Tutelonomi 33:12 - Chahta Holisso Holitopa 1886

¹² Micha Benchamin ano, Chihowah i̱ holitopa ʋt achukma̱ka bili̱ka ai ahanta hi oke, micha Chihowah yʋt nitak moma ompohoma hi oke; mikma tahchi itin takla ya̱ ahanta hi oke, achi tok.

Tutelonomi 33:12 Iomraidhean Croise

2 Samuel 12:24

Mihma Lewi ʋt tekchi Balh‐sheba ya̱ hopohlʋli tok; micha iba chukowa cha, iba tʋshki tok: mihma ʋlla nakni yo̱ eshi ma, Solomon hochifo tok: mihma Chihowa ʋt i̱ hullo tok.

2 Samuel 12:25

Micha Nahlan hopaii ya̱ tohnot pila tok; micha Chihowa ak atuk pulla kak o̱ Chetitiah hochifo tok.

1 Mi̱ko 12:21

Atuk o̱ Lehoboam ʋt Chelusalem a̱ ʋla mʋt, Chutah in chuka achʋfa moma, micha Benchamin apehlichi aiena hatak aiyuha tahlepa sipokni achʋfa cha, tahlepa sipokni pokoli untuchina, yʋmmʋt tʋnʋp a̱ya ya̱ itʋnahli na, Islael in chuka achʋfa ya̱ itibit, apehlichika yash anonti Solomon, ushi Lehoboam a̱ isht im ʋla chi̱ hatok.

Atʋloa 132:14

Yohmi kʋt, “Ilʋppak osh ʋm afoha abillia yoke; ilʋppak o̱ ahni le tuk okʋt, a binnili la chi̱ hoke.

Atʋloa 60:5

Chi̱ hulittopa ʋhleha hʋt hlʋkuffa chi̱ ka̱, chibbak ishtimpakimma isht ish okchalinchi cha, ʋnnumpah ilbʋssha ish pim aia̱hlichashke.

Atʋloa 91:4

Ilap sʋnahchi ya̱ isht chi ompohoma chi̱ hoke, mikma̱ sʋnahchi ak o̱ ish ai atukko ya chi̱ hoke; im ʋnnumpah a̱hli ʋt telihpa, micha tʋnʋp a̱ya nan isht im ʋlhtaha yoke.

Eksotʋs 28:12

Micha efot tahchi ak o̱ tʋli tuklo kash ish ontalohlashke; Islael ʋt tʋli nan isht ithaiyana na bilia yashke; mikma nan isht ithaiyana he mak o̱, Alon ʋt Chihowah itikba ya̱ tahchi ʋbanalit hikiashke.

Numbas 34:21

Benchamin apehlichika Chislon ushi Elitat ak a hi oke.

Mahlu 23:37

Chelusalem, Chelusalem, hopaii ʋhleha ʋbi, micha auet chi̱ kanchi tuk ma tʋli ishit boli chia ma! aka̱ka yosh ushi ʋhleha ha̱ sinahchi nuta ya̱ pit ai itahobi chatuk mak o̱, chiyuhmit chim ʋlla ʋhleha ha̱ itahombi la he ahni li tuk nana kia, hʋchishno ak osh ʋlhpesa hʋch ik aiahno hokʋno.

Tutelonomi 12:10

Amba Chatan a̱ hʋsh hlopulli cha, hʋchin Chitokaka Chihowah yʋt hʋchima yakni ya̱ hʋsh aiashakmʋt, hʋchin tʋnʋp puta apakfoypʋt aiasha moma ka̱ i̱ hlakofichit hʋchi fohʋchi na, achukma ho̱ hʋsh aiashakma.

Tutelonomi 32:11

O̱ssi yosh im ʋlhpichik a̱ koyohlit, ushi ya̱ paknaka hlopohʋchit, sanahchi ashatablit ishi sanahchi ya̱ ishit shaiyali chatuk ak o̱ chiyuhmit,

Tutelonomi 33:11

Chihowah ma, im ila̱yak a̱ ish yukpalashke, micha ibbak toksʋli tuk a̱ ish im aiokpʋchashke; i̱ sanalit wakayʋt hikia, micha i̱ nukkilli puta aiena in chʋshwa ya̱ nʋhlit ish hlopullichi na, anonti ik wakayo kashke, achi tok.

Tutelonomi 4:37

Micha hʋchi̱ki ʋhleha ha̱ holitobli ha tuk osh yʋmma iakaiya im isht atiaka atokoli tok: micha isht im aia̱hli kʋllo hosh itikba ya̱ Echip a̱ a kohchit chisht a̱ya tok;

Nan Apesa 1:21

Mihma Benchamin im ʋlla ʋhleha hʋt Chebusait ʋhleha Chelusalem ai asha ka tihlelit ik kocha wehlo ki tok: amba Chebusait ʋhleha hʋt Benchamin im ʋlla ʋhleha ha̱ apehʋt Chelusalem ai asha tok osh himak nitak a̱ moma hoke.

1 Samuel 10:20

Mihma Samuel ʋt apehlichi moma ka bili̱ka akanʋllichi ma, Benchamin apehlichika ak osh ʋlhtoka tok.