Tutelonomi 33:8 - Chahta Holisso Holitopa 1886

⁸ Micha Lefai ano Chin Hlʋmmim, micha chim Ulim ak osh chi̱ holitopa takla yashke, yʋmmak oka Massa ya̱ ai i̱ momaka ish pisa tok; micha yʋmma Melibah oka ya̱ ish iti̱ kʋllo tok.

Tutelonomi 33:8 Iomraidhean Croise

Atʋloa 106:16

Atuk o̱ binah aiyashah mʋt, Moses micha Chihowa i̱ hulittopa Elon ittʋtuklo ka̱ i̱ putʋnnoh ma̱,

Atʋloa 16:10

Ʋmish shilombish a̱, illi aiasha ik a̱ttá, ish ahna he keyukmʋt, chi̱ hulittopa yʋt na̱ tushbi ya̱ pisa chi̱ ka̱ ish im issa he keyu hoka̱.

Atʋloa 81:7

“Na̱ chi̱ pʋlʋmmi hosh ish pa̱ha̱yah ma̱, chi kohchi li tok; hilohah ai ʋlomaka ya̱ et a chim ʋnumpo̱ho̱li li tok; Melibah oka ya̱ imomaka a chi pi̱hi̱sa li tok oke. [Yukopa.

Eksotʋs 17:7

Mihma Islael im ʋlla ʋhleha hʋt na mihachi tuk ak o̱; micha Chihowah ya̱ imomaka pisʋt, Chihowah yʋt piba foka hokmá, keyukmá, nanta cho? achi tuk oka, yʋmma hohchifo ha̱ Massah micha Melibah achi tok.

Eksotʋs 28:30

Micha nanisht apesa ikkishi alata ya̱ Ulim micha Hlummim a̱ ish fohkashke; atukma Alon ʋt chukowʋt Chihowah itikba onakmʋt chu̱kʋsh a̱ onochit shaiyalashke, micha Islael im ʋlla ʋhleha nan im aiʋlhpiesa ya̱ Alon ʋt chu̱kʋsh onochit shaiyalit Chihowah itikba hikia na biliashke.

Eksotʋs 28:36

Micha tʋli holisso lakna bano patʋssa ish ikbi cha, isht in chu̱wa in chu̱wa ya̱ chohmi ho̱ in chunlit Chihowah im I holitopa hoke, achit ish takalichashke.

Lefitikʋs 21:7

Haui ya̱, keyukmʋt ik ahobo ohoyo ha̱ ik esho kashke, micha i̱ hatak ʋt kanchi tok ohoyo ha̱ isha he keyu hoke; in Chitokaka i̱ holitopa hoka.

Lefitikʋs 8:8

Mihmʋt ikkishi alata yash i̱ nuchechi tok, micha ikkishi alata yash Ulim micha Hlʋmmim aiena ka̱ lapalichi tok.

Numbas 16:5

Micha Kolah micha im apeha tuk moma ka̱ im anumpulit, Onnaha fehnak mak o̱ kʋna hosh immi hokma micha kʋna hosh holitopa hokma Chihowah yʋt otʋnincha chi̱ hoke; micha ilap a bili̱ka isht ona chi̱ hoke; ilapʋt atokoli tuk pulla kak osh bili̱ka isht ona chi̱ hoke.

Numbas 20:13

Ilʋppak osh Melibah oka mak oke, Islael im ʋlla ʋhleha hʋt Chihowah ya̱ i̱ kʋllo na isht aholitopa tuk oka.

Numbas 20:24

Alon ʋt im okla ha̱ ont ibafohka chi̱ hoke, oka Melibah ya̱ ʋm anumpa ha̱ i̱ sanalit hʋsh filʋmmi tuk oka, yakni Islael im ʋlla ʋhleha ima li tok a̱ chukowa he keyu hoke.

Numbas 27:21

Micha naholitompa isht ʋtta Eleasa itikba hikia na yʋmmak osh Chihowah itikba Ulim ai isht apesa yak o̱ isht im asilhhʋcha hi oke: im anumpa ho̱ kohchʋt ia hi oke, micha im anumpa ho̱ ont chukowa hi oke, yʋmma micha Islael im ʋlla ʋhleha apiha aiena kʋt okla moma puta kʋt yʋmohma hi oke, im achi tok.

Numbas 35:8

Micha tʋmaha holihta puta hʋsh ima kʋt Islael im ʋlla ʋhleha i̱ yakni ak o̱ hʋsh im ai ishashke: in lauakma, im ai ishit laua ho̱ hʋsh imashke; amba ik in lauokma im ai ishit ik lauo ho̱ hʋsh imashke: moma kʋt ai isha he ʋlhpesa ya̱ i̱shi kak osh ʋlhpi̱sa ho̱ Lefait ʋhleha ha̱ tʋmaha holihta ya̱ imashke, im achi tok.

Tutelonomi 6:16

Massah ya̱ ai imoma ka̱ hʋsh pisa tuk a̱ chohmit, hʋchin Chitokaka Chihowah ya̱ imomaka chik peso kashke.

Tutelonomi 8:16

Yʋmmak osh yakni haiaka ya̱ chi̱ki ʋhleha hʋt ithana tuk keyu ho̱ manna ya̱ chipeta kʋt, chi chu̱kʋsh a̱ akanlosechi, micha imoma ka̱ chi pesa cha, ont chim ishtaiopikma, chim achukmala chi̱ hosh yʋmihchi ma;

Tutelonomi 9:22

Micha Tabelah, micha Massah, micha Kiblolh‐hattafah ya̱ ia Chihowah im ai i̱ nukkilli ya̱ hʋsh anokowʋchi tok.

Heblu 7:26

Yohmi ka na holitompa isht ʋtta chinto, yʋmmak okʋt ai ashʋchika ik im iksho, nan ik okpano, na liteha iksho, nan ashʋchi ʋhleha ha̱ ai i̱ filʋmmi, micha chaha kʋt ʋba yakni yak kia i̱ shahli, yʋmmak chiyuhmi hosh pim ahanta he ai ʋlhpiesa hatok:

Nan Otʋni 3:7

Mikmʋt chʋch Filatelfia a hikia nan isht im ʋtta ya̱ pit ish i̱ holissochashke: Holitopa, ai a̱hli mak osh, Lewi im isht tiwa ya̱ ieshi hosh, yʋmmʋt okhishta haya, hatak nana hosh wakʋmma he keyu; anonti tiwa haya, hatak nana hosh okhishta he keyu chatuk mak o̱ ilʋppa puta ka achishke.

1 Samuel 28:6

Mihma Sal ʋt Chihowa ya̱ i̱ ponaklo kia, Chihowa ʋt afalamichit nana ik acho tok, holhpokna hokma, Ulim okma, hopaii okma, nana kia isht ik im anolo tok.