Tutelonomi 4:32 - Chahta Holisso Holitopa 1886

³² Himak a̱ nitak ant ia tok, yʋmmʋt chi tikba ya tuk, Chitokaka yʋt hatak ikbit yakni paknaka ya̱ o̱ hilechi tok, nitak ʋhlit mihinti ka̱ ish a ponaklashke; micha shutik in tʋnnʋp achʋfa ʋttʋt ia hosh in tʋnnʋp ont ʋhli ka̱ ish aponaklashke, nana chito ilʋppa chiyuhmi kʋt aiasha tok oh cho? keyukmʋt nana ilʋppa chiyuhmi ka̱ haklo tok oh cho?

Tutelonomi 4:32 Iomraidhean Croise

Genesis 1:27

Yohmi cha Chitokaka yʋt ilap akinli holba ho̱ hatak a̱ ikbi tok; Chitokaka holba ho̱ ikbi tok; nakni, micha tek itatuklo ho̱ ikbi tok.

2 Samuel 7:23

Micha okla achʋfa nanta hak osh yakni paknaka aiasha kʋt chim okla Islael, yʋmmak oka Chitokaka ʋt falʋmminchit, im okla ikbit ilai ishit, mnicha hohchifo ilai ikbit chishno ya̱, micha chi̱ yakni ya̱ nana chinto, micha nana palʋmmi ka chim okla itikba ya̱ a yʋmihchit, yʋmmak oka falʋmminchit chumpʋt Echip a̱ akohchit, micha okla puta, micha i̱ naholbʋt toba aiena puta ka a kohchit, ish ilai ihi̱shi tuk chohmi cho?

Atʋloa 44:1

Chitokaka ma, i̱ nittak, nittak cha̱shpo ka̱, na̱ toksʋli ish toksa̱ha̱li tok a̱ pi̱ki ʋhleha hʋt ʋnoli na, pi haksubish a̱ isht e hakloh chatuk oke.

Eksotʋs 34:10

Mihma, Yakeh anumpa a̱hli ikbi lishke, chim okla moma itikba ya̱ na fehna yʋmma chohmi kʋt yakni moma ka, micha oklushi nana kia, a yʋmohmi chatuk keyu ho̱ yʋmihchi la chi̱ hoke; mikma okla takla ish ahanta tuk ʋt moma kʋt Chihowah na yʋmihchi ka̱ pisa chi̱ hoke, na hʋchi yʋmihchi li ka̱ ishit nukhlakancha ya chi̱ hoke.

Mahlu 24:31

Atuk ma yʋmmak ash osh im enchil ʋhleha ha̱ isht‐pu̱fa ola chinto ieshi ho̱ tihlihinlikma, ilap atokoli tok ʋhleha ha̱ a mahli ushta shutik ont ai ʋhli achʋfa ka ʋhlit iʋt in tʋnnʋp pit a fullota ka a hoyot itahohomba hi oke.

Mark i̱ Holisso 13:27

Yʋmma fokakma yʋmmak ash ot im enchil ʋhleha ha̱ pit tihleli na ilap i̱ nan‐ʋlhtoka ʋhleha ha̱ a mahli ushta yakni atahaka ya̱ ai ʋhlit shutik ont ataha pit ai ʋhli ka a hoyot itahoba hi oke.

Tutelonomi 28:64

Micha Chihowah yʋt okla moma ka̱ aiyokomʋt, yakni a taha ka achʋfa ʋttʋt ia hosh, in tʋnnʋp ont ʋhli chi fimma hi oke; micha yʋmmak o̱ naholbʋt toba inla chishno, micha chi̱ki ʋhleha aiena kʋt ish ithana tuk keyu, iti, micha tʋli aiena yo̱ ish im antia hi oke.

Tutelonomi 30:4

Chimmi ha̱ tihlelit shutik a tahaka pilla isht ik ona tuk oh kia, yʋmmak o̱ chin Chitokaka Chihowah yʋt ont a hoyot chitʋnala he, micha yʋmmak o̱ ont chisht ʋla hi oke,

Tutelonomi 32:7

Nitak cha̱shpo a tok a̱ ish ithaiyanashke, micha ai iti shali laua afʋmmi puta ka̱ ish anukfillashke; chi̱ki ya̱ ish i̱ ponaklashke, chi pisʋcha hinla hoke, mikmʋt chim asʋnonchi ma yʋmmak okʋt chim anola hinla hoke,

Tutelonomi 33:29

Islael ma na chi yukpashke, kʋta hosh Chitokaka okchalinchi chishno ya̱ chohmi cho? okla ma, yʋmmak osh chin tilehpa chi apela, micha yʋmmak osh bʋshpo falaia ishit chi a holitopa mak oke: chin tʋnʋp ʋhleha hʋt chi̱ holabi atuk o̱ pisa chi̱ hoke, mikma im achahaka puta ish ahʋhlicha chi̱ hoke, (achi tok.)

Tutelonomi 4:7

Oklushi nanta hak osh holitopa kʋt yakohmi hotuma? yʋmma in Chitokaka yʋt pin Chitokaka Chihowah ya̱ nana moma ka̱ il im asilhha chatuk a̱ i̱ bilinchi hʋt chohmi hotuma?