Tutelonomi 4:34 - Chahta Holisso Holitopa 1886

³⁴ Ak cho? Chitokaka yʋt oklushi achʋfa ho̱ oklushi inla iklʋnna a kohchit il isha chi̱kmʋt im onʋt imomaka pisʋt, nan isht atokowa, micha na fehna, micha tʋnʋp, micha ibbak kʋllo hosh, micha shakba ashatapʋt nan isht nukhlakancha chinto, hʋchin Chitokaka Chihowah yʋt hʋchi nishkin itikba Echip a̱ hʋchi̱ yʋmihchi tok, chiyuhmichi tok oh cho?

Tutelonomi 4:34 Iomraidhean Croise

Atʋloa 136:12

Ibbak kʋllo ho̱, micha shakba ʋba pit ishit wieli hosh ishit kohchi tok a̱ yakoke hʋsh im achashke; im isht i̱ hullo yʋt abillia yoka̱.

Atʋloa 24:8

Ilʋppʋt kʋta hosh Mi̱ko hulittopa yoh choh? Chihowa kʋllo micha chilita, Chihowa tʋnampih chilita yoke.

Atʋloa 78:12

I̱ tikba ʋhlehah itikba ya̱, Echip yakni, Soan ʋbilli̱ka foka ya̱ na̱ fehna ho̱ yʋmi̱hi̱chi tuk ʋttok oke.

Eksotʋs 1:9

Micha im okla ha̱, Yakeh, Islael im ʋlla ʋhleha okla hʋt laua, micha kʋllo kʋt pi̱ shahli hoke.

Eksotʋs 10:21

Mihma Chihowah yʋt Moses a̱ Chibbak a̱ ʋba pit ish wielashke; yohmi na okhlili hʋt okhlili ha̱ yakohmi, ahna he ʋlhpesa hosh Echip yakni paknaka ya̱ onʋtoyulashke, im achi tok.

Eksotʋs 10:7

Mihma Falaoh in tishu ʋhleha hʋt, Katiohmi foka ho̱ hatak ilʋppʋt ishit pim ahleka chi̱ cho? ik ia cha, in Chitokaka Chihowah ya̱ ik aiokpʋchi, Echip ʋt okpulot taha kah, chik ithano ki̱sha cho? im achi tok.

Eksotʋs 13:3

Mihma Moses ʋt okla ha̱, Himak nitak ak o̱, Echip, micha aboha ayuka hʋsh kucha tok ʋt hʋsh ithaiyanashke; ibbak hlompko hosh Chihowah yʋt ilʋppa a hʋchi kuchi tuk oke, pʋska shatʋmmi ya̱ ʋpa he keyu hoke.

Eksotʋs 14:30

Yakohmi hosh nitak yʋmma Chihowah yʋt Islael a̱ Echip okla ibbak a̱ kohchit okchalinchi tok: atuk o̱ Echip okla illi ʋt okhʋta ʋhli aiasha na, Islael ʋt pisa tok.

Eksotʋs 15:11

Chihowah ma, naholbʋt toba puta im ai itin takla ya̱, kʋta hak osh chishno chiyuhmi cho? nan ashʋchi ik im iksho holitopa, holitopʋt annoho̱wa kʋt chinto, nafehna yʋmihchi chia hoke: kʋta hak osh chishno chiyuhmi cho?

Eksotʋs 19:4

Echip okla ha̱ nana ka̱ kaniohmichi li ka̱ hʋsh pisa tuk oke; micha o̱ssi sanahchi om binilichit shaiyalit a̱ bili̱ka hʋch isht ʋla li tuk a̱ hʋsh pisa tuk oke.

Eksotʋs 3:10

Yʋmohmi hoka, inta, himak a̱ Falaoh ya̱ pit in chi pila lashke; yʋmohmikma ʋm okla Islael im ʋlla ʋhleha ha̱ pehlichit Echip a̱ isht ish kohchashke, achi tok.

Eksotʋs 6:6

Yʋmohmi hoka Islael im ʋlla ʋhleha ha̱, Chihowah sia hoke, micha Echip okla hʋt naweki hʋchi onochi tuk a̱ a hʋchi kohchi la chi̱ hoke, micha hʋchi yukachi tuk a̱ hʋchi hlakoffichi la chi̱ hoke; micha shakba wieli hosh, micha napalʋmmi chinto onochi hosh hʋchi kohchit isht hʋchi hlakoffichi la chi̱ hoke.

Eksotʋs 7:3

Mihma Falaoh chukʋsh a̱ kʋllochi likmʋt, Echip yakni ya̱ nan ʋm isht atokowa, micha a̱ na fehna aiena ka̱ ai apaknʋche la chi̱ hoke.

Numbas 20:16

Atuk o̱ Chihowah ya̱ il i̱ paha̱ya ma, pim anumpa haklo cha, enchil o̱ et pila cha pehlichit Echip a̱ ai ishit pi kohchichi tuk oke; atuk o̱ yakeh! chim ai ʋhli fehna tʋmaha holihta Katesh ak o̱ il ai ashʋshke.

Tutelonomi 1:30

Hʋchin Chitokaka Chihowah ak osh hʋchi tikba iʋt hʋsh pi̱sa ho̱, Echip a̱ hʋchim a yʋmihchi tok moma ka̱ chohmit hʋchim itiba chi̱ hoke.

Tutelonomi 10:21

Yʋmmak osh ishit chi ano̱ho̱wa hi oke, micha chin Chitokaka yoke; yʋmmak osh na chito, micha palʋmmi puta chi nishkin ʋt pi̱sa tuk ilʋppa puta ka̱ chi̱ yʋmi̱hinchi tuk oke.

Tutelonomi 11:2

Micha himak nitak a̱ hʋsh ithaiyanashke; hʋchim ʋlla ʋhleha ha̱ im anumpule li keyu hoka; yʋmmak osh hʋchin Chitokaka Chihowah yʋt na hotopa onohonchi tuk, im aholitopa, ibbak a kʋllo, micha shakba ashatapa,

Tutelonomi 26:8

Micha Chihowah yʋt ibbak kʋllo hosh, micha shakba ashatapa hosh, micha palʋmmi chito hosh micha nan ishtatokowa, micha na fehna yʋmi̱hinchit pi pehlichit Echip a̱ kohchi tok.

Tutelonomi 29:3

Nan isht imomaka pisa hochito, micha nan isht atokowa, micha na fehna hochito yʋmma aiena ka̱ chi nishkin ʋt pisa ha tuk oke.

Tutelonomi 33:29

Islael ma na chi yukpashke, kʋta hosh Chitokaka okchalinchi chishno ya̱ chohmi cho? okla ma, yʋmmak osh chin tilehpa chi apela, micha yʋmmak osh bʋshpo falaia ishit chi a holitopa mak oke: chin tʋnʋp ʋhleha hʋt chi̱ holabi atuk o̱ pisa chi̱ hoke, mikma im achahaka puta ish ahʋhlicha chi̱ hoke, (achi tok.)

Tutelonomi 34:12

Micha ibbak kʋllo moma yʋmma, micha napalʋmmi chinto yʋmma, Islael moma kʋt pi̱sa ho̱ Moses ʋt haiakʋchi tok, (achi tok.)

Tutelonomi 5:15

Micha chishno yak kia Echip yakni ya̱ tishu chia ha tok, atuk o̱ Chitokaka chin Chihowah yʋt ibbak kʋllo, micha shakba ashatapa hosh yʋmma chi kohchi tok a̱ ish ithaiyanashke: yʋmohmi hatuk osh Chitokaka chin Chihowah yʋt nitak hullo nitak a̱ ish holitobla he a̱ chim apesa tok oke.

Tutelonomi 6:21

Yʋmohmikma, chiso hash, Echip yakni a̱ Falaoh i̱ yuka hosh il aiasha tok; atuk o̱ Chihowah yʋt ibbak kʋllo hosh Echip a̱ apehlichit pi kohchi tok.

Tutelonomi 7:19

Imomaka pisa puta chi nishkin ʋt pisa tok, micha nan isht atokowa puta, nan isht a fehna puta, micha ibbak kʋllo, micha shakba ashatapa hosh chin Chitokaka Chihowah yʋt ishit chi pehlichit kohcha tok a̱ ish ithaiyanashke: yʋmma chi yuhmi hosh chin Chitokaka Chihowah yʋt okla ish i̱ nukshopa puta ka̱ yʋmihcha hi oke.

Tutelonomi 9:29

Yohmi kia chim okla hoke, micha chimmi hosh nan isht chim aia̱hli kʋllo, micha chi shakba kʋllo ashatapa hosh pehlichit ish kohchi tuk oke, ahanchi li tok: im achi tok.

Choshua 24:7

Mihma Chihowa ya̱ okla i̱ pa̱ha̱ya ma, hʋchishno, micha Echip okla aiena hʋchim ititakla ya̱ okhlili takalichi tok, micha okhʋta ha̱ falʋmminchit onochit ompohomo tok: micha Echip a̱ nana akaniohmihinchi li tok a̱ hʋchi nishkin ʋt pi̱sa tok oke: micha yakni haiaka hʋsh ai asha na nitak laua tok.

1 Pita 5:6

Yʋmohmi hoka Chihowa ibbak hlampko nuta ya̱ hʋsh im il akanlosechashke; yohmi na ont ai yʋmohma he ai ʋlhpiesak ma ʋba hʋchi wakeli mak inlashke: