Tutelonomi 33:11 - Chahta Holisso Holitopa 1886

¹¹ Chihowah ma, im ila̱yak a̱ ish yukpalashke, micha ibbak toksʋli tuk a̱ ish im aiokpʋchashke; i̱ sanalit wakayʋt hikia, micha i̱ nukkilli puta aiena in chʋshwa ya̱ nʋhlit ish hlopullichi na, anonti ik wakayo kashke, achi tok.

Tutelonomi 33:11 Iomraidhean Croise

2 Samuel 24:23

Nana ilʋppa puta moma ka Alaunah ʋt mi̱ko chohmit mi̱ko yash ima tok. Micha Alaunah ʋt mi̱ko ya̱, Chin Chitokaka Chihowa ʋt chim aiokpʋchashke, im achi tok.

Atʋloa 20:3

Ilhpak isht ish ayokpʋchi moma ka̱ ithaiyana cha, na̱ hukmit isht ish ayokpʋchi ya̱ ayokpʋchikbano; [Yukopa.

ʋBanumpa Luk Ʋt Holissochi Tok 10:16

Mikma kʋna hosh hʋchi̱ haponaklokmʋt, ʋno a̱ a̱ haponaklo hoke: mikma kʋna hosh hʋchishno a̱ hʋchi shitile makmʋt, ʋno a̱ sa shitilema hoke: mikmʋt ʋno a̱ sa shitile makmʋt, auet sa kanchi tok a̱ shitilema hoke.

Tutelonomi 33:10

Nana chim ai ʋlhpiesa yʋmi̱hinchi ak o̱ Chekob a̱ im abʋcha chi̱, micha chi̱ nan ʋlhpisa Islael a̱ im abʋcha hi oke; na balama ya̱ chi tikba talalikmʋt, mominchit hukmit isht aiokpʋchi ya̱ chim alta ya̱ onocha hi oke.

Tutelonomi 33:12

Micha Benchamin ano, Chihowah i̱ holitopa ʋt achukma̱ka bili̱ka ai ahanta hi oke, micha Chihowah yʋt nitak moma ompohoma hi oke; mikma tahchi itin takla ya̱ ahanta hi oke, achi tok.

1 Hlessalonian 4:8

Yʋmohmi ka kʋna kia shitilemakmʋt, hatak o̱ shitilema keyu, amba Chihowa yʋmmʋt ilap Shilombish Holitopa ya̱ pima tok ak oke.