Tutelonomi 4:37 - Chahta Holisso Holitopa 1886

³⁷ Micha hʋchi̱ki ʋhleha ha̱ holitobli ha tuk osh yʋmma iakaiya im isht atiaka atokoli tok: micha isht im aia̱hli kʋllo hosh itikba ya̱ Echip a̱ a kohchit chisht a̱ya tok;

Tutelonomi 4:37 Iomraidhean Croise

Atʋloa 32:8

Chi hopoyuksʋchit hina ish ata̱ya he ʋlhpesa ka̱ chi̱ bihlibli la chi̱ hoke; sʋ nishkin ʋt chi onuttoiyula ho̱ na̱ chi̱ miha la chi̱ hoke.

Atʋloa 34:15

Chihowa nishkin ʋt ai ʋlhpiesa ʋhleha ha̱ pit o̱ tʋllohakma̱, ai i̱ pa̱ha̱ya ya̱ haksubish ʋt pit hʋponaklo hoke.

Atʋloa 44:3

Yakni ya̱ ilap i̱ bʋshpo fʋlaya yak o̱ isht ʋsittʋbit ishi tok keyu hoka̱, micha ilap shakba yak inli hosh im aiyʋchi tok keyu hoke; amba chibbak ishtimpakimma, chish shakba, micha chi nʋsshuka tohwikeli aiena kak ʋttok oke; ish i̱ kana hʋttok okʋt.

Eksotʋs 12:41

Atuk o̱ yakohmi tok, afʋmmi tahlepa ushta cha pokoli tuchina kʋt ont taha ma, nitak yʋmmak fehna ka̱ yakohmi tok, Chihowah im okla moma kʋt Echip yakni ya̱ kohchʋt ia tok.

Eksotʋs 12:51

Atuk o̱ mih nitak akinli ka̱ yakohmi tok, Chihowah yʋt Islael im ʋlla ʋhleha apehlichi ʋlhpisa ho̱ pehlichit, Echip yakni ya̱ kohchi tok.

Eksotʋs 13:14

Atukma yakohma hi oke, Nitak himak minti ka̱ chiso hʋt chim ponaklot, Ilʋppʋt nanta hoh cho? achikma, Chihowah yʋt ibbak hlampko hosh pehlichit Echip yakni, micha aboha ayuka ha̱ pi kohchi tok oke.

Eksotʋs 13:3

Mihma Moses ʋt okla ha̱, Himak nitak ak o̱, Echip, micha aboha ayuka hʋsh kucha tok ʋt hʋsh ithaiyanashke; ibbak hlompko hosh Chihowah yʋt ilʋppa a hʋchi kuchi tuk oke, pʋska shatʋmmi ya̱ ʋpa he keyu hoke.

Eksotʋs 13:9

Mikma nan ishtatokowa yosh chibbak a̱ lapala chi̱, micha ishit hʋsh ithana bilia yosh hʋchi nishkin ititakla ya̱ takala chi̱ hoke; yʋmohmi ho̱ Chihowah i̱ nanʋlhpisa hʋt hʋch itih ha̱ foyuka chi̱ hoke; Chihowah yʋt ibbak hlampko hosh pehlichit Echip a̱ hʋchi kuchi tuk oke.

Eksotʋs 33:14

Mihma Ʋno ak osh hʋchi awant ia la chi̱ hoke, micha hʋchi fohachi la chi̱ hoke, achi tok.

Numbas 20:16

Atuk o̱ Chihowah ya̱ il i̱ paha̱ya ma, pim anumpa haklo cha, enchil o̱ et pila cha pehlichit Echip a̱ ai ishit pi kohchichi tuk oke; atuk o̱ yakeh! chim ai ʋhli fehna tʋmaha holihta Katesh ak o̱ il ai ashʋshke.

Loman 9:5

Mihmʋt i̱ki ʋhleha tikba chash ot immi, micha yʋmmak o̱ Klaist ʋt hatak haknip imma hokʋno a minti tok osh, moma i̱ shaiyahlit Chihowa holitopʋt biliʋshke. Amen.

Tutelonomi 10:15

Peh Chihowah yʋt chi̱ki ʋhleha ha̱ holitobli kʋt im achukma tok; micha im ishtiaka pit iakaiya aiena ka̱ okla moma ka̱ im aiyachit atokolit ishi tok o̱, himak nitak a̱ yʋmohmi hoke.

Tutelonomi 23:5

Yohmi kia chin Chitokaka Chihowah yʋt Balaam a̱ i̱ haponakla he keyu tok; amba chin Chitokaka Chihowah yʋt chi holitobli hatuk okʋt anumpa hallakshichi yash filimmit na yukpali chim ikbi tok.

Tutelonomi 33:12

Micha Benchamin ano, Chihowah i̱ holitopa ʋt achukma̱ka bili̱ka ai ahanta hi oke, micha Chihowah yʋt nitak moma ompohoma hi oke; mikma tahchi itin takla ya̱ ahanta hi oke, achi tok.

Tutelonomi 33:3

A̱hli, okla ha̱ i̱ holitopa tok, imi saint ʋhleha moma kʋt chibbak foyuka hoke, micha chiyi ituma chieya tok: moma kʋt chim anumpa ha̱ ai isha hi oke.

Tutelonomi 4:34

Ak cho? Chitokaka yʋt oklushi achʋfa ho̱ oklushi inla iklʋnna a kohchit il isha chi̱kmʋt im onʋt imomaka pisʋt, nan isht atokowa, micha na fehna, micha tʋnʋp, micha ibbak kʋllo hosh, micha shakba ashatapʋt nan isht nukhlakancha chinto, hʋchin Chitokaka Chihowah yʋt hʋchi nishkin itikba Echip a̱ hʋchi̱ yʋmihchi tok, chiyuhmichi tok oh cho?

Tutelonomi 7:6

Chin Chitokaka Chihowah ya̱ im okla holitopa chia hoka; chin Chitokaka Chihowah yʋt okla moma yakni paknaka aiasha ka̱ i̱ shahlit immi atokowa chia ha chi̱ ho̱ atokolit chishi tok.

Tutelonomi 9:5

Ish ai ʋlhpiesa, micha chi chu̱kʋsh ʋt ai ʋlhpiesa kak osh i̱ yakni ya ishit a binilit ish ia keyu; amba oklushi ilʋppa puta haksi kak o̱, micha anumpa kʋllo ya̱ chi̱ki ʋhleha Eblaham, Aisak, micha Chekob aiena im il onoch i tok anumpa ha̱ aia̱hlicha chi̱ hosh chin Chitokaka Chihowah yʋt chi tikba a tihlelit kocha weli hoke.