Tutelonomi 4:16 - Chahta Holisso Holitopa 1886

¹⁶ Keyukmʋt hʋsh il okpʋni cha, tʋhlʋt na holbʋt toba ikbit na pisa kaniohmi, nakni, keyukmʋt, tek nana kia holba;

Tutelonomi 4:16 Iomraidhean Croise

Eksotʋs 32:7

Mihma Chihowah yʋt Moses a̱, Iah, akowah, chim okla Echip yakni a̱ pehlichit ish kohchi kash osh il okpʋni hoke.

Lefitikʋs 19:4

Fullotʋt na holbʋt toba ya̱ hʋchik im ono kashke; micha bilʋt akmot na holbʋt toba hʋch ik ikbo kashke: Chitokaka hʋchin Chihowah sia hoke.

Lefitikʋs 26:1

Na holbʋt toba, micha na holbʋt toba in chu̱wa hʋsh ikba he keyu, micha na holbʋt toba ikbit hʋsh hilecha he keyu, micha tʋli na holbʋt toba nana kia hʋsh im aka chunola chi̱ kʋt chi̱ yakni a̱ hʋsh hilecha he keyu hoke, hʋchin Chitokaka Chihowah sia hoka.

Chan 4:24

Chihowa yʋt Shilombish oke: yohmi ka kʋna hosh yʋmma pit aiokpʋchi hokʋt shilombish, mikmʋt aia̱hli aiena mak o̱ isht aiokpʋchi pullashke, im achi tok.

Apostel isht Anumpa 17:29

Yohmi ka Chihowa ya̱ ushi ʋhleha pia hokʋt, Chihowa imma ya̱ tʋli holisso lakna okmá, keyukmʋt, tʋli hʋta, keyukmʋt tʋli, hatak nan isht ʋtta imponna nana anukfilli hosh, na holba ikbi ya̱ chohmi hoka, hʋpim ahoba he tuk keyu hoke.

Tutelonomi 16:22

Micha na holbʋt toba nana kia chin Chitokaka Chihowa yʋt shitilema ka̱ ish hilecha he keyu, (achi tok.)

Tutelonomi 27:15

Hatak nana hosh tʋhlit naholbʋt toba, keyukmʋt bilʋt akmot naholbʋt toba, Chihowah nan isht yuwala, hatak nan ikbi imponna ibbak osh atahli yo̱ ikbi cha, alumaka hilechikmʋt, kallakshashke: mikma okla moma kʋt, Amen, achashke;

Tutelonomi 31:29

Sʋlli ha ma il okpʋnit hʋsh kaiyanchi cha, hina nana hʋchi̱ miha li tuk a̱ pit hʋsh filema chi̱: atuk o̱ nitak ont ishtaiopikma, Chihowah itikba ya̱ nan ik achukmo ka̱ yʋmi̱hinchit hʋchibbak isht hʋsh toksʋlit, hʋsh nokowʋchi kak o̱ nana ik achukmo kʋt hʋchi onʋtola chi̱ ka̱ ithana li hoka, im achi tok;

Tutelonomi 4:23

Ahah, hʋsh il ahnashke; keyukmʋt nan itim apesa yʋmma hʋchin Chitokaka Chihowah yʋt hʋch itim apesa tok a̱ hʋchim a haksi cha, tʋhlʋt na holbʋt toba, keyukmʋt nana kia holba yʋmma chin Chitokaka Chihowah yʋt hʋchim olʋbi tok a̱ hʋsh ikbi ná,

Tutelonomi 4:25

Hʋchim ʋlla ʋhleha hʋt, micha ʋlla ʋhleha hash im ʋlla ʋhleha hʋt hʋchim a̱sha cha, yakni ya̱ hʋsh a̱sha hopakit taiyahakmʋt, hʋsh il okpʋnit tʋhlʋt na holbʋt toba, keyukmʋt nana kia holba hʋsh ikbi cha, chin Chitokaka Chihowah itikba ya̱ nana ik achukmo ka̱ yʋmohmit hʋsh nokowʋchikmʋt;

Tutelonomi 5:8

In chu̱wʋt na holbʋt toba, micha nana kia, ʋba yakni a̱sha, keyukmʋt nutaka yakni a̱sha, keyukmʋt yakni nutaka oka aiasha yʋmma holba kia chik ik bo kashke.

Tutelonomi 5:9

Aka pit ish im akachunola he keyu, micha ish im antia he keyu: Chitokaka chin Chihowah sia hʋt, Chitokaka nukta̱ha̱hla sia hosh, i̱ki ʋhleha nan ashʋchi yash im ʋlla ʋhleha hʋt ai iti shali ont isht atuchina, micha ont isht ai ushta kia a̱ nukkilli ka̱ im a̱ya li hoke.

Tutelonomi 9:12

Mihma Chihowah yʋt, Wakaya cha tu̱shpʋt ilʋppa ʋttʋt ish akowashke; chim okla Echip a̱ pehlichit ish kohcha kash osh ile litehlishke; chekosi i̱ miha li kash hina ya̱ kohchʋt fullotʋt naksika iʋshke; bilʋt akmot na holbʋt toba ikbishke, im achi tok.

1 Timohli 1:17

Yohmi ka Mi̱ko okcha̱yʋt a bilia, illa he keyu, na holhponayo hʋt pisa he keyu, Chihowa hopoyuksa yak bano kak o̱ ahninchit holitohombli na bilia hosh ik biliá. Amen.