Tutelonomi 4:24 - Chahta Holisso Holitopa 1886

²⁴ Chin Chitokaka Chihowah yʋt luak na hushmit tahli, Chitokaka nukta̱ha̱hla yoka.

Tutelonomi 4:24 Iomraidhean Croise

2 Mi̱ko 24:20

Chihowa yʋt anukhobela pulla hosh, pola̱ka itikba ya̱ ai ishit kancha chi̱ kak o̱, Chelusalem, micha Chutah ya̱ a yʋmohmi tok oka; mihma Setekiah ʋt Babulon i̱ mi̱ko ya̱ i̱ filʋmmit i̱ sanali tok.

Atʋloa 21:9

Chi tikba ya̱ onakma̱, tʋli abila yo̱ chomihchit ish ikbashke; Chihowa hʋt im anukhubela yo̱ ishit musholichashke; mikma̱ luak ʋt hukmit tahlashke.

Atʋloa 78:58

Yohmi kʋt im achahaka ai ayokpʋchi puttah ishit nukoʋchih mʋt, i̱ na̱ holbʋt tuba putta kak o̱ ishit nuktʋhlali tok.

Eksotʋs 15:7

Micha chim aholitopa chinto kak osh chi̱ sanalit hikia tuk a̱ ish im aiyashke, chim ai i̱ nukkilli ya̱ ish kanchi na, onush ʋpi chohmichit hukmit tahli tuk oke.

Eksotʋs 20:5

Aka ish im akahchunoli, micha ish aiokpʋcha he keyu hoke, Chin Chitokaka Chihowah sia hʋt Chitokaka nukta̱ha̱hla sia hosh i̱ki ʋhleha nanashʋchi tuk a̱ im ʋlla ʋhleha ai itishali ont atuchina, micha ont ai ushta kia a̱ nukkilli ka̱ im a̱ya li hoke.

Eksotʋs 24:17

Mihma Chihowah im a holitopa pisa ka̱ Islael im ʋlla ʋhleha hʋt pi̱sa ho̱ luak nahukmit tahli ak o̱ chohmi hosh nʋnih paknaka talaia tok.

Eksotʋs 33:3

Pishukchi, micha foebila ayanahanli yakni o̱ hʋchisht ona chi̱ hoke: hʋchitin takla a̱yʋt ia la he keyu; ikunla kʋllo okla, hʋchia hoka, hina takla mosholichit hʋchi kanchi li yoba na, im achi tok.

Eksotʋs 34:14

Naholbʋt toba chitokaka inla ka̱ ish aiokpʋcha he keyu hoka, Chihowah yʋmma hohchifo kʋt Nuktanhla ya tuk osh, Chihowah nuktanhla yoke.

Numbas 25:11

Naholitompa isht ʋtta Alon ushi Eleasa ushi Finehas ʋt ʋno pulla kak o̱ amosholi cha ʋm ai i̱ nukkilli ya̱ Islael im ʋlla ʋhleha im itin takla ya̱ kanʋllichi na, sa nukta̱hla kak osh Islael im ʋlla ʋhleha ʋbit ak tahloshke.

1 Kolinhlian 10:22

Chitokaka ya̱ il anukhobelʋchi na pi̱ nuktʋhla hinla ho̱? yʋmma hlampko kʋt il i̱ shahli ho̱?

Tutelonomi 29:20

Chihowah yʋt apoancha he keyu hoke; amba Chihowah im ai i̱ nukkilli, micha i̱ nuktahla yʋt hatak yʋmma i̱ sanalit shobohonla hi oke; mikma kallakshichi anumpa moma holisso ilʋppa aholisso tuk ʋt onʋtoyula he; mikma Chihowah yʋt hohchifo ha̱ shutik nutaka ya̱ a kashofit kancha hi oke.

Tutelonomi 32:16

Okla inla i̱ naholbʋt toba ishit nuktahlali mʋt, na yuwala ya̱ ishit nukowʋchi tok.

Tutelonomi 5:9

Aka pit ish im akachunola he keyu, micha ish im antia he keyu: Chitokaka chin Chihowah sia hʋt, Chitokaka nukta̱ha̱hla sia hosh, i̱ki ʋhleha nan ashʋchi yash im ʋlla ʋhleha hʋt ai iti shali ont isht atuchina, micha ont isht ai ushta kia a̱ nukkilli ka̱ im a̱ya li hoke.

Tutelonomi 6:15

Chin Chitokaka Chihowah yʋt Chitokaka nukta̱hla yosh hʋchi takla ahanta hoka; keyukmʋt, chin Chitokaka Chihowah im ai i̱nukkilli ʋt chi̱ sanalit libbi na, yakni pakna ya̱ ai okpuloka hʋchi taha yoba ná.

Tutelonomi 9:3

Yʋmohmi hoka himak nitak a̱ chin Chitokaka Chihowah yʋmmak osh chi tikba hlopullit ia hoke; luak na hukmit tahli chiyuhmit ishit kancha chi̱ hoke, micha chi tikba ya̱ aka isht ona chi̱ hoke. Yʋmohmi hoka Chihowah yʋt chim achi tuk mak o̱, tihlelit ish kocha wehli cha, chekosi ishit ish kancha hi oke.

Heblu 12:29

Pin Chihowa yokʋt luak nan okpʋnit kahanchi yoka.