Tutelonomi 34:7 - Chahta Holisso Holitopa 1886

⁷ Yohmi ka̱ Moses ʋt illi mʋt, afʋmmi tahlepa achʋfa cha pokoli tuklo tok; nishkin ʋt illi keyu, micha nipi kʋllo kʋt tahʋt isht ik aiyo tok.

Tutelonomi 34:7 Iomraidhean Croise

Genesis 27:1

Atuk o̱ yakohmi tok, Aisak ʋt sipoknit taiyaha cha, nish kin ʋt illi tok; yohmi cha, pisa he keyu mʋt, ushi ak ni fehna Esau ya̱ i̱ howa cha, Sʋso ma, im achi tok; mihma, Yakeh, yak hikia lishke, im achi tok.

Genesis 48:10

(Yohmi ka̱ Islael nishkin ʋt sipokni kak osh elli cha, nana pisa he keyu tok:) mihma Chosef ʋt i̱ bili̱ka isht ona ma, i̱ su̱ksowa cha shoyuli tok.

Atʋloa 92:15

Yohmi kʋt, Chihowa hʋt ai ʋpissali yosh, a̱ tʋli chito, yʋmma̱ nan ik ʋlhpeso nanah kia ik im iyiksho ka̱ ʋnola chi̱ kak oke.

Eksotʋs 7:7

Mihmʋt Falaoh ha̱ im anumpulit okla mʋt, Moses ʋt afʋmmi pokoli untuchinakma. Alon ʋt afʋmmi pokoli untuchina akucha tuchina ha tok.

Apostel isht Anumpa 7:23

Yʋmohmi tok osh hopaki kʋt afʋmmi pokoli ushta ont ʋlhpiesa mʋt, itibapishi Islael ushi ʋhleha ha̱ i̱ nowʋt a̱ya hi oka, chu̱kʋsh anukfoyuka tok.

Apostel isht Anumpa 7:30

Atuk o̱ afʋmmi pokoli ushta kʋt ont taha ma, Chitokaka im enchil ʋt yakni haiaka nʋnih chaha Saina ya̱ bʋfaha anu̱ka luak libbi ho̱, ant im a haiaka tok.

Apostel isht Anumpa 7:36

Mihma na fehna, micha nan isht ahoba puta aiena ka, Echip yakni, micha okhʋta humma, mikmʋt afʋmmi pokoli ushta ho̱ yakni haiaka ya̱, isht a kaniminchi hosh, yʋmma pehlichit kohcha tok.

Tutelonomi 31:2

Micha himak nitak a̱ afʋmmi tahlepa cha, pokoli tuklo li hoke; himakma kuhchʋt iʋt, ant chukowa la he keyu hoke; micha Chihowah yʋt Chatan ilʋppa ish hlopulla he keyu, a̱ miha ha tuk oke;

Tutelonomi 34:8

Mihma Islael im ʋlla ʋhleha hʋt Moab yakni patali Moses a̱ ai ishit yaiya na, nitak pokoli tuchina tok; atuk o̱ Moses a̱ ishit nishkin okchi mintit, ishit yaiyʋt aiasha tuk nitak ʋt ont taha tok.