Tutelonomi 4:26 - Chahta Holisso Holitopa 1886

²⁶ Yakni ya̱ hʋsh isha chi̱ hosh Chatan a̱ hʋsh hlopulla chi̱ kʋt, chekusi a chukillissʋt, hʋsh ʋmohma he ya̱; himak nitak a̱ ʋba yakni, micha yakni aiena kʋt hʋchi atokola chi̱ ho̱ pit hoyo lishke; nitak falaiachit, hʋsh o̱ aiasha he keyu, amba mosholit, hʋsh ʋmohma hi oke.

Tutelonomi 4:26 Iomraidhean Croise

Genesis 19:13

Ishit pa̱ha̱ya kʋt Chihowah itikba ya̱ chito fehnʋt taha hatuk o̱, tʋmaha holihta ilʋppa okpʋnit e kancha chi̱ hoke; mikma okpʋnit e kancha chi̱ ho̱, Chihowah yʋt et pi pila tuk oke, im achi tok.

1 Mi̱ko 9:7

Yohmikma Islael a̱ yakni ima li tok ʋt ai ishit kanchi la hi oke; mikmʋt chuka ilʋppa sa hohchʋfo hʋt ai itoyula chi̱ ho̱ hullochi li tuk ʋt, sa tikba ai ishit kanchi la hi oke: mikma Islael a̱ okla moma kʋt ishit yopulit anumpuli, micha nan isht achi ya hi oke.

Lefitikʋs 18:28

Yʋmohmi ho̱ oklushi puta hʋchi tikba aiasha tuk a̱ hoetʋt kohchi tuk ʋt yakni ʋt hʋchishno ak kia hoetʋt ik hʋchi kohcho kashke.

ʋBanumpa Luk Ʋt Holissochi Tok 21:24

Yohmikma bʋshpo falaia yo̱ isht akakoha he; micha yuka tobʋt oklushi moma ai im oho̱na he; mikma Chelusalem a̱ Chentail okla hosh aka a hʋhlihinchi na Chentail okla nana im ai ʋlhpisa atuk ʋt ont ai a̱hlik mak a hi oke.

Tutelonomi 11:17

Yʋmohmikma Chihowah im ai i̱ nukkilli ʋt hʋchi̱ sanalit libbikmʋt, shutik a̱ okshitakma, umba kʋt iksho ka he, mikma yakni ʋt i̱ nan waya puta ka̱ ik a wayo ka hi oke: mikma chekosi Chihowah yʋt yakni hʋchima tuk a̱ hʋsh a mosholi na.

Tutelonomi 28:20

Chihowah yʋt nana moma yʋmihcha chi̱ ho̱ chibbak isht ish ishikma, nan isht kallakshi, micha ishit chu̱kʋsh okpulo, micha nahotupa puta et chi ono̱honchi na, aiokpulokʋt chi taha hi oke, micha tu̱shpʋt ont ish moshola hi oke; nana ish akaniohmi kʋt okpulo hosh is sa kanchi tuk oka.

Tutelonomi 28:22

Chihowah yʋt tahat ishit yʋnha, micha yʋnha, micha nipi lua, micha nipi lua atampa, micha bʋshpo falaia, micha bʋshshi, micha shummit toshbi aiena ka̱ isht chissa hi oke; mikma chi akaiya na, ont ish moshola hi oke.

Tutelonomi 28:45

Micha na kallakshi ilʋppa puta moma kʋt chi onʋtula hi oke; micha chiakaiyʋt chi sa̱ha̱kki na, ont chi taha hi oke; chin Chitokaka Chihowah im anumpa ha̱ haponaklot, im anumpa ʋlhpisa, micha i̱ nan ʋlhpisa bilia chi̱ miha tok a̱ chik holitoblo tok oka.

Tutelonomi 28:61

Micha nan abeka puta, micha napalʋmmi puta nan ʋlhpisa ilʋppa aholisso ha̱ atakali keyu aiena ka̱ Chihowah yʋt chi onohonchikma, chi taha hi oke.

Tutelonomi 29:28

Micha Chihowah yʋt nuklibisha, micha im ai i̱ nukkilli ʋt libbi kak osh, micha nukkillit shitilema kak osh tehlit i̱ yakni ya̱ kohchi tuk osh yakni inla yo̱ pit kanchi tok a̱ himak nitak a̱ yʋmohmi hoke, acha hi oke,

Tutelonomi 31:28

Hʋchim apehlichi puta im asʋnonchi, micha hʋchi̱ nan ʋlhtoka puta ka̱ hʋs sʋm itʋnahli na, anumpa ilʋppa puta ka̱ haksobish a̱ haklochi lashke; micha ʋba, micha yakni ʋt i̱ sanalit holisso takalicha chi̱ ka̱ hoyo lashke.

Tutelonomi 32:1

Ʋba puta ma, hʋsh haklashke, mikma anumpule lashke, mikma yakni ma, sʋtih anumpa ha̱ ish haklashke.

Tutelonomi 7:4

Chiso hʋt si akaiya ya tuk a̱ fullolichi na, na holbʋt toba puta inla yak o̱ ai okpʋcha chi̱ hoke; yohmi ho̱ Chihowah im ai i̱ nukkilli ʋt chi̱ sanalit libbi cha, yakosi itin takla kia ishit chi kancha hi oke.

Tutelonomi 8:19

Atukma yakohma hi oke, chin Chitokaka Chihowah ya̱ peh chim ahaksikmʋt, micha na holbʋt toba inla puta iakaiyʋt ish itʋnowakmʋt, micha im antiʋt ish aiokpʋchikmʋt, ont ish moshola he ya̱ himak nitak a̱ atokolit chim anoli lishke.

Tutelonomi 8:20

Oklushi puta ka̱ Chihowah yʋt chi tikba ai ishit kanchi tok a̱ chohmit ont ish moshola chi̱ hoke; chin Chitokaka Chihowah im anumpa ish im antia he tuk keyu hoke, im achi tok.

Choshua 23:16

Chihowa hʋchin Chitokaka nan it im apesa anumpa hʋchim apesa tok a̱ hʋsh kobʋffi cha, na holba puta ka ont im antiʋt hʋsh im akachunolikma, yohmikma Chihowa im ai i̱ nukkilli ʋt libbit hʋchi̱ sanalikma, chekosi fehna yakni achukma hʋch ima tok a̱ ai illit hʋchi taha hi oke, im achi tok.

Choshua 24:20

Chihowa ya̱ hʋsh kanchi cha na holbʋt toba puta ka hʋsh im antiakma, yohmikma nana achukma ho̱ hʋchi̱ yʋmihinchi tuk kia, filema cha hʋchi hotopalit hʋchi tahla hi oke, im achi tok.