Tutelonomi 4:29 - Chahta Holisso Holitopa 1886

²⁹ Yohmi tuk kia yʋmma a̱shʋt chin Chihowah Chitokaka ya̱ ish hoyokmʋt, chi chu̱kʋsh a̱ mominchit, micha chi shilombish a̱ mominchit hʋsh hoyokmʋt, hʋsh ahayucha hi oke.

Tutelonomi 4:29 Iomraidhean Croise

2 Mi̱ko 10:31

Yohmi kia Chehu ʋt ahah! ahnit chu̱kʋsh ai oklu̱hʋchit Islael in Chitokaka Chihowa i̱ nan ʋlhpisa ha̱ ik a nowo tok: Cheloboam ʋt nan ashʋchit Islael a̱ nan ashʋchechi tok a̱ ik i̱ filʋmmo tok.

2 Mi̱ko 23:3

Mihma mi̱ko ʋt ahikia paknaka ya̱ o̱ hikia cha, Chihowa ya̱ iakaiya he, micha im anumpa ʋlhpisa puta, micha nan isht im atokowa puta, micha nan ʋlhpisa puta aiena ka chu̱kʋsh aioklu̱ha, micha shilombish aioklu̱ha hosh holitobli cha, nan itim apesa ilʋppa im anumpa puta holisso ilʋppa takali tuk a̱ yʋmihincha he Chihowa itikba ya̱ nan itim apihi̱sa tok: mihma okla moma kʋt nan itim apesa ya̱ ʋlhpesa ahni tok.

Atʋloa 119:10

Sʋ chu̱kʋsh isht ai oklu̱hʋt chi ho̱ho̱yo li hoka̱, chim ʋnnumpah ʋlhpisa putta ka̱, i̱ filʋmmit ik yushobá, chik si ahno kashke.

Atʋloa 119:145

Chu̱kʋsh oklu̱hʋchi hosh isht chi̱ pa̱ya li hoka̱, is sʋ haiyaklashke, Chihowa ma; chi̱ nan ʋlhpisa putta ka̱ hulittobli lashke.

Atʋloa 119:2

Nan isht im ai ʋlhtukkoa putta ka̱ hulittobli, chu̱kʋsh ai oklu̱hʋt Chihowa ha̱ ho̱ho̱yo, nan ik ai ʋlhpeso ma̱ yohmi keyu, im ata̱ya puttah ʋpesa tok a̱ ai ittʋno̱ho̱wa yʋt na̱ yokpa yoke.

Atʋloa 119:58

Chu̱kʋsh isht ai oklu̱hʋchit isht ish i̱ kana ya̱ hoyo li hoka̱, nan ish achi tuk ʋt ai iakayʋt is sa̱ kanashke.

Tutelonomi 10:12

Yohmi ka̱ himak a̱ Islael ma, nanta ho̱ chin Chitokaka Chihowah yʋt chim ahoyo cho? amba chin Chitokaka Chihowah ya̱ i̱ nukwiʋt, i̱ hina moma ka̱ ano̱ho̱wa, micha holitoblit, micha chin Chitokaka Chihowah ya̱ chu̱kʋsh ai oklu̱hʋt, micha chi shilombish ai oklu̱hʋt isht ish im antia ho̱.

Tutelonomi 11:13

Atukma yakohma hi oke, achunanchit ʋm anumpa himak nitak a̱ hʋchim anumpo̱honli li ka̱ hʋsh haiyaklo, hʋchin Chitokaka Chihowah ya̱ hʋsh holitobli, micha hʋchi chu̱kʋsh a̱ mominchit, micha hʋchimi shilombish ma mominchit hʋsh im antiakma,

Tutelonomi 26:16

Himak nitak a̱ nanʋlhpisa bilia, micha aiʋlhpiesa ish yʋmi̱hincha chi̱ ho̱, chin Chitokaka Chihowah yʋt chim apesʋshke; yʋmohmi hoka chu̱kʋsh aioklu̱hʋt, micha chimi shilombish aioklu̱hʋt ieshit ish yʋmi̱hinchashke.

Tutelonomi 30:10

Chin Chitokaka Chihowah ya̱ im anumpa ha̱ i̱sh i̱ haponaklo cha, im anumpa ʋlhpisa, micha i̱ nan ʋlhpisa bilia, nan ʋlhpisa holisso ilʋppa aholisso tuk a̱ ish ieshikma, micha falamʋt chi chu̱kʋsh a̱ mominchit, micha chimi shilombish a̱ mominchi hosh ish im onakma,

Tutelonomi 6:5

Yohmi ka̱ Chitokaka chin Chihowah ya̱ chi chu̱kʋsh a̱ mominchit, micha chi shilombish ma mominchit, micha chi kʋllo ya̱ mominchit ishit ish holitoblashke,

Choshua 22:5

Yohmi kia ahah! ahni fehnʋt, nan ʋlhpisa puta Chihowa in tishu Moses ʋt atokolit hʋchi̱ miha kʋt, Chitokaka hʋchin Chihowa ya̱ holitoblit, ai ahni bieka ho̱ anoho̱wʋt, nan apihi̱sa puta ka ieshit, micha asitiʋt, micha chu̱kʋsh aioklu̱hʋt, micha shilombish aioklu̱hʋt hʋsh im antiashke, ahanchi tok a̱ hʋsh im antihi̱yashke, im achi tok.

1 Samuel 7:3

Mihma Samuel ʋt Islael in chuka achʋfa moma ka im anumpulit, Hʋchi chu̱kʋsh isht ai oklu̱hʋchit Chihowa ya̱ falamʋt hʋsh im ona hokmʋt, oklushi inla i̱ na holbʋt toba, micha Ashtalolh aiena ka̱ hʋch ititakla ya̱ hʋsh a kanchi cha, hʋchi chu̱kʋsh a̱ Chihowa ya̱ hʋsh im atahli cha, yʋmmak bano ho̱ hʋsh aiokpʋchashke; mikma Filistin okla ibbak a̱ akohchit hʋchi hlakoficha chi̱ hoke, achi tok.