Tutelonomi 4:13 - Chahta Holisso Holitopa 1886

¹³ Micha i̱ nan itim apesa hʋsh yʋmihcha chi̱ ho̱ hʋchim apesa tok, nan ʋlhpisa pokoli ka̱ hʋchim anoli tuk oke; micha tʋli patʋssa tuklo ho̱ ai o̱ holissochi tok.

Tutelonomi 4:13 Iomraidhean Croise

1 Mi̱ko 8:9

Micha itombi holitopa ya̱ nana hosh fo̱ka tok keyu, amba tʋli patʋssa tuklo ak illa tok, yʋmmak oka Islael im ʋlla ʋhleha hʋt Echip yakni ya̱ kohcha ma, Chihowa ʋt it im apesa na Holeb a̱sha ma, Moses ʋt a fohki tok.

Atʋloa 119:4

Chishno ʋt chi̱ nan ʋlhpisa putta ka̱ hʋttak ʋt ʋcchukmalit hulittobla he ish ʋpesa tok oke.

Eksotʋs 19:5

Yʋmohmi hoka himak a̱ ʋm anumpa ha̱ hʋsh im asitia mʋhli cha, a̱ nan itim apesa ya̱ hʋsh holitoblikmʋt, yohmikmʋt okla moma i̱ shahlit ʋmmi hʋchia ha chi̱ hoke; yakni ʋt moma kʋt ʋmmi hoka.

Eksotʋs 24:12

Mihma Chihowah yʋt Moses a̱, Nʋnih ha̱ oiyʋt is sʋm ʋlashke, micha yʋmmak o̱ ish antashke, mikma nanʋlhpisa, micha anumpa ʋlhpisa holissochi li tuk ʋt tʋli patʋssa chima lashke; yʋmohmi ka̱ ish im abʋchashke, im achi tok.

Eksotʋs 31:18

Atuk osh Moses a̱ Sinai nʋnih paknaka ai im anumpuli tuk ʋt ont tahli mʋt, nan ʋlhpisa patʋssa tuklo tʋli patʋssa Chitokaka ibbak ushi yosh ai o̱ holissochi yo̱ ima tok.

Eksotʋs 34:1

Mihma Chihowah yʋt Moses a̱, Tʋli patʋssa tuklo ʋmmona tuk a̱ chohmi ho̱ ish tʋhlashke, mikma tʋli patʋssa yʋmmak o̱ tʋli patʋssa ʋmmona ish koli kash anumpa atakali tuk a̱ ai o̱ holissochi lashke.

Eksotʋs 34:28

Micha yʋmma nitak pokoli ushta, micha ninak pokoli ushta ho̱ Chihowah takla ahanta tok, pʋska ya̱ ikpo, micha oka ya̱ ik ishko tok; micha nan ʋlhpisa anumpa nan ʋlhpisa pokoli yash tʋli patʋssa ya̱ ai o̱ holissochi tok,

Loman 9:4

Yʋmmak osh Islael isht atiaka ʋhleha hoke: yʋmmak o̱ ushi isht a toba, micha Chihowa yʋt holitopa fehnʋt im otaiyani, micha nan it im ʋlhpisa puta, micha ʋba nan ʋlhpisa in tonla, micha Chihowa isht aiokpʋchi, micha ai okcha̱yʋt bilia puta im issa tok aiena kʋt immi hoke:

2 Kolinhlian 3:7

Yohmi ka tʋli yo̱ ai in chu̱wa holisso isht ai illa he isht ai ʋtta yʋt holitopa; yohmi ho̱ Moses yʋmma nashuka yʋt shohpalali hoka, Islael ushi ʋhleha hʋt nashuka yash o̱ atokowʋt pisa he keyu ki tok; yʋmmak ash ot ont ai iksho ka hi atok oke;

Tutelonomi 4:12

Mihma Chihowah yʋt luak iklʋnna et a hʋchim anumpuli tok; anumpa ola hokʋno hʋsh haklo tok, yohmi kia na holba ka̱ hʋchik peso tok; peh ola kak illa ho̱ hʋsh haklo tok.

Tutelonomi 4:14

Mihma nitak yʋmma nan ʋlhpisa, micha aiʋlhpesa yʋmihinchi ya̱ yakni yʋmma onʋt hʋsh a binilikmʋt hʋsh yʋmihcha he yo̱ hʋchim abʋchi la chi̱ ka̱, Chihowah yʋt ʋm apesa tok.

Tutelonomi 5:22

Anumpa ilʋppa puta kak o̱ Chihowah yʋt chim okla moma ka̱ nʋnih ha̱, luak, micha hoshonti, micha okhlili sukko ka̱ ai iklʋnna chitoli hosh et ai im anumpohonli tok; mihmʋt himakma ik achakalo tok, Mihmʋt tʋli patʋssa tuklo ho̱ ai o̱holissochi cha, sʋbbak fohki tok.

Heblu 9:4

Yʋmmak oka anu̱kaka ya̱ na balama aluachi tʋli holisso lakna isht toba, micha nan it im ʋlhpisa yash im itombi yokʋt tʋli holisso lakna yosh isht ompoholmot apakfoyupa, yʋmmak o̱ tʋli holisso lakna nan ai ʋlhto manna yosh ʋlhto, micha Alon in tʋbi yʋt bikobli tok, micha tʋli patʋssa tuklo nan it im ʋlhpisa yʋt ai o̱ holihi̱so tok aiena kʋt foyuka hosh taloha tok: