʋloa 100:3

Chihowa hak osh Chitokaka yoka̱ hʋsh ithanashke; yʋmmak osh hʋp ikbi tok o̱, immi hʋpia hoke; ilap im oklah, micha ilap ak osh ʋpesa̱ha̱chi chukfʋlhpoa aiena ka̱ hʋpia hoke.

Atʋloa 115:3

Yohmih kia pi̱ Chitokaka yʋt ʋba ya̱ binnilishke; nana ho̱ ahnikmʋt, moma ka̱ yʋmihchi yoke.

Atʋloa 135:6

Ʋba micha yakni, okhʋtah puttah micha ahufobi moma ka̱, nana ho̱ Chihowa hʋt ahni tuk ʋt moma ka̱ a yʋmihchi yoke.

Eksotʋs 8:10

Mihma onnaha yah achi tok, Mihma chim anumpa hatuk mak o̱ yʋmohmashke. Yʋmohmi ho̱ pin Chitokaka Chihowah chohmi kʋt iksho ka̱, ish ithaiyanashke.

1 Kolinhlian 8:4

Na holbʋt toba puta isht aiokpʋchit nana ka im issa tok yʋmmak o̱ ʋpa hatuk imma tok okʋno, na holbʋt toba yʋt yakni pakna ya̱ nana ho̱ keyu; micha Chihowa inla yʋt iksho, amba achʋfa kak illa ka iloh ithanʋshke.

1 Kolinhlian 8:6

Amba pishno yokʋno Chihowa achʋfa, I̱ki, yʋmmak osh nan ai ahni pulla ho̱ nana moma kʋt toba hoke; mikma pishno ʋt yʋmmak o̱ immi pia hi osh il in toba hoke; mikma Chitokaka Chisʋs Klaist achʋfa yʋmmak atuk mak o̱ nana moma kʋt ai asha, mikma pishno mʋt yʋmmak atuk mak o̱ il ai ashʋshke.

Tutelonomi 32:12

Chihowah ak illa hosh ilaueli tok: mihma okla inla i̱ naholbʋt toba ʋt ik ibafoyuko tok.

Tutelonomi 32:29

Hopoyuksa tuk okbano, ilʋppa ithana tuk okbano, im isht aiopa he ʋt anukfilli tuk okbano.

Tutelonomi 4:35

Hʋchishno ʋto Chihowah ak osh Chitokaka yoke, hʋsh ithaiyana chi̱ ho̱ hʋchi̱ haiakʋchi tok; yʋmma inla kʋt iksho hoke.

Tutelonomi 6:4

Islael ma, hʋsh haklashke, Chitokaka pin Chihowah yʋt Chihowah achʋfa hoke.

Tutelonomi 7:9

Yʋmohmi hoka ish ithaiyana, Chihowah chin Chitokaka ak osh Chitokaka, micha Chitokaka aia̱hlichi ʋt holitobli cha, im anumpa ha̱ ieshikma, nan itim apesa, micha nan isht i̱ nukha̱klo ya̱ ai iti shali tahlepa sipokni hoh kia im iesha hi oke.

Choshua 2:11

Hʋchishno ak atuk pulla mak o̱ nana ilʋppa puta ka e haklo mak inli ho̱, pi chu̱kʋsh ʋt bihinla tok; yohmi na hatak kanima kia chilitʋt im anukfila kʋt i̱ fo̱ka kia iksho ki tok: Chitokaka hʋchin Chihowa yʋmmak osh peh pakna ʋba a holitopa, mikmʋt nutaka yakni aiena ka in Chihowa hoka.

1 Samuel 2:2

Nan ashʋchi iksho Chihowa ohmi kʋt iksho hoke: inla yʋt iksho ho̱, chishno ak bieka hokʋt: micha tʋli chaha nana kia pin Chitokaka chohmi kʋt a̱sha keyu hoke.