Tutelonomi 33:2 - Chahta Holisso Holitopa 1886

² Micha Chihowah yʋt Sinai a minti tok, micha Sei yak o̱ i̱ wakaya tok, Palan nʋnih hak o̱ atohwikelit et a kohcha tok: micha saint ʋhleha tahlepa sipokni pokoli ho̱ pehlichit ʋla tok: ibbak isht impakimma ya̱ nan ʋlhpisa libbi ʋt ʋttʋt ia tok.

Tutelonomi 33:2 Iomraidhean Croise

1 Mi̱ko 11:18

Micha Mitian a̱ a kohchʋt okla wakayʋt Palan a̱ ona tok: mihmʋt Palan a̱ hatak kanohmi ai ishi cha ia mʋt, Echip onʋt, Feleo Echip i̱ mi̱ko ya̱ im ona tok: yʋmmʋt chuka ya̱ ima mʋt, ilhpak a̱ im atahli cha, yakni ya̱ ima tok.

Atʋloa 50:2

Chitokaka yʋt ayukli a̱hli Saion a̱ et a tohwikelishke.

Atʋloa 68:17

Tʋnʋp itichʋnaha Chitokaka immi hʋt miliat kʋnnohmi hosh tʋhlepah sipokni ittʋlbilkʋchi yoke; Sainai ʋt im ai a̱ha̱tta hulittopa yo̱ nan i̱ Shahli ʋt im oklah im ai itti̱takla ya̱ ai a̱ha̱tta tok oke.

Atʋloa 68:18

Ʋba achahaka ish ona tok; yuka ya̱ lawachit ish yukachi tok; hʋttak puttah, micha chi̱ filʋmmit chim asʋnali ʋhleha hak oh kia, na̱ hʋlbina putta ka̱ isht ish im ai ʋla tuk oke; micha yʋmohmi hosh Chihowa Chitokaka mak osh ilʋppa̱ ish a̱ha̱tta chi̱ hatuk oke.

Eksotʋs 23:20

Yakeh, ai atahli le tuk ʋt chisht ala la chi̱, hina chi fohkit chisht a̱ya chi̱ ka̱ enchel o̱ chitikba et hilechi li tok.

Numbas 10:12

Yohmi ma Islael im ʋlla ʋhleha hʋt Sinai yakni haiaka isht ia tok; atuk o̱ Pelan yakni haiaka yak o̱ hoshonti hʋt ont talaia tok.

Apostel isht Anumpa 7:53

Micha enchil ʋhleha hosh nan ʋlhpisa ya̱ auet tosholi na, hʋsh eshi tok; yohmi kia hʋchik holitoblo cha tuk oke: achi tok oke.

2 Kolinhlian 3:7

Yohmi ka tʋli yo̱ ai in chu̱wa holisso isht ai illa he isht ai ʋtta yʋt holitopa; yohmi ho̱ Moses yʋmma nashuka yʋt shohpalali hoka, Islael ushi ʋhleha hʋt nashuka yash o̱ atokowʋt pisa he keyu ki tok; yʋmmak ash ot ont ai iksho ka hi atok oke;

2 Kolinhlian 3:9

Isht a palʋmma he nan ʋlhpisa isht ai ʋtta yʋt holitopa hokma, nan isht ai ʋlhpiesa isht ai ʋtta yokak heto holitopa kʋt i̱ shahli fehna he tuk keyu ho̱?

Kaleshan 3:10

Ʋba nan ʋlhpisa anukchieto aiyuka hokʋto, na hotopa anumpa hʋt onʋtonla bieka hoka: holisso kʋt, Kʋna kia ʋba nan ʋlhpisa holisso atakali puta ka achunanchit ik im antio aiyuka hokʋno, na hotopa anumpa hʋt onʋtuyula hoke achi hoka,

Kaleshan 3:19

Yohmi ka ʋba nan ʋlhpisa yʋt nanta ho̱ katiohmichi hatok oh cho? Nan ʋlhpisa kobʋffi pulla kak o̱ ʋlhpisa tok o̱, isht atiaka yʋmma nana im ihi̱sa tok ʋt ʋlak mak a he ʋlhpisa tok; yohmi ka enchil ʋhleha hosh iti takla hikiʋt tosholi ya̱ i̱ nutaka hosh nan ʋlhpisa ya̱ anolit haiakʋchi tok.

Kaleshan 4:24

Yʋmmʋt nan isht ʋlhpisa yoke: ilʋppʋt nan it im ʋlhpisa tuklo yoka; achʋfa kʋt nʋnih chaha Sainai a tobʋt yuka ikbichi, yʋmmʋt Akah yak oke.

Tutelonomi 5:22

Anumpa ilʋppa puta kak o̱ Chihowah yʋt chim okla moma ka̱ nʋnih ha̱, luak, micha hoshonti, micha okhlili sukko ka̱ ai iklʋnna chitoli hosh et ai im anumpohonli tok; mihmʋt himakma ik achakalo tok, Mihmʋt tʋli patʋssa tuklo ho̱ ai o̱holissochi cha, sʋbbak fohki tok.

2 Hlessalonian 1:7

Micha hʋchishno ʋt hʋch ilbʋsha kʋt, hʋsh pibafoha hi a̱ hʋchim ahna hi ʋt ʋlhpesa hoka, nitak yʋmma fehna Chitokaka Chisʋs ʋt enchil hlampko puta ka il ai eshit,

Heblu 12:20

Yohmi kʋt nana im anuhumpa kʋt kaniohmit ʋlhpesa ahnit okla haponakla he keyu hatok; yohmi ka nan ʋlhpoba yak oh kia nʋnih ha̱ haleli hokmʋt, yʋmmʋt tʋli isht boʋt illa hi atok, keyukmʋt iti falaia tʋli halupa achaka yo̱ isht bahʋt hlopulla hi atok:

Heblu 2:2

Yohmi ka enchil ʋhleha hʋt anumpa anumpohonli tok a̱ ai a̱hlit kʋllo hatok okma, micha kʋna hosh anumpa yʋmmak, ash o̱ kobaha̱fi, micha ik im antio puta ka isht ʋlhtoba kʋt isht ai ʋlhtoba he ʋlhpiesa ho̱ ihi̱shi tok okma:

Chute 1:14

Mihma Enok, Alʋm isht ai unchululi ont isht untuklo kak kia, anumpa ilʋppa tikbanli anohonli kʋt, Yakeh! Chitokaka yokʋt i̱ holitopa ʋhleha tahlepa sipokni pokoli ka ai itʋpehʋt ʋla kʋt.

Nan Otʋni 5:11

Yohmi ma pit pisa li ma, ai o̱ binili holitompa bili̱ka fullota ka, enchil ʋhleha laua, mikmʋt nan okcha̱ya, micha hatak tikba ʋhleha aiena ka itih ola bieka ho̱ haklo li tok; yohmi kʋt yʋmmʋt holhtena kʋt tahlepa sipokni pokolí banot ia kʋt tahlepa sipokni pokoli cha, anonti tahlepa sipokni bano hosh tahlepa sipokni achʋfa hosh,