Tutelonomi 34:9 - Chahta Holisso Holitopa 1886

⁹ Mihma Nʋn ushi Choshua hopoyuksa shilombish a̱ alotowa tok; Moses ʋt ibbak a̱ onochi tuk a tuk oka: mihma Islael im ʋlla ʋhleha hʋt i̱ haponaklo cha, Chihowah yʋt Moses a̱ tohno tok mak o̱, yʋmihinchi tok.

Tutelonomi 34:9 Iomraidhean Croise

1 Mi̱ko 3:12

Yakeh! chim anumpa pulla tuk mak o̱ yʋmihchi lishke: yakeh! chu̱kʋsh hopoyuksa, nan ithana aiena ka chima lishke; yohmi ho̱ chi tikba aiasha kʋt chishno chohmi tok keyu, micha chiaka̱ya kʋt chishno chohmi kʋt wakayʋt hikia chi̱ keyu hoke.

1 Mi̱ko 3:9

Yʋmohmi hoka chin tishu hʋt chim okla ha̱ nan im apesa chi̱ ka chu̱kʋsh nan ithana ish ima na nana achukma, micha nana ik achukmo aiena ka akostininchi lashke: kʋta hosh chim okla chito yakohmi ka nan im apesa hinla cho? achi tok.

2 Mi̱ko 2:15

Atuk o̱ hopaii ushi ʋhleha Cheliko ya̱ ai asha kash osh ichapaka ya̱ yʋmmak ash pit pisa mʋt, Elichah imi shilombish ʋt Elisha ya̱ onʋtonlʋshke, achi tok. Mihmʋt okla mintit ant afama cha, aka pit im akachunoli tok.

2 Mi̱ko 2:9

Mihma yakohmi tok, hlopullit okla ma, Elichah ʋt Elisha ya̱, Chim ishit ik sasho ki̱sha kak o̱ nana chi̱ yʋmihchi la chi̱ ka ish asilhhashke, im achi tok. Mihma Elisha ʋt, Chimi shilombish a̱ inlohmi tuklo hosh si onʋtoyulashke; chim asilhha lishke, achi tok.

Eksotʋs 12:28

Micha Islael im ʋlla ʋhleha hʋt ia mʋt, Chihowah yʋt Moses, micha Alon a̱ im apesa tuk mak o̱ yʋmohmi tok, yohmi tok.

Eksotʋs 28:3

Micha hatak chu̱kʋsh hopoyuksa moma im anukfila hopoyuksa chu̱kʋsh alotoli li tuk a̱ ish im anumpuli na Alon a̱ hullochi na, na holitopa isht aiʋtta isht ʋm ahanta chi̱ ka̱ Alon a̱ nafohka im ikbashke.

Eksotʋs 31:3

Micha hopoyuksʋt, micha nana akostininchit, micha nanithanʋt micha na toksʋli ilaiyukali moma imponnʋt.

Numbas 11:17

Mikma akowa lish yʋmmak o̱ a chim anumpule lashke; micha shilombish chi onʋtoyula ka̱ ishi lish yʋmmak o̱ onochi lashke; mikma okla pehlichi weki ka̱ chiba shaiyalashke, mikma chishno ak bano hosh chik shaiyalo kashke.

Chan 3:34

Chihowa yʋt atohno tok a̱, yʋmmak okʋt Chihowa im anumpa ho̱ anumpohonlishke; yʋmmak oka Shilombish ʋt ʋlhpisa ho̱ Chihowa yʋt ihi̱ma keyu hoka.

Apostel isht Anumpa 6:6

Yʋmma puta kash o̱ ʋbanumpeshi ʋhleha itikba hiohlechi tok. Mihma okla ʋba pit anumpuli mʋt, ibbak isht umbitepa tok.

Tutelonomi 34:8

Mihma Islael im ʋlla ʋhleha hʋt Moab yakni patali Moses a̱ ai ishit yaiya na, nitak pokoli tuchina tok; atuk o̱ Moses a̱ ishit nishkin okchi mintit, ishit yaiyʋt aiasha tuk nitak ʋt ont taha tok.

Koloshan 2:3

Klaist ak o̱ na hopoyuksa, micha nan ithana ita tuklo im isht ilaiyukpa moma kʋt a luma hoke.

1 Timohli 4:14

Na hʋlbina chimmi ha he nitak hopaki pilla kash annoho̱wa tok o̱, ʋbanumpa isht ʋtta ʋhleha hʋt ibbak chi onochi na chim ai a̱hli tok ʋt, chi anukfoyuka kʋt isht chik ahanto ki ná.

1 Timohli 5:22

Hatak kʋna kia himak fokalechit ibbak onochit, inla nan ai ashʋchi ka chik iba ta̱klo kashke: yʋmohmi kʋt a kashofa hosh ish ahantashke.