Tutelonomi 34:4 - Chahta Holisso Holitopa 1886

⁴ Micha Chihowah yʋt, Yakni ilʋppak o̱ Eblaham Aisak, micha Chekob aiena ka̱ anumpa kʋllo im ilonochit, chim ishtatiaka ya̱ ima la hi yoke, achi li tok mak oke: chi nishkin ishit chi pisachi lishke, yohmi kia pit hlopullit yʋmma ish ia he keyu hoke.

Tutelonomi 34:4 Iomraidhean Croise

Genesis 12:7

Mihma Chihowah yʋt Eblam a̱ i̱ haiaka cha, Yakni ilʋppa chim ishtatiaka ya̱ ima la hi oke, im achi tok: mihma yʋmmak o̱ Chihowah yʋt i̱ haiaka tuk ash alta ya̱ im ikbi tok.

Genesis 13:15

Yakni ish pi̱sa ka̱ mominchit chishno, micha chim isht aiunchololi aiena ka̱ immi bilia he mak o̱ ima la chi̱ hoke.

Genesis 17:8

Mikmʋt Kenan yakni ʋt moma, okla inla yosh ish ai ahanta yakni ya̱ chishno, micha chim ishtatiaka et chiakaiya aiena kʋt hʋchi̱ yakni bilia chi̱ ho̱ hʋch ima la chi̱ hoke: mikmʋt in Chitokaka sia ha hi oke, achi tok.

Genesis 26:3

Yakni ilʋppak o̱ nowʋt a̱ya yosh ish ahantashke, mikma chibafoyuka lish, chi yukpali lashke; chishno, micha chi aiunchololi yak o̱ yakni ilʋppa moma ka̱ ima la chi̱ hoka, micha anumpa kʋllo yʋmma anumpulit chi̱ki Eblaham a̱ im il onochi li tok ʋt aia̱hlichi la chi̱ hoke.

Genesis 28:13

Mihma yakeh, Chihowah yʋt paknaka ya̱ hikia cha, Chi̱ki Eblaham in Chitokaka Chihowah sia hoke, micha Aisak in Chitokaka sia hoke: yakni ish ai on itoyula ka̱ chishno, micha chim ishtatiaka ya̱ ima la hi oke.

Numbas 20:12

Mihma Chihowah yʋt Moses micha Alon a̱ im anumpulit, Hʋchik sa̱ yimmot Islael im ʋlla ʋhleha itikba ya̱ hʋchik sa holitoblo tuk okʋt, yʋmohmi tuk okʋt okla ilʋppa pehlichit yakni ima li tok a̱ isht hʋsh chukowa chi̱ keyu hoke, im achi tok.

Chan 1:17

Nan‐ʋlhpisa yokʋto Moses ak atuk mak o̱ ʋlhpihi̱sa tok: amba nan isht i̱ kana, micha nan‐aia̱hlika aiena hokʋto Chisʋs Klaist ak o̱ a minti tok.

Tutelonomi 1:37

Micha Chihowah yʋt hʋchishno pulla kak o̱ a̱ nukowa cha̱, yʋmma ish chukowa he keyu, ak inli.

Tutelonomi 1:8

Yakeh, yakni ya̱ hʋchi tikba talali lishke; chukowʋt yakni ya̱ Chihowah yʋt hʋchi̱ki ʋhleha Eblaham, micha Aisaak, micha Chekob, micha im ishtiaka iakaiyʋt mihinti aiena ka̱ anumpa kʋllo anumpulit, ima tok a̱ hʋsh ishashke, achi tok oke, achi tok.

Tutelonomi 32:52

Yohmi kia yakni ʋt chi tikba talaia na ish pisa chi̱ hoke; yohmi kia yakni Islael im ʋlla ʋhleha ima li tok a̱ yʋmma iʋt ish ona he keyu hoke, achi tok.

Choshua 21:43

Mihma Chihowa yʋt anumpa kʋllo il onochit i̱ki ʋhleha ha̱ ima he i̱ mihi̱ha tok ʋt yakni ya̱ mominchit Islael a̱ ima tok: mihma ieshit a binili tok.

Nan Apesa 1:16

Mihma Moses ipochi Kenait in chipota hʋt pam iti tʋmaha holihta ya̱ kohchʋt iʋt, Chutah im ʋlla ʋhleha ha̱ awant iʋt yakni haiaka, yʋmmʋt Alat im oka mahli imma yo̱ ona cha, okla takla ai asha tok.