Tutelonomi 33:16 - Chahta Holisso Holitopa 1886

¹⁶ Micha yakni ya̱ na holitopa aiasha, micha isht alotowa aiena kak o̱, micha bʋfaha ya̱ ahanta tok ʋt aiokpanchi kak o̱, holitopashke, nan isht yukpali ʋt Chosef noshkobo ha̱, micha itibapishi ha̱ ila filʋmmi tok noshkobo paknaka ya̱ onʋtolashke.

Tutelonomi 33:16 Iomraidhean Croise

Genesis 37:28

Yohmi ma Mitianait nan‐itatoba ʋhleha hʋt ant a̱ya tok; mihma Chosef a̱ halʋllit ʋba takalichit, hichukbi ya̱ a kohchi cha, Chosef a̱ tʋli hʋta tushahli pokoli tuklo ho̱ Ishmaelait hatak ʋhleha hash i̱ kanchi tok: mihma Chosef a̱ Echip a̱ isht ona tok.

Genesis 37:36

Mihma Mitianait ʋhleha hash osh Echip a̱ isht ona cha, Falaoh in tishu, micha nan atoni i̱ kʋpitʋni Potifa ya̱ i̱ kanchi tok.

Genesis 37:8

Mihma itibapishi ʋhleha hʋt, Ish pi̱ mi̱ka chi̱ ho̱ mʋhli cho? micha ish pi̱ shahla chi̱ ho̱ mʋhli cho? im achi tok: micha holhpokna, micha im anumpa aiena atuk pulla kak o̱ i̱ shahlichit i̱ nukkilli tok.

Genesis 43:32

Mihma Chosef a̱ ila in talali, anonti yʋmma ila in talali mʋt, Echip okla hʋt ta̱kla impa ka̱ ila in talali tok: Echip okla hʋt Heblu okla ha̱ itibai impa he keyu chatuk; yʋmmʋt Echip okla hʋt nan isht im ayuwala yatuk oka.

Genesis 49:26

Chi̱ki nan‐isht‐aiyukpa yʋt an tikba ʋhleha nan‐isht‐aiyukpa ya̱ imaiyʋt nʋnih hiki̱a na bilia puta ʋt ont ʋhli fehna ka̱ ont ʋhlishke; ilʋppa puta kak osh Chosef noshkobo ha̱ onʋtoyula chi̱ hoke, micha itibapishi ʋhleha ha̱ i̱ filʋmmi tok noshkobo tʋbokaka ya̱ onʋtoyula chi̱ hoke.

Atʋloa 24:1

Yakni micha isht ʋluttoa kʋt, yakni micha paknaka ai asha aiena kʋt, Chihowa immi hoke.

Atʋloa 50:12

Sʋ hohchʋfo hoh kia, chishno a̱ chim ʋnoli la he keyuh; yakni micha nanah isht ai ʋluttoa aiena kʋt ʋmmi hoka̱.

Atʋloa 89:11

Ʋba yʋt chimmi hoke, yakni mʋt chimmi hak inli hoke; yakni, nan isht ʋluttoa aiena ka̱ chishno ak osh ikbit ish tʋlali tok oke.

Eksotʋs 2:2

Atuk o̱ ohoyo hash osh chakali tuk osh, ʋlla nakni yo̱ eshi tok; micha ʋlla achukma ho̱ pisa mʋt, hʋshi tuchina ho̱ luhmi tok.

Numbas 26:28

Chosef ushi ʋhleha chuka achʋfa ʋlhpi̱sa hosh Manasseh micha Eflaim ak atok:

Mark i̱ Holisso 12:26

Mikma illi yʋmmak okʋto tana he ak o̱ miha hosh Chihowa hʋt bʋfaha anu̱ka a kaniohmit im anumpuli mʋt, Ʋno ak osh Eblaham in Chihowa sia, mikmʋt Aisaak in Chihowa siakmʋt, anonti Chekob in Chihowa sia hoke, achi tok a̱ Moses i̱ holisso ha̱ a hʋch ik peso chatuk oh cho?

ʋBanumpa Luk Ʋt Holissochi Tok 2:14

Chihowa yʋt ʋba chaha moma i̱ shahli ya̱ ik a holitopá; mikmʋt yakni paknaka ma ik a nanaiyá: mikmʋt hatak a̱ nana achukma im anukfilli aiena kʋt ik ai ituyulá, ahanchi tok.

Apostel isht Anumpa 7:35

Moses ilʋppa, okla shitilema cha, Kʋta hosh na pehlichi, micha nan apesa aiena ka chikbi tok o̱? ahanchi tok ash fena akinli ka, na pehlichi, micha na hlakofichi aiena ka, enchil bʋfaha anu̱ka ai i̱ haiaka ka ibbak o̱, Chihowa yʋt isht a pit chʋffihinchi tok.

1 Kolinhlian 10:26

Yakni moma, micha awaya moma kʋt Chitokaka immi hoke.

1 Kolinhlian 10:28

Yohmi kia kʋna hosh, Na holbʋt toba isht aiokpʋcha hi o̱ ilʋppa im issa tok a̱ hʋchim achikma, na hʋchim anoli tuk yʋmmak pulla, mikmʋt nan isht il akostininchi aiena pulla kak o̱ hʋshpa ná; yakni micha ai immi moma aiena kʋt Chitokaka immi hoke.

Heblu 7:26

Yohmi ka na holitompa isht ʋtta chinto, yʋmmak okʋt ai ashʋchika ik im iksho, nan ik okpano, na liteha iksho, nan ashʋchi ʋhleha ha̱ ai i̱ filʋmmi, micha chaha kʋt ʋba yakni yak kia i̱ shahli, yʋmmak chiyuhmi hosh pim ahanta he ai ʋlhpiesa hatok: