Tutelonomi 33:21 - Chahta Holisso Holitopa 1886

²¹ Micha ʋmmona ka̱ yʋmmak o̱ nan ʋlhpisa ima yʋt binilichi ha tuk oka, ila tahli tok; micha okla i̱ noshkoboka apehʋt ʋla tok; Chihowah im ʋlhpiesa, micha Islael a̱ aiʋlhpiesa i̱ yʋmihinchi ya̱ aia̱hlichi tok, achi tok.

Tutelonomi 33:21 Iomraidhean Croise

Numbas 34:14

Luben apehlichi im ʋlla ʋhleha ʋto i̱ki ʋhleha in chuka achʋfa ʋlhpi̱sa hosh, micha Kat apehlichi im ʋlla ʋhleha i̱ki ʋhleha in chuka achʋfa ʋlhpi̱sa hosh i̱ yakni ya̱ ishi tuk oka; mikma Manasseh apehlichi iklʋnna aiena kʋt i̱ yakni ishi tuk oka,

Choshua 1:14

Hʋchi tekchi, hʋchim ʋlla, micha hʋchi̱ nan ʋlhpoa moyuma kʋto yakni Moses ʋt hʋch ima tok Chatan ola in tʋnnʋp ak inli ho̱ aiashashke: amba hʋchishno hatak hlampko hochukma chilitʋt nukwia iksho hʋchia hokʋto, nahalupa im ʋlhtahʋt moyumʋt tikba iʋt, hʋch itibapishi ʋhleha ha̱ ont hʋsh apelashke.

Nan Apesa 5:11

Oka ai ochi iti tanampo sholi tʋshka pa̱ya ka i̱ hlakofi hʋchia ma! yʋmma Chihowa yʋt Islael yakni tʋmahushi puta ka nana ai ʋlhpiesa ka i̱ yʋmihchi tuk a̱ it im anola hi oke: yʋmohmikma Chihowa im okla hʋt akowʋt holihta okhissa puta ka falamʋt ona hi oke.

Nan Apesa 5:2

Okla hʋt aiokpanchit im il ihi̱sa ma, Chihowa hʋt Islael a̱ im il aiokha ka hʋsh holitoblichashke.