Tutelonomi 4:10 - Chahta Holisso Holitopa 1886

¹⁰ Micha Holeb a̱ hʋchin Chitokaka Chihowah itikba ya̱ hʋsh hieli tok nitak fehna ka̱ hʋsh ithanashke; Chihowah yʋt ʋm achi mʋt, Okla ha̱ is sʋm ai itʋnahlashke, mikma ʋm anumpa ha̱ haklochi lashke, yohmi ho̱ nitak moma okcha̱yʋt yakni paknaka aiasha takla kʋt, a̱ nukwia he osh ithana cha, im ʋlla ʋhleha ha̱ im abʋchashke, achi tok.

Tutelonomi 4:10 Iomraidhean Croise

Genesis 18:19

Yʋmmak ash osh im ʋlla ʋhleha ha̱, micha in chuka achʋfa et iakaiya ka̱ im api̱hi̱sakma, Chihowah i̱ hina ya̱ holitoblit aiʋlhpiesa ai atokowa kak o̱ yʋmihcha hi ya̱ ithana lishke; yʋmohmi ho̱ Chihowah yʋt Eblaham a̱ isht anumpuli tuk ʋt im aia̱hlicha hi oke, achi tok.

Atʋloa 145:4

Isht ai unchululi poiyutta kʋt ittiakaya hosh, nanah ish yʋmi̱hi̱chi putta ka̱ isht ittim ayokpa̱ha̱chikmʋt, na̱ chinto ish yʋmi̱hi̱chi ka̱ ittim ʋno̱ho̱lashke.

Eksotʋs 19:1

Islael im ʋlla ʋhleha hʋt Echip yakni ya̱ kohcha tok, hʋshi ont isht atuchina mihi yo̱ nitak fehna Sinai yakni haiaka ya̱ ona tok.

Eksotʋs 19:11

Nitak atuchina chi̱ ka̱ im ʋlhtahashke; nitak ont atuchinakma okla moma kʋt api̱sa ho̱ Chihowah yʋt akowʋt Sinai paknaka ya̱ ʋla chi̱ hoke.

Eksotʋs 19:16

Atuk o̱ yakohmi tok, nitak ont atuchina onnahinli ma, hiloha, micha hʋshukmʋlli, micha hoshonti sukko aiena kʋt nʋnih ha̱ onʋtoyula ma, ishtpu̱fa falaia ola kʋt chitoli atampa tok: yohmi na okla moma binah a̱sha tuk ʋt wʋnihinchi tok.

Eksotʋs 19:9

Mihma Chihowah yʋt Moses a̱, Yakeh, hoshonti sukko ho̱ a foyukʋt chim ʋla la chi̱ hoke; yʋmohmi ho̱ chitim anumpule likma okla hʋt haklo cha, chi yʋmmi na bilia chi̱ hoke, im achi tok. Mihma Moses ʋt okla im anumpa ha̱ Chitokaka ya̱ im anoli tok.

Eksotʋs 20:18

Mihma okla moma kʋt hiloha, micha hʋshukmʋlli, micha ishtpu̱fa falaia ʋt ola, micha nʋnih hʋt shobulli aiena ka̱ pisa tok; micha okla hʋt pisa mʋt, kanʋllit hopaki ho̱ hieli tok.

Eksotʋs 20:20

Mihma Moses ʋt okla ha̱, Hʋchi nukshopa ná, hʋchi tikba ya̱ Chitokaka im anukshopa yʋt takali na, ik hʋchi yoshobo ka chi̱ ho̱ imoma ka̱ hʋchi pesʋt ʋla hoke, im achi tok.

ʋBanumpa Luk Ʋt Holissochi Tok 1:50

Micha hatak it ai unchululi ia puta ka ilapa im antia ʋhleha ha̱ yʋmmʋt i̱ nukha̱klo kʋt ai in takali mak oke.

Tutelonomi 11:19

Micha yʋmma hʋchim aboha hʋsh a binilikmʋt isht hʋsh anumpohonlashke; micha hina takla hʋsh a̱yakmʋt, hʋsh itoyulakmʋt, micha hʋsh wakayakmʋt, hʋchim ʋlla ʋhleha ha̱ hʋsh im aba̱hanchashke.

Tutelonomi 12:1

Nanʋlhpisa bilia, micha aiʋlhpiesa yʋmi̱hinchi ilʋppa puta ka̱ chi̱ki ʋhleha in Chitokaka Chihowah yʋt yakni ya̱ ish isha chi̱ ho̱ chima tok a̱ okcha̱yʋt yakni paknaka hʋsh a̱ha̱shwa nitak moma kʋt ithaiyanʋt hʋsh yʋmihchashke.

Tutelonomi 14:23

Kanima ho̱ hohchifo a bohla chi̱ hosh atokolikma, yʋmmak o̱ chim onush, micha chim oka‐pa̱ki, micha chi̱ bila ishit pokoli, micha chi̱ nan ʋlhpoa hochito, micha chi̱ nan ʋlhpoa chipunta ushi ʋtta ahpi puta aiena ka̱ chin Chitokaka Chihowah itikba ya̱ ish ai ʋpashke; yʋmohmi hosh chin Chitokaka Chihowah ya̱ i̱ nukwia bilia ka̱ ish ithanashke.

Tutelonomi 17:19

Mikma iba itoyulashke, mihma okcha̱yʋt ahanta he nitak moma ka̱ yʋmma ai itim anumpo̱honlashke; yʋmohmi hosh Chitokaka in Chihowah ya̱ i̱ nukwia he, micha nan ʋlhpisa ilʋppa anumpa puta, micha anumpa ʋlhpisa bilia ilʋppa puta aiena ka̱ yʋmihincha chi̱ hosh ithaiya na hi oke.

Tutelonomi 4:9

Peh ahah, hʋsh il ahni cha, hʋchimi shilombish a̱ achunanchit hʋsh ieshashke, keyukmʋt, nana puta hʋchi nishkin ʋt pi̱sa tuk ʋt hʋchim ahaksi ná, micha chi okcha̱ya nitak moma ka̱ hʋchi chu̱kʋsh a̱ akohchʋt kʋnia na: amba chiso puta, micha chiso ha̱ ushi puta ka̱ ish im abʋchashke.

Tutelonomi 5:2

Pin Chitokaka Chihowah yʋt pishno ak o̱ Holeb a̱ nan a pitim api̱hi̱sa tok oke.

Tutelonomi 5:29

Chu̱kʋsh ʋt yakohmi nukfoyuka tuk okbano, yohmi hosh a̱ nukwia cha, ʋm anumpa ʋlhpisa moma ka̱ ieshi na, bilia cha, yʋmma mihcha im ʋlla ʋhleha aiena kʋt im ai achukma na, biliakbano ahnit ʋm achi tok.

Tutelonomi 6:2

Chitokaka hʋchin Chihowah ya̱ ish i̱ nukwia cha, i nan ʋlhpisa bilia moma ka̱, micha im anumpa chim anumpohonli li ka̱, chishno micha chiso, micha chiso ha̱ iso aiena kʋt chi okcha̱yʋt ish ahanta nitak moma kʋt ish ieshi cha, chi̱ nitak ʋt falaiashke.

Tutelonomi 6:7

Yohmi ka̱ chim ʋlla ʋhleha ha̱ achunanchit ish im abʋchashke; micha chin chuka ish binilikmʋt, micha hina takla ish ayakmʋt, micha ish itoyulakmʋt, micha ish wakayakmʋt isht ish anumpo̱honlashke.

Heblu 12:25

Ahah! ahnit yʋmmʋt anumpuli ka hʋch ik i̱ haponaklo ki ná. Yohmi ka yakni paknaka ai anumpuli ka ik i̱ haponaklo mʋt hlakofi tok keyu ka, yʋmmʋt ʋba a holitopa yak o̱ auet anumpohonli ho̱ il i̱ filʋmmi hokak heto, pi hlakofa he keyu fehna hoke:

Nan Otʋni 19:5

Mihma anumpa ola hʋt ai o̱ binili holitompa ya̱ auet a kohchʋt takali kʋt, Pin Chihowa ya̱ in tishu ʋhleha hʋchia, micha kʋna hosh yʋmma i̱ nukshohompa aiena kʋt ik alauwo, i̱ shahli, a moyuma kʋt oh aiokpahanchí, ahanchi tok.

1 Samuel 12:24

Peh Chihowa ya̱ hʋsh i̱ nukwia cha, aia̱hlit chu̱kʋsh oklu̱ha hosh hʋsh im antiashke: nana achinto fehna hʋchim atahli tuk a̱ hʋsh anukfillashke.