Tutelonomi 33:9 - Chahta Holisso Holitopa 1886

⁹ Yʋmmak osh i̱ki, micha ishki ya̱ pisa li tuk keyu, im achi tok: micha itibapishi ʋhleha ha̱ ik ithano, micha im ʋlla ʋhleha hak inli kash mih yoh ik acho tok: chi̱ nan ʋlhpisa ha̱ ithaiyana cha, chi̱ nan itim apesa ieshi ha tuk okʋt.

Tutelonomi 33:9 Iomraidhean Croise

Genesis 29:32

Mihma Leah ʋt chakali tok; atuk osh ʋlla nakni yo̱ eshi cha, Luben hochifo tok: Sʋlbʋsha ka̱ Chihowah yʋt sa pi̱sa tuk pullʋshke; himak ano a̱ hatak ʋt a̱ hulla chi̱shke, achi tuk okʋt.

Atʋloa 119:57

Chihowa hʋt ʋmmi yoke: “Chim ʋnnumpah putta ka̱ hulittobli lashke,” achi le tuk oke.

Lefitikʋs 10:6

Mihma Moses ʋt Alon, micha ushi Eliesa micha Ihlama, Hʋchi noshkobo o̱ hlipa ya̱ hʋchik shu̱fo kashke, micha hʋchi̱ nafohka ya̱ hʋchik hlilʋffo kashke; hʋch illi ná, micha im ai i̱ nukkilli ʋt okla moma ka̱ onʋtuyula ná: amba hʋchitibapishi ʋhleha Islael in chukachʋfa moyuma kʋt luak a̱ Chihowah yʋt oti tuk ak o̱ chitoli hosh yaiyashke.

Lefitikʋs 21:11

Micha haknip illi ya̱ iba chukowa he keyu, micha i̱ki, keyukmʋt ishki yatuk ok mak o̱ ile litehla he keyu hoke.

Mahlu 10:37

Kʋna hosh i̱ki yokmá, keyukmʋt ishki yokmá, nana ho̱ i̱ hullo kʋt ʋno a̱ im i̱ shahli hokʋt, ʋmmi ha he ʋlhpesa keyu hoke: mikmʋt ushi yokmá, keyukmʋt ushetik okmá, nana ho̱ holitobli kʋt ʋno a̱ im i̱ shahli hokʋt, ʋmmi ha he ʋlhpesa keyu mak inli hoke.

Mahlu 12:48

Yohmi kia afalaminchi mʋt, nan im anoli yash o̱, Hʋshki ak osh kʋta ho̱? mikma itibapishi li ʋhleha ak osh kʋta hoh cho? im achi tok.

Mahlu 22:16

Mihmʋt ilap nan im ai ithʋna ʋhleha ha̱, Helotian iksa ai itapeha ho̱ pit in tihleli mʋt, Nan ithʋnanchi ma! chishno ʋt aia̱hli chia achukma chatuk; mikmʋt Chihowa i̱ hina aia̱hli mak o̱ ish ithʋnanchi chatuk, hatak nana kia nan isht ik chim ahobo chatuk; mikmʋt hatak ʋt chim it i̱ shashohli keyu chatuk a̱ il ithaiyanʋshke.

ʋBanumpa Luk Ʋt Holissochi Tok 14:26

Kʋna hosh a̱yʋt ʋm ʋla kʋt, i̱ki, micha ishki, mikmʋt tekchi, mikmʋt im ʋlla, anonti ilap itibapishi, mik mʋt in tek ʋhleha aiena, mikmʋt im ilhfiopak akinli aiena kak kia, i̱ nukkilli keyu hokʋto, nan ʋm ai ithʋna a he keyushke.

2 Kolinhlian 5:16

Yohmi ka himak a pilla ka haknip imma hatak nana kia il ithaiyana chi̱ keyu: a̱hli, yohmi kia haknip imma Klaist okʋno il ithaiyana tok: yohmi tok kia himak a pilla kʋno yʋmmak ash il ithaiyana chi̱ keyu mak oke.

Kaleshan 1:10

Himak a̱ hatak ak osh, keyukmʋt Chihowa ak osh a̱ kana he ahni li cho? hatak o̱ yukpali sa bʋnna ho̱? hatak ak o̱ yukpali li momakmʋt, Klaist in tishu sia ha he keyu hokʋt.

1 Hlessalonian 2:4

Amba Chihowa ak osh ʋlhpesa ahnit ʋbanumpa ha̱ pibbak fohki tok oka, yʋmohmit il anumpuli hoke: hatak ak o̱ e yukpali keyu, amba Chihowa pi chu̱kʋsh a̱ pi̱sa yak oke.

1 Timohli 5:21

Nana chim apihi̱sa li kʋt, Chihowa, micha Chitokaka Chisʋs Klaist, micha enchil ʋlhtoka ʋhleha aiena ka itikba hikia li hosh, ilʋppa ish holitobli kʋt it i̱ shahsholechit, hatak achʋfona ho̱ i̱ kana i̱ shahlichit nana isht chik im ahanto ka he ahni lishke.