Tutelonomi 4:30 - Chahta Holisso Holitopa 1886

³⁰ Chilbʋshakmʋt nitak ishtaiopi fehna ka̱ nana ilʋppa puta kʋt hʋchi onʋtolakmʋt, falamʋt chin Chitokaka Chihowah ya̱ ish im ona cha, im anumpa ha̱ ish im antiakma:

Tutelonomi 4:30 Iomraidhean Croise

Genesis 49:1

Mihmʋt Chekob ʋt ushi ʋhleha ha̱ hoyo cha, Hʋsh itʋnaha na, nitak himmak a pilakma nana hʋchim a kaniohma hi ya̱ hʋchim anoli lashke.

Atʋloa 107:13

Yohmih ma̱ ilbʋssha kak osh Chihowa ha̱ i̱ pa̱yah ma̱, im ai ʋtikkunofa hielih ma̱, yʋmma̱ a kohchit hlʋkuffichishke.

Atʋloa 107:6

Yohmih mʋt ilbʋssha kak osh Chihowa ha̱ i̱ pa̱yah ma̱, im ai ʋtikkunofa hielih ma̱, yʋmma̱ a kohchichishke.

Atʋloa 18:6

Sʋ kummuntah mʋt, Chihowa ha̱ i̱ pa̱ha̱ya lish, a̱ Chitokaka ya̱ i̱ tahpa̱ha̱li lih ma̱, ʋm ʋnnumpa ha̱ im ʋboha hulittopa ya̱ awet ʋm a haiyaklo tok; mihma̱ ʋm ʋnnumpah ilbʋssha yʋt itikba onʋt haksubish a̱ chukkoa tok oke.

Atʋloa 59:16

Amba ʋno ʋto chimi lhampko ya̱ ishit tʋloa la chi̱ hoke, micha nan isht ish i̱ hullo ya̱ onnahinlikma̱ chitolit isht ʋnumpule la chi̱ hoke: ʋm ahlʋkuffi chaha, micha sʋlbʋsshah nittakma̱ ʋm ai ʋtukko chia hoka̱.

Eksotʋs 18:8

Mihma Moses ʋt ipochi ya̱ Islael pulla kak o̱ Chihowah yʋt Falaoh, micha Echip okla aiena ka̱ kaniohmichi tuk, micha hina takla ya̱ na palʋmmi kʋt onʋtola tuk, moma, mikma Chihowah yʋt hlakofichi tuk aiena tuk im anoli tok.

Numbas 24:20

Atuk osh Amalek a̱ pisa mʋt, nan isht ʋlhpisa ya̱ ishi cha, Amalek ak osh oklushi puta ka̱ ti̱kba tuk oke, yohmi tuk kia ont im ishtaiyopi hokʋto illit ai okpulokʋt taha hi oke, achi tok.

Apostel isht Anumpa 26:20

Amba ile kostininchi cha filemʋt, Chihowa ya̱ okla im ona cha, ile kostininchi yʋt a yohmi ai ʋlhpiesa ho̱ yʋmohmit aiasha hi a̱, ʋmmona ka, Tamaskʋs, mikmʋt Cheluselem, micha Chutia yakni afullota moma aiasha ka mominchit im anoli li mʋt, anonti oklushi nan ik ithano ʋhleha ma im anohonli li tok oke.

Apostel isht Anumpa 3:19

Yʋmohmi hoka ile kostininchit im anukfila inla hʋchi anukfohkashke; yʋmohmi na nitak hochukma Chitokaka itikba a mihinti kʋt ahanlakma, nan hʋsh ai ashʋchika puta kʋt hʋchi̱ kashofa hi oke.

Tutelonomi 30:10

Chin Chitokaka Chihowah ya̱ im anumpa ha̱ i̱sh i̱ haponaklo cha, im anumpa ʋlhpisa, micha i̱ nan ʋlhpisa bilia, nan ʋlhpisa holisso ilʋppa aholisso tuk a̱ ish ieshikma, micha falamʋt chi chu̱kʋsh a̱ mominchit, micha chimi shilombish a̱ mominchi hosh ish im onakma,

Tutelonomi 30:2

Micha chin Chitokaka Chihowah ya̱ falamʋt ish im ona cha, chishno, micha chim ʋlla ʋhleha aienʋt chi chu̱kʋsh mominchit, micha chimi shilombish mominchit himak nitak a̱ nana moma chim ahanchi li tuk mak o̱, yʋmohmit im anumpa ha̱ ish im antiakma;

Tutelonomi 31:17

Yohmikma nitak yʋmma ʋm ai i̱ nukkilli ʋt i̱ sanalit libba hi oke; micha kanchi likmʋt, sa nashuka ya̱ in luhmi likma, okpulot taha hi oke; micha nan ik achukmo, micha ishtataklʋma laua kʋt onʋtoyula hi oke; yohmi cha nitak yʋmma, Nan ik achukmo ilʋppa puta kʋt pin Chitokaka osh pitakla anta keyu kak o̱ pi onʋtola keyu cho? acha hi oke,

Tutelonomi 31:21

Atukma yakohma hi oke, nan ik achukmo, micha aiataklamoa laua hosh onʋtolakma, taloa ilʋppʋt witnes mak osh i̱ sanalit atokolashke; im ishtatia ka̱ itih ha̱ foyuka ka̱ im ahaksa chi̱ keyu hoke; himak a̱ fehna kak kia anumpa kʋllo im ilonochi li tuk ʋt yakni ya̱ isht ak ono ki̱sha ka̱ im anukfila hʋt kaniohmit itʋnowa ka̱ ithana li hoka, im achi tok.

Tutelonomi 31:29

Sʋlli ha ma il okpʋnit hʋsh kaiyanchi cha, hina nana hʋchi̱ miha li tuk a̱ pit hʋsh filema chi̱: atuk o̱ nitak ont ishtaiopikma, Chihowah itikba ya̱ nan ik achukmo ka̱ yʋmi̱hinchit hʋchibbak isht hʋsh toksʋlit, hʋsh nokowʋchi kak o̱ nana ik achukmo kʋt hʋchi onʋtola chi̱ ka̱ ithana li hoka, im achi tok;

Heblu 1:2

Pola̱ka ilʋppʋt ai ishtaiyopi mak o̱ ilap Ushi yo̱ isht a pim anumpohonli kʋt, yʋmmak osh nana moma ka iesha he im ai ʋlhpiesa mak o̱ atokoli tok; micha ʋba yakni, micha yakni ilʋppa a moyuma ka yʋmmak ash o̱ isht ai ikbi ak inli tok:

Heblu 5:9

Mihmʋt nana kʋt ai a̱hlit im ʋlhtaiyaha kak osh, im antia puta hokʋno ai okcha̱yʋt bilia ya̱ im atahli yoke: