Tutelonomi 4:36 - Chahta Holisso Holitopa 1886

³⁶ Micha hʋsh ithaiyana chi̱ hosh im anumpa ha̱ ʋba pit a chi haklochi tuk oke: micha yakni paknaka in luak chito chi pesʋchi tuk oke; mihma im anumpa luak iklʋnna minti ka̱ ish haklo tuk oke.

Tutelonomi 4:36 Iomraidhean Croise

Eksotʋs 19:18

Mihma Sinai nʋnih hʋt shobulli bieka tok, Chihowah yʋt luak afoyuka akowʋt ʋla tuk oka, mihma shobulli ʋba ia kʋt tʋli abila shobulli kak a̱ chiyuhmi ma, nʋnih hash osh momʋt winakahanchi fehna tok.

Eksotʋs 19:19

Atuk o̱ ishtpu̱fa falaia ola kʋt falaiʋt chitoli kʋt isht i̱ shahlit ma̱ha̱ya ma, Moses ʋt anumpuli ma Chitokaka yʋt anumpa ha̱ isht im afalaminchi tok.

Eksotʋs 19:9

Mihma Chihowah yʋt Moses a̱, Yakeh, hoshonti sukko ho̱ a foyukʋt chim ʋla la chi̱ hoke; yʋmohmi ho̱ chitim anumpule likma okla hʋt haklo cha, chi yʋmmi na bilia chi̱ hoke, im achi tok. Mihma Moses ʋt okla im anumpa ha̱ Chitokaka ya̱ im anoli tok.

Eksotʋs 24:16

Mihma Chihowah im a holitopa ʋt Sinai nʋnih ha̱ on talaia ma, hoshonti hʋt ompoholmo na, nitak hannali tok; atuk osh nitak isht untuklo ma Moses a̱ hoshonti iklʋnna ai i̱ howa tok.

Tutelonomi 4:12

Mihma Chihowah yʋt luak iklʋnna et a hʋchim anumpuli tok; anumpa ola hokʋno hʋsh haklo tok, yohmi kia na holba ka̱ hʋchik peso tok; peh ola kak illa ho̱ hʋsh haklo tok.

Tutelonomi 4:15

Yʋmohmi hoka, ahah, hʋsh ibai ahni fehnashke; nitak yʋmma Chihowah yʋt Holeb a̱ luak iklʋnna ho̱ et hʋchim ai anumpuli ma, na holba nana kia hʋsh pi̱sa tok keyu hokʋt;

Tutelonomi 4:33

Okla hʋt himonna kia hʋsh haklo tuk a̱ chohmit Chitokaka yʋt luak iklʋnna ho̱ et im anumpo̱honli na, haklo mʋt okcha̱ya tuk oh cho?

Tutelonomi 8:5

Micha hatak osh ushi ya̱ na hotopa onochi cha tuk a̱ chohmi hosh chin Chitokaka Chihowah yʋt na hotopa chi onochi tok a̱, chi chu̱kʋsh isht anukfillit ish pi̱hi̱sashke.

Heblu 12:18

Yohmi ka nʋnih yʋmma potola hinla, micha luak isht luhu̱wa, hoshonti lusa, micha okhlilika, micha apeli chinto aiena ho̱ hʋsh ona keyu,

Heblu 12:25

Ahah! ahnit yʋmmʋt anumpuli ka hʋch ik i̱ haponaklo ki ná. Yohmi ka yakni paknaka ai anumpuli ka ik i̱ haponaklo mʋt hlakofi tok keyu ka, yʋmmʋt ʋba a holitopa yak o̱ auet anumpohonli ho̱ il i̱ filʋmmi hokak heto, pi hlakofa he keyu fehna hoke: