Tutelonomi 4:27 - Chahta Holisso Holitopa 1886

²⁷ Mikma Chihowah yʋt oklushi puta ka̱ a hʋchi ita fimma hi oke: mikma Chihowah ik ithano okla ai iti takla yʋmma Chihowah yʋt hʋch isht a̱ya ka̱ holhtina kʋt ik lauo hosh hʋsh aiasha hi oke.

Tutelonomi 4:27 Iomraidhean Croise

Genesis 11:4

Mihmʋt, Inta! hʋpimmi hachi̱ ka̱ tʋmaha holihta micha chuka chaha ai atoni paknaka yʋt shutik a̱ ona ho̱ iloh ikbashke; micha pi hohchifo iloh ikbashke; keyukmʋt ita fimimpʋt yakni paknaka moma ka̱ il itʋnowa yoba ná, okla achi tok.

Genesis 34:30

Mihma Chekob ʋt Simeon micha Lefai ya̱, Hʋs si ataklʋmmi cha, yakni ya̱ okla Kenanait, micha Pelissait a̱ im itin takla ya̱ hʋs sa shuwʋchishke: holhtina kʋt ik sa lauwo hatuk o̱, iti hoyot itʋnaha cha, a̱ sanali cha, sʋba chi̱ hoke, mikma ʋno, micha an chuka achʋfa aiena kʋt illit sʋ taha chi̱ hoke, im achi tok.

Atʋloa 106:27

Im ishtatiaka ya̱ oklushi puttah im ai itti̱takla ai akkakohlechi cha, yakni putta ka̱ ai ittʋfemibla he, ʋnnumpah im il onucchi tok oke.

Atʋloa 44:11

Nan ʋpa chukfʋlhpoa yak o̱ ittillawwechit ish pikbi hoke, micha oklushi puttah im ai itti̱takla ish pi fimmishke.

Atʋloa 44:12

Chim okla ha̱ ish kanchi kʋt, nan isht chik ʋhayocho hoke, micha yʋmma̱ isht ʋlhtoba yatuk a̱ nan isht chi̱ lawah keyushke.

Lefitikʋs 26:33

Micha oklushi Chihowah ik ithano puta ka̱ im itin takla hʋchi fimmi lish bʋshpo falaia shu̱fit hʋchiakaiyachi la hi oke; mikma hʋchi̱ yakni ʋt chukilissakma, hʋchin tʋmaha holihta puta kʋt ai okpuloka hi oke.

Tutelonomi 28:36

Chihowah yʋt oklushi ya̱ chishno, micha chi̱ki ʋhleha aiena kʋt ithana tok keyu ho̱, chishno micha chi̱ mi̱ko chi pehlicha he o̱ ish hilechi tuk a̱ aiena ka̱ chisht im ona hi oke; mikma yʋmmak o̱ naholbʋt toba inla iti, micha tʋli aiena ka̱ ish aiokpʋcha hi oke.

Tutelonomi 29:28

Micha Chihowah yʋt nuklibisha, micha im ai i̱ nukkilli ʋt libbi kak osh, micha nukkillit shitilema kak osh tehlit i̱ yakni ya̱ kohchi tuk osh yakni inla yo̱ pit kanchi tok a̱ himak nitak a̱ yʋmohmi hoke, acha hi oke,

Tutelonomi 30:3

Yohmikma chin Chitokaka Chihowah yʋt chi nukha̱klokmʋt, falama cha, chi yuka tuk a̱ chi falʋmminchi cha, oklushi moma chin Chitokaka Chihowah yʋt pit chi fimmi tuk ʋt, a hoyot chitʋnala hi oke.

Tutelonomi 32:26

Ita fimmit achukbeli ya̱ isht ona lashke; ithaiyana ka̱ hatak ai itin takla ya̱ ai issʋchi lashke, achi li tuk oke.