Tutelonomi 33:10 - Chahta Holisso Holitopa 1886

¹⁰ Nana chim ai ʋlhpiesa yʋmi̱hinchi ak o̱ Chekob a̱ im abʋcha chi̱, micha chi̱ nan ʋlhpisa Islael a̱ im abʋcha hi oke; na balama ya̱ chi tikba talalikmʋt, mominchit hukmit isht aiokpʋchi ya̱ chim alta ya̱ onocha hi oke.

Tutelonomi 33:10 Iomraidhean Croise

Atʋloa 51:19

Yʋmohmikmʋt ʋbit isht ayokpʋchi ai ʋlhpiesa, hukmit isht ayokpʋchi, micha mominchit hukmit isht ayokpʋchi yo̱ isht ish yokpa hi oke; yohmikma wak hobʋk a̱ chim alta o̱ kahpulit, oklah chim i̱hi̱ssa hi oke.

Lefitikʋs 1:13

Amba ikfoka micha iyi aiena kʋno oka isht achifashke, micha na holitompa isht ʋtta yʋt mominchit isht ʋla cha alta ya̱ onochit hukmashke; na hukmit im issa luak ishit hukmit im issa Chihowah ya̱ nan i̱ balama achukma yoke.

Lefitikʋs 1:17

Micha sanahchi ʋt a̱sha moma ho̱ pahlʋllashke; yohmi kia ik ita hokofo kashke; mikma na holitopa isht ʋtta yʋt alta ya̱ luak on a̱sha ka̱ mikma iti on a̱sha ka̱ onochit hukmashke; na hukmit im issa luak ishit hukmit Chihowah nan i̱ balama achukma yoke.

Lefitikʋs 1:9

Amba ikfoka, iyi aiena kʋno, oka isht achifa hi oke: mihma na hukmit im issa Chihowah i̱ balama achukma lua yo̱ naholitopa isht ʋtta yʋt mominchit alta onochit hukma hi oke.

Lefitikʋs 10:11

Yʋmohmi hosh Chihowah yʋt Moses a̱ tohnot ai im anumpohonli tok nan ʋlhpisa moma ka̱ Islael im ʋlla ʋhleha ha̱ hʋsh im abahanchashke; im achi tok.

Lefitikʋs 16:12

Micha alta yʋt Chihowah itikba hikia ka̱ tobaksi ai eshi chá, nabalama aiʋlhto ya̱ alotoli cha, boʋt lapushki yo̱ nabalama ya̱ ibbak alotoli cha, natakali anu̱ka ya̱ isht onashke.

Lefitikʋs 16:13

Micha na balama ya̱ Chihowah itikba luak ai onocha hi oke; yʋmohmi ho̱ shobulli hoshonti kʋt ai ombinilit i̱ nukha̱klo yʋmmʋt isht atokowa ontalaia ka̱ ompoholma hi oke; yomohmi ho̱ ik illo ka hi oke.

Numbas 16:40

Okla inla Alon isht atiaka keyu kʋt bili̱ka onʋt Chihowah itikba na balama ik im isso pulla hosh Kolah micha ai itʋpeha yatuk a̱ ik chohmo ka hi ʋt Chihowah ʋt Moses a̱ tohnot im achi tuk mak o̱ isht ithaiyana bilia hi atok.

Numbas 16:46

Mihma Moses ʋt Alon a̱ nabalama ai ʋlhto ishi cha alta ya̱ luak ai ishit fohkit nabalama onochi cha tu̱shpʋt iʋt okla moma ya̱ im onʋt ish i̱ kashoffashke; im ai i̱ nukkilli ʋt Chihowah ya̱ a kohchʋt ia hoka, ililli okpulo ʋt isht iʋshke, im achi tok.

Numbas 7:50

Isht impa achʋfa tʋli holisso lakna, shekel pokoli hosh na balama alota.

Tutelonomi 24:8

Leplosi ililli okpulo ya̱ ahah ish ahnashke, micha naholitompa isht asha ʋhleha Lefait ʋhleha hʋt nana moma ka̱ hʋchim abʋchi tuk mak o̱, achukmalit ithaiyanʋt ish yʋmihchashke: yʋmmak ash o̱ i̱ miha li tuk mak o̱ ithaiyanʋt ish yʋmihchashke.

Tutelonomi 27:14

Mihma Lefai ʋhleha hʋt Islael hatak ʋhleha moma ka̱ im anumpulit anumpa chitoli hosh,

Tutelonomi 33:11

Chihowah ma, im ila̱yak a̱ ish yukpalashke, micha ibbak toksʋli tuk a̱ ish im aiokpʋchashke; i̱ sanalit wakayʋt hikia, micha i̱ nukkilli puta aiena in chʋshwa ya̱ nʋhlit ish hlopullichi na, anonti ik wakayo kashke, achi tok.

Heblu 7:25

Yʋmohmi hokʋt anonti ilap ak o̱ anukchieto hosh Chihowa hoka im oho̱na hokʋno mominchit okchalincha he bano hosh, yʋmmak oka apelʋchit isht anumpohonli hosh ahantʋt bilia hoka.

Heblu 9:24

Yohmi ka Chisʋs ʋt aholitopa puta ibbak isht a toba, yʋmmak o̱ ai a̱hli fehna ka isht ʋlhpisa hatok ak o̱ chukowa tok keyu; amba pishno ak atuk pulla mak o̱ Chihowa itikba ya̱ himonasi kʋno ai otaiyana chi̱ kak osh ʋba yakni fehna ka chukowa tok:

1 Samuel 2:28

Micha Islael apehlichi puta ka naholitompa isht ʋm ahanta yosh, ʋm alta ya̱ ai onochit ʋm issʋt, na balama hukmit, efot foyukʋt sa tikba hikia chi̱ ho̱ ai atokoli li tok keyu cho? micha chi̱ki in chuka achʋfa ya̱ Islael im ʋlla ʋhleha hʋt i̱ na hukmit isht aiokpʋchi moma ka ima li tok keyu cho?