Tutelonomi 4:12 - Chahta Holisso Holitopa 1886

¹² Mihma Chihowah yʋt luak iklʋnna et a hʋchim anumpuli tok; anumpa ola hokʋno hʋsh haklo tok, yohmi kia na holba ka̱ hʋchik peso tok; peh ola kak illa ho̱ hʋsh haklo tok.

Tutelonomi 4:12 Iomraidhean Croise

Eksotʋs 19:9

Mihma Chihowah yʋt Moses a̱, Yakeh, hoshonti sukko ho̱ a foyukʋt chim ʋla la chi̱ hoke; yʋmohmi ho̱ chitim anumpule likma okla hʋt haklo cha, chi yʋmmi na bilia chi̱ hoke, im achi tok. Mihma Moses ʋt okla im anumpa ha̱ Chitokaka ya̱ im anoli tok.

Eksotʋs 20:22

Mihma Chihowah yʋt Moses a̱, Yakohmichit Islael im ʋlla ʋhleha ha̱ ish im achashke. Ʋba et a hʋchim anumpule li ak inli ka̱ hʋsh pi̱sa tuk oke.

Numbas 12:8

Yʋmmak okʋno itih bi̱ka itim anumpohonli chohmit itim anumpule la chi̱ hoke: micha anumpa luma ha chi̱ keyu hoke; mikma Chihowah holba pisa chi̱ hoke; yohmi ka̱ nantihmi ho̱ an tishu Moses a̱ na mihachit anumpuli ka̱ ik hʋchi nukwio tuk oh cho? im achi tok.

Mahlu 17:5

Yʋmmʋt anumpohonli moma ho̱, hoshonti tohbi kʋt ant o̱ hoshontikachi tok; mihma anumpa hoshontika auet a kocha kʋt, Ilʋppak osh Sʋso a̱ holitopa yo̱, nan‐isht a sai yukpa fehna hoke; hʋsh i̱ haponaklashke, achi tok.

Mahlu 3:17

Yohmi ma ʋba shutik a̱ auet ai anuhumpa kʋt, Ilʋppak osh sʋso a̱ holitopa yo̱ ilʋppak o̱ nan isht a sai yukpa mak oke, achi tok.

Mahlu 3:3

Ilʋppak o̱ hopaii Esaias ʋt isht anumpulit, Achʋfa hosh yakni haiaka ya̱ ai anumpohonlit, Chihowa ata̱ya hi a̱ apoksiachit, i̱ hina puta ka hʋsh apissʋlechashke, ahancha hi oke, achi tok mak oka.

Tutelonomi 10:4

Mihma ʋmmona holisso tuk chohmi, nan ʋlhpisa pokoli Chihowah yʋt nʋnih ha̱ luak iklʋnna okla itʋnaha nitak ma, auet hʋchim anumpuli tuk ʋt tʋli patʋssa tuklo ka̱ ai o̱ holissochi tok; micha Chihowah yʋt ʋma tok.

Tutelonomi 4:11

Mihma bili̱ka onʋt, nʋnih nutaka ya̱ hʋsh hieli tok; mihma nʋnih hʋt luak ishit lua hosh shutik iklʋnna ona ma, okhlili, hoshonti, micha okhlili sukko aiena tok.

Tutelonomi 4:13

Micha i̱ nan itim apesa hʋsh yʋmihcha chi̱ ho̱ hʋchim apesa tok, nan ʋlhpisa pokoli ka̱ hʋchim anoli tuk oke; micha tʋli patʋssa tuklo ho̱ ai o̱ holissochi tok.

Tutelonomi 4:15

Yʋmohmi hoka, ahah, hʋsh ibai ahni fehnashke; nitak yʋmma Chihowah yʋt Holeb a̱ luak iklʋnna ho̱ et hʋchim ai anumpuli ma, na holba nana kia hʋsh pi̱sa tok keyu hokʋt;

Tutelonomi 4:33

Okla hʋt himonna kia hʋsh haklo tuk a̱ chohmit Chitokaka yʋt luak iklʋnna ho̱ et im anumpo̱honli na, haklo mʋt okcha̱ya tuk oh cho?

Tutelonomi 4:36

Micha hʋsh ithaiyana chi̱ hosh im anumpa ha̱ ʋba pit a chi haklochi tuk oke: micha yakni paknaka in luak chito chi pesʋchi tuk oke; mihma im anumpa luak iklʋnna minti ka̱ ish haklo tuk oke.

Tutelonomi 5:22

Anumpa ilʋppa puta kak o̱ Chihowah yʋt chim okla moma ka̱ nʋnih ha̱, luak, micha hoshonti, micha okhlili sukko ka̱ ai iklʋnna chitoli hosh et ai im anumpohonli tok; mihmʋt himakma ik achakalo tok, Mihmʋt tʋli patʋssa tuklo ho̱ ai o̱holissochi cha, sʋbbak fohki tok.

Tutelonomi 5:4

Chihowah yʋt nashuka iti̱ sanali hosh nʋnih ha̱ luak iklʋnna et hʋchim ai anumpohonlit,

Tutelonomi 9:10

Mihma tʋli patʋssa tuklo ka̱ Chitokaka ibbak ushi yosh a holissochi ya̱, Chihowah yʋt sʋbbak fohki tok; mihma itʋnaha chitot aiasha nitak o̱, Chihowah yʋt nʋnih ha̱ luak iklʋnna et ai anumpohonli tuk mak o̱, anumpa hʋt moma hosh ai o̱ holisso tok.

Koloshan 1:15

Yʋmmʋt Chihowa ya̱ pisa he keyu ka hoyulba kʋt, nana toba tok puta ka Ʋttahpi yoke.

Heblu 12:19

Yohmi kʋt isht‐pu̱fa yʋt ohonla, micha anumpa ʋlhpisa puta isht anumpohonli ma, yʋmma okla hʋt haiyaklo mʋt, anumpa yʋmmʋt himmakma ilap a̱ isht ik im anumpo ka chi̱ ka asilhha tok: