Tutelonomi 4:31 - Chahta Holisso Holitopa 1886

³¹ (Chin Chitokaka Chihowah yʋt nan i̱ nukha̱klo Chitokaka yokʋt) chi kancha he keyu hoke, micha ishit chi ʋmohmicha he keyu hoke, micha hʋchi̱ki ʋhleha ha̱ anumpa kʋllo im il onochit nan itim apesa tuk ʋt im a haksa he keyu hoke.

Tutelonomi 4:31 Iomraidhean Croise

Atʋloa 103:8

Chihowa hʋt i̱ nukha̱klo, micha i̱ kana, nukhubelah sʋlaha, micha isht i̱ hullo i̱ lawa yoke.

Atʋloa 105:8

Nan ittim ʋpesa tok ʋt ithaiyana na billiʋshke; ʋnnumpah ʋpesa tok ʋt ithaiyana kʋt isht ai unchululi tʋhlepah sipoknih kia ona hoke.

Atʋloa 111:4

Nan inlah fehna yʋmi̱hi̱chi tuk a̱ isht ithaiyana ikbi tuk oke; Chihowa hʋt i̱ kana, micha i̱ nukha̱klo yoke.

Atʋloa 111:5

I̱ nukshopa ʋhleha ha̱ ilhpak ipetah chatuk oke; nan ittim apesa tok ʋt ithaiyana na billia chi̱ hoke.

Atʋloa 111:9

Im okla ha̱ ahlʋkuffi et ima tuk oke; nan ittim apesa tok ʋt abillia chi̱ ho̱ ʋpesa tok oke; hohchifo hʋt hulittopah micha i̱ nukshopa he ʋlhpesa hoke.

Atʋloa 116:5

Chihowa hʋt i̱ kana micha ai ʋlhpiesa yoke, micha pi̱ Chitokaka yʋt nan i̱ nukha̱klo yoke.

Atʋloa 86:15

Amba, a̱ Shahlih ma, chishno ak okʋto Chitokaka nan i̱ nukha̱klo, micha i̱ kana, i̱ nukhubelah sʋllaha, micha nan i̱ hullo, aia̱hlika ittʋtuklo kʋt a chinto chia hokʋt,

Atʋloa 86:5

A̱ Shahli chia hʋt chi̱ pa̱ha̱ya moma ka̱ i̱ kʋshuffih achukma, micha i̱ hullo chinto chia hoka̱.

Eksotʋs 6:8

Mikma ya̱kni yʋmma Eblaham, Aisak, micha Chekob a̱ ima la chi̱ hosh, anumpa kʋllo il onochi li tok ʋt, hʋchisht ona la chi̱ hoke; mikma hʋsh aiasha he ʋlhpesa yakni ya̱ chi̱ ho̱, hʋchima la chi̱ hoke; Chihowah sia hoke, im achi tok.

Lefitikʋs 26:42

Yohmikma Chekob a̱ nan itim apesali tok ʋt ithaiyana la hi oke, micha Aisak a̱ nan itim apesali tok ʋt ithaiyana la hi oke, micha Ebleham a̱ nan itim apesali tok aiena kʋt ithaiyana la hi oke, micha yakni ya̱ ithaiyan a la hi oke.

Lefitikʋs 26:44

Amba yʋmma moma ka̱ ik yohmi kia in tʋnʋp i̱ yakni a̱shakma kanchi la he keyu, micha shitilemʋt nan itim apesali ʋt kobʋffit kanchit ʋmohmichi la he keyu; in Chitokaka Chihowah sia hokʋt.

Lefitikʋs 26:45

Amba yʋmmak atuk pulla mak o̱ in tikba ʋhleha ha̱ yʋmmak oka in Chitokaka sia ha chi̱ hosh, oklushi Chihowah ik ithano ʋhleha hʋt pi̱sa ho̱, Echip yakni ya̱ pehlichit kohchit nan itim apesali tok ʋt, ithaiyana la hi oke, Chihowah sia hoke, ish im achashke, achi tok.

Numbas 14:18

Chihowah yʋt nuktaiyala na hopaki, micha isht i̱ nukha̱klo ʋt chinto hosh, nan ashʋchi micha yoshoba ya̱ i̱ kashoffi, micha nan ashʋchi im a̱hli ya̱ hlakoffichi keyu, micha i̱ki ʋhleha nan ashʋchi tuk a̱ im ʋlla ʋhleha ai iti shali ont atuchina, micha ont ai ushta hoh kia, nana palʋmmi ish onocha he ish miha tok mak osh, an Chihowah nan isht im aia̱hli ʋt chitashke.

ʋBanumpa Luk Ʋt Holissochi Tok 1:72

Yohmi kʋt pishno ʋt pin tʋnʋp ʋhleha ibbak ma il ai in hlakofikmʋt, pi okcha̱yʋt nitak il ai ahanta kʋt, nukshumpa iksho hosh nan‐ashʋchi ikshot ai ʋlhpiesa hosh im antiʋt, itikba ma il aha̱shwa he mak o̱, auet pim aiahna hi ʋt ilap i̱ nan‐ʋlhpisa holitopa anumpa kʋllo aiena ka pin tikba Eblaham a̱ isht ai im il onochi tok ʋt ithaiyana cha, anonti nan i̱ nukha̱kla he anumpa ha̱ pin tikba ʋhleha ha̱ ihi̱ma tok ʋt aia̱hlichi mak oke.

Tutelonomi 31:6

Hʋchi kʋllashke, micha hʋsh aiyimitashke, hʋsh i̱ nukshopa na; chin Chitokaka Chihowah yʋmmak osh chi auwant ia hoka, ik chim ai a̱hlo ka he keyu, micha chi kancha he keyu hoke, achi tok.

Tutelonomi 31:8

Mikma Chihowah yʋmmak osh chi tikba ia hoke, yʋmmak osh chiba foyuka chi̱ hoke; ik chim ai a̱hlo ka he keyu, micha chi kancha he keyu hoka; ik chi nukshopo kashke, micha ik chi nukhlakancho kashke, im achi tok,

Heblu 13:5

Nana hʋsh it i̱ kakiohmi kʋt nana it im anushkunna kʋt ik hʋchim iksho kashke; micha nana kaniohmi hosh hʋchim a̱sha hokmʋt isht hʋchim ʋlhpiesashke; yʋmmʋt, Chissʋt ia la himma keyu, micha hʋchi kanchi la himma keyu, ahanchi tok oka.

Choshua 1:5

Chi okcha̱yʋt ish ahanta nitak moma ka hatak nana kia chi tikba hikia he keyushke: Moses a̱ awant a̱ya li tok ʋt, yʋmmak inli ho̱ chohmit chi awant a̱ya la chi̱ hoke: nana ka ak chim ai a̱hlot chissa la he keyu hoke.