Tutelonomi 4:1 - Chahta Holisso Holitopa 1886

¹ Yʋmohmi hoka Islael ma, himak a̱ nan ʋlhpisa, micha aiʋlhpiesa yʋmihinchi hʋchim abʋchi li ka̱ hʋsh yʋmihcha chi̱ kʋt, hʋsh haklashke; yʋmohmi hosh hʋchi okcha̱ya cha, hʋchi̱ki ʋhleha in Chitokaka Chihowah yʋt yakni chima tok a̱ chukowʋt hʋsh a binilashke.

Tutelonomi 4:1 Iomraidhean Croise

Atʋloa 105:45

Yohmi ka̱ im ʋnnumpah ʋlhpisa putta ka̱ hulittobli cha, i̱ nan ʋlhpisa putta ka̱ hulittoblit iesha chi̱ kak ʋttok oke. Chihowa ha̱ hu holittoblichíh.

Atʋloa 119:4

Chishno ʋt chi̱ nan ʋlhpisa putta ka̱ hʋttak ʋt ʋcchukmalit hulittobla he ish ʋpesa tok oke.

Eksotʋs 18:20

Micha nana akaniohma he nanʋlhpisa, micha hina ataya he micha natoksʋli ya̱ yʋmihcha he aiena kak o̱ ish im abʋchashke.

Lefitikʋs 18:5

Yʋmohmi hoka a̱ nanʋlhpisa, micha a̱ nanʋlhpisa aiʋlhpisa ak o̱ hʋsh yʋmihcha hi oke; yʋmmak o̱ hatak ʋt yʋmihchi hokmak osh aiokcha̱ya hi oke: Chihowah sia hoke.

Lefitikʋs 19:19

A̱ nanʋlhpisa ha̱ hʋsh holitoblashke. Chi̱ nan ʋlhpoa ya̱ ilaiyukalichit ish itim ai ikbicha he keyu hoke: Chim osapa ya̱ na nihi itaiyoma yo̱ ish ahokcha he keyu hoke: micha linen micha chukfi hishi itaiyoma nafohka ya̱ ish foyuka he keyu hoke.

Lefitikʋs 19:37

Yʋmohmi hoka a̱ nanʋlhpisa, micha ʋm aiʋlhpesa yʋmihchi ak o̱ ithanʋt hʋsh yʋmihchashke Chihowah: sia hoke, ish im achashke, achi tok.

Lefitikʋs 20:8

Atuk o̱ a̱ nanʋlhpisa ha̱ hʋsh holitobli cha hʋsh yʋmihchashke. Chihowah sia hosh hʋchi hullochi li hoke.

Lefitikʋs 22:31

Yʋmohmi hoka ʋm anumpa ʋlhpisa ha̱ hʋsh holitobli cha, hʋsh yʋmihcha hi oke; Chihowah sia hoke.

Mahlu 28:20

Nan oklu̱ha ka nana ho̱ hʋchim apesa li tuk a̱ holitobla he mak o̱ hʋsh im abahanchashke: yohmikma yakeh! ʋno ʋt hʋchi awant a̱ya li̱ bilia ho̱, yakni ʋt ont ai ʋhla hi oke, achi tok oke. Amen.

ʋBanumpa Luk Ʋt Holissochi Tok 1:6

Mihi yosh yʋmmʋt tu̱klot Chihowa yʋt pi̱sa ho̱ aia̱hli biekʋt, anumpa ʋlhpisa puta, mikmʋt nan‐ʋlhpisa ilaiyuka Chihowa yʋt apihi̱sa tok a̱ moma ka i̱ shanaiya iksho hosh aha̱shwa tok.

Chan 15:14

Nana ho̱ hʋchim apesa li ka hʋsh yʋmohmi hokmʋt, a̱ kana hʋchia mak oke.

Loman 10:5

Yohmi ka Moses okʋt ʋba nan ʋlhpisa isht ai ʋlhpiesa ka isht anumpuli mʋt, Hatak ʋt yʋmma puta ka yʋmihinchik mʋt, isht ai okcha̱ya hi oke, achi tok oke.

Tutelonomi 1:3

Atuk o̱ yakohmi tok; afʋmmi ont ishit pokoli ushta, hʋshi ont ishit auahachʋfa, nitak ʋmmona ma, Moses ʋt Islael im ʋlla ʋhleha ha̱, Chihowah yʋt nanʋlhpisa imma ima tuk mak o̱, moma ka̱ im anumpuli tok.

Tutelonomi 1:8

Yakeh, yakni ya̱ hʋchi tikba talali lishke; chukowʋt yakni ya̱ Chihowah yʋt hʋchi̱ki ʋhleha Eblaham, micha Aisaak, micha Chekob, micha im ishtiaka iakaiyʋt mihinti aiena ka̱ anumpa kʋllo anumpulit, ima tok a̱ hʋsh ishashke, achi tok oke, achi tok.

Tutelonomi 11:1

Yʋmohmi hoka chin Chitokaka Chihowah ya̱ ish holitobli cha̱, chi̱ miha tok a̱, micha i̱ nan ʋlhpisa bilia, micha im ai ʋlhpiesa yʋmihinchi, micha im anumpa aiena ka̱ ish ieshi na, biliashke.

Tutelonomi 11:32

Mikmʋt nan ʋlhpisa bilia moma, micha ai ʋlhpiesa yʋmihinchi himak nitak a̱ hʋchi tikba ya̱ takalichi ka̱ ithaiyanʋt hʋsh yʋmihchashke.

Tutelonomi 13:1

Hʋchim ai iti takla hopaii yosh, keyukmʋt, na holhpokuna ya̱ holhpokuna yosh wakayʋt hikia cha, nan isht atokowa, keyukmʋt, na fehna yo̱ chi̱ haiakʋchikma,

Tutelonomi 16:20

Aiʋlhpiesa bieka kak o̱ ish iakaiya hi oke; yʋmohmi hosh chin Chitokaka Chihowah yʋt yakni chima ka̱ chi okcha̱ya cha ieshit ish aiasha hi oke.

Tutelonomi 30:16

Yohmi hosh himak nitak a̱ chin Chitokaka Chihowah ya̱ ish holitobli cha, i̱ hina ya̱ ish ai itʋnowʋt, im anumpa, micha i̱ nan ʋlhpisa bilia, micha im aiʋlhpesa yʋmi̱hinchi ya̱ ish ieshi cha, chi okchayʋt ish apaknʋcha he o̱ chi̱ miha lishke: mikma chin Chitokaka Chihowah yʋt yakni ya̱ ish isha chi̱ hosh yʋmma pilla ish ia ka̱ a chi yukpala hi oke,

Tutelonomi 30:19

Ai okcha̱ya micha ai illi, aiyukpa micha akalakshi aiena ka̱ hʋchi tikba takalichi li ka̱, ʋba micha yakni aiena kʋt himak nitak a̱ hʋchi atokolit holissocha chi̱ ka̱ hoyo lishke; yʋmohmi hoka ai okcha̱ya ak o̱ ish atokolashke: yʋmohmi hosh hʋchishno micha chim isht atiaka yʋt okcha̱yashke,

Tutelonomi 30:20

Yʋmohmi hosh chin Chitokaka Chihowah ya̱ ish holitoblashke, micha yʋmohmi hosh im anumpa ha̱ ish im antiashke, micha yʋmohmi hosh hʋsh asitiashke, (yʋmmak osh chi ai okcha̱ya, micha nitak isht chi̱ falaia yoke;) yʋmohmi hosh Chihowah yʋt chi̱ki ʋhleha Eblaham, Aisak, micha Chekob aiena ka̱ ima chi̱ hosh anumpa kʋllo im il onochi tok a̱, yakni ya̱ ish aiashashke, (achi tok.)

Tutelonomi 4:40

Yʋmohmi hoka i̱ nanʋlhpisa bilia, micha im anumpa puta himak nitak a̱ chim anumpo̱honli li puta ka̱ ish ieshashke: yʋmohmi ho̱ chishno micha chim ʋlla ʋhleha et chi akaiya aiena kʋt chim achukma̱kʋt ma̱ha̱yashke; micha chin Chitokaka Chihowah yʋt yakni chima tok a̱ ish aiasha kʋt nitak ish falaiachi na, biliashke, achi tok.

Tutelonomi 4:45

Micha nan isht atokowa, micha nan ʋlhpisa bilia, micha anumpa ilʋppa puta aiena kak o̱ Moses ʋt Islael im ʋlla ʋhleha hʋt Echip yakni ya̱ kohcha ha ya̱ im anumpuli tok.

Tutelonomi 4:8

Micha oklushi nanta hak osh holitopa kʋt yakohmi cha, nan ʋlhpisa, micha aiʋlhpiesa yʋmihchi aiena kʋt ʋlhpesa fehna, nan ʋlhpisa ilʋppa moma himak nitak a̱ chi tikba hilechi li ka̱ chohmi kʋt in tonla hotuma?

Tutelonomi 5:1

Mihma Moses ʋt Islael moma ka̱ hoyo cha, Islael ma, nan ʋlhpisa bilia puta, micha aiʋlhpiesa yʋmi̱hinchi puta hʋsh ha̱klo ho̱, himak nitak a̱ anumpo̱honli li ka̱ hʋsh haklashke; yʋmohmi hosh hʋsh ithana cha, ieshit hʋsh yʋmi̱hinchashke.

Tutelonomi 5:33

I̱ hina puta Chitokaka hʋchin Chihowah yʋt hʋchim api̱hi̱sa tuk mak o̱ hʋsh ai itanowa cha, hʋchi okcha̱yashke, micha hʋchim ai achukmashke, micha yakni hʋsh aiasha chi̱ ka̱, hʋsh aiasha kʋt nitak ʋt hʋchi̱ falaiashke, achi tok.

Tutelonomi 6:1

Yohmi ka̱ anumpa puta, micha nan ʋlhpisa bilia puta, micha ai ʋlhpiesa yʋmi̱hinchi ilʋppa puta hʋchim ʋlbʋcha he, Chitokaka hʋchin Chihowah yʋt anumpo̱honli na, yakni hʋsh aiasha chi̱ hosh hʋsh ia kʋt hʋsh a yʋmi̱hincha chi̱ kak a tok oke.

Tutelonomi 6:24

Micha Chihowah yʋt pim apesʋt, nan ʋlhpisa bilia ilʋppa moma e yʋmihcha he ishit pim aiachukma̱ka na bilia chi̱ kʋt, pin Chitokaka Chihowah ya̱ il i̱ nukshoyupa he a̱, achi tok; yohmi hosh pi okchalincha he a tok o̱ himak nitak a̱ ayʋmohmi hoke.

Tutelonomi 7:11

Yʋmohmi hoka anumpa ʋlhpisa puta, nan ʋlhpisa bilia, ai ʋlhpiesa yʋmihinchi, himak nitak a̱ chi̱ miha li ka̱ ish ieshi cha, ish yʋmi̱hinchashke.

Tutelonomi 8:1

Anumpa ʋlhpisa puta himak nitak a̱ chim anumpo̱honli li ka̱ ithaiyanʋt ish yʋmihchashke, yʋmohmi hosh hʋchi okcha̱yashke, micha hʋsh apakna cha, Chihowah yʋt hʋchi̱ki ʋhleha ha̱ anumpa kʋllo im il onochi tok a̱ yakni yash chukowʋt hʋsh binilashke.

Tutelonomi 8:11

Ahah, ish ahni cha, chin Chitokaka Chihowah ya̱ im anumpa ʋlhpisa puta, micha im ai ʋlhpiesa yʋmi̱hinchi, micha i̱ nanʋlhpisa bilia, himak nitak a̱ chim anumpo̱honli li ka̱ chik ieshot ik chim a hakso kashke.

Tutelonomi 9:1

Islael ma, ish haklashke, himak nitak a̱ oklushi hochito, micha kʋllo kʋt chi̱ shahli, tʋmaha holihta hochito, micha a holihta kʋt shutik ont ʋhli ho̱, chukowʋt ish isha chi̱ hosh Chatan a̱ ish hlopullachi̱shke.

Choshua 3:9

Mihma Choshua ʋt Islael im ʋlla ʋhleha ha̱, Ilʋppa hʋsh minti cha, Chitokaka hʋchin Chihowa im anumpa ha̱ hʋsh haklashke, im achi tok.