Tutelonomi 4:28 - Chahta Holisso Holitopa 1886

²⁸ Mikmʋt yʋmma na holba puta hatak ibbak osh toksʋli tuk, iti, micha tʋli, na pisa he keyu, micha hakla he keyu, micha impa he keyu, micha hu̱wa he keyu aiena yak o̱ hʋsh im antia hi oke.

Tutelonomi 4:28 Iomraidhean Croise

2 Mi̱ko 17:40

Yohmi kia okla ik i̱ haponaklo hosh, amba cha̱shpo akaniohmi ak osh yʋmohmi tok.

Apostel isht Anumpa 19:26

Yʋmohmi ka Efesʋs ak o̱ bano keyu, amba Asia a̱ a mominchi chiyuhmit Pal ilʋppʋt, ibbak isht toba yokʋto chitokaka ʋhleha nana ho̱ keyu hoke, ahanchi cha, okla laua ka anukfokichit filamolihinchi ka hʋsh pi̱sa, micha hʋsh haklo aienʋshke.

Apostel isht Anumpa 7:42

Yohmi ma ʋba fochik puta ka, okla aiokpʋcha chi̱ mak o̱, Chihowa yʋt issʋt i̱ filʋmmi tok. Hopaii ʋhleha i̱ holisso ha̱ a holihi̱so kʋt, Islael in chuka achʋfa ʋhleha hʋchia ma! afʋmmi pokoli ushta ka yakni haiaka, nan ʋlhpoba nipi puta, micha nan isht ai okpʋchi puta aiena ka, isht hʋs sʋm ahanla cho?

Tutelonomi 28:36

Chihowah yʋt oklushi ya̱ chishno, micha chi̱ki ʋhleha aiena kʋt ithana tok keyu ho̱, chishno micha chi̱ mi̱ko chi pehlicha he o̱ ish hilechi tuk a̱ aiena ka̱ chisht im ona hi oke; mikma yʋmmak o̱ naholbʋt toba inla iti, micha tʋli aiena ka̱ ish aiokpʋcha hi oke.

Tutelonomi 28:64

Micha Chihowah yʋt okla moma ka̱ aiyokomʋt, yakni a taha ka achʋfa ʋttʋt ia hosh, in tʋnnʋp ont ʋhli chi fimma hi oke; micha yʋmmak o̱ naholbʋt toba inla chishno, micha chi̱ki ʋhleha aiena kʋt ish ithana tuk keyu, iti, micha tʋli aiena yo̱ ish im antia hi oke.

Tutelonomi 29:17

Micha nan isht a yuwala, micha i̱ naholbʋt toba puta, iti micha tʋli, micha tʋli hʋta, micha tʋli lakna aiena kʋt im ai itin takla ya̱ aiasha ho̱ hʋsh pisa tok okʋt.

Nan Otʋni 9:20

Yohmi kia nan isht ahullo okpulo puta, micha tʋli holisso lakna, tʋli hʋta, mikmʋt tʋli lakna, tʋli, iti aiena naholbʋt toba puta, yʋmmʋt pi̱sa keyu, micha haklo kia haklo keyu, mikmʋt nowa kia nowa keyu aiena ilap ibbak ʋt ikbi tuk okʋno ik aiokpacho ka chi̱ kʋt, hatak kanimi na palʋmmi ilʋppa isht ik illo ke tuk okʋto yʋmma i̱ filʋmmit ik ile kostinincho kish;

1 Samuel 26:19

Yʋmohmi ka himak a̱ a̱ shahli mi̱ko yʋt in tishu im anumpa ha̱ haklashke, chim asilhha lishke. Chihowa ak osh is sʋm asanala chi̱ ho̱ chi nukfohki hatuk okma, nan isht aiokpʋchi ya̱ aiokpʋchashke: amba hatak im ʋlla ʋhleha ak atuk okmʋt, Chihowa itikba ya̱ na palʋmmi kʋt onʋtolashke: Chihowa im ai isha he ʋlhpesa ya̱ ahanta la hetuk a̱ himak nitak a̱ kohchit sa chʋffichi cha, Iʋt okla inla i̱ naholbʋt toba puta yak o̱ im antiá, ʋm achi hokʋt.