Tutelonomi 32:8 - Chahta Holisso Holitopa 1886

⁸ Chaha Moma i̱ Shahli ʋt oklushi puta ka̱ i̱ yakni ya chi̱ ho̱ ita kʋshkoli tok, Alam ushi ʋhleha ha̱ ita filʋmmichi mʋt, Islael im ʋlla ʋhleha ho̱lhtina ha tuk mak o̱, okla im ai ʋhli ya̱ apesa tok.

Tutelonomi 32:8 Iomraidhean Croise

Genesis 10:15

Mikma Kenan ʋt ushi akni fehna Siton, micha Helh,

Genesis 10:25

Atuk o̱ Ebe ʋt ushi tuklo hosh im ashwa tok: achʋfa kʋt hohchifo kʋt Pelek atok: yʋmma i̱ nitak ak o̱ yakni ʋt itakʋshkoa tok: mikma itibapishi hohchifo kʋt Choktan atok.

Genesis 10:5

Yakohmi kak osh i̱ yakni Chentail i̱ yakni tashaiyi puta ka̱ ilap aiokla achʋfa im anumpa achʋfa cha, in chuka achʋfa ishtatiaka aiyukalit ita kʋshkoa tok.

Atʋloa 115:16

Ʋba putta kʋt Chihowa hak o̱ immi hoke, amba yakni yokʋno hʋttak im ʋlla ʋhleha ha̱ ima tok oke.

Atʋloa 50:14

Chitokaka yak o̱ yakoke ahnit isht ayokpʋchi ish im issashke; micha ʋnnumpah ish il ono̱ho̱cchi tuk ʋt Chaha i̱ Shahli ak o̱ ish im ʋtobbashke.

Atʋloa 7:17

Nan isht im ʋlhpiesa yak atuk mak o̱ Chihowa ha̱ ayokpʋche la chi̱ hoke: micha Chaha i̱ Shahli Chihowa hohchifo ha̱ nan ulachit ayokpʋche lashke.

Atʋloa 74:17

Chishno ak osh yakni ai ʋlhi moma ka̱ ʋpesʋt ish bʋchohli tok; tuffa, hʋshtula aiena ka̱ ish ikbi tok oke.

Atʋloa 82:6

Ʋno ʋt, “Ishtokaka hʋchiah, micha hʋsh moma kʋt Chaha i̱ Shahli ya̱ ushi ʋhlehah hʋchia hoke,” a̱ha̱chi li tok oke.

Atʋloa 91:1

Kʋna hosh Chaha i̱ Shahli im ai ʋloma̱ka ya̱ binnili kʋt nan oklu̱ha i̱ Shahli i̱ hushintika yak o̱ a̱ha̱tta chi̱ hoke.

Atʋloa 92:8

Amba chishno yokʋto achahaka a̱ha̱ttʋt billia chia hoke, Chihowa ma.

Numbas 23:9

Tʋli hochito paknaka hikiʋt pi̱sa li, micha nʋnih puta hikiʋt pisa li hokʋt, Yakeh! okla hash osh ila aiasha chi̱ hoke, micha oklushi puta ka̱ iba holhtina he keyu hoke.

Numbas 24:16

Chitokaka im anumpa ha̱ ha̱klo tuk, micha Chaha i̱ shahli ai ithʋna ka̱ ithana tuk, micha nan im aia̱hli im otʋni ya̱ pi̱sa tuk, holhpokunna hoh kia nishkin fatuma tuk ʋt achishke.

Apostel isht Anumpa 17:26

Micha issish achʋfa ho̱, hatak oklushi moma yakni paknaka a mominchit aiasha hi a̱ ikbi tok; mihmʋt nitak kaniohmi ʋlhpisa ho̱, micha kanima yo̱ aiasha he puta ka, apesa tok.

Apostel isht Anumpa 7:48

Yohmi kia Moma i̱ shahli hʋt tempel puta ibbak o̱ isht ikbi yokʋno, ai ahanta cha tuk keyu;

Tutelonomi 33:28

Yohmikma Islael ʋt ilap bano hosh ai achukma̱ka ho̱ ahanta chi̱ hoke; Chekob i̱ kʋli ak osh yakni onush, micha oka pa̱ki ya̱ onʋtoyula chi̱ hoke; micha i̱ shutik ʋt fichak o̱ akʋcha chi̱ hoke.