Tutelonomi 32:7 - Chahta Holisso Holitopa 1886

⁷ Nitak cha̱shpo a tok a̱ ish ithaiyanashke, micha ai iti shali laua afʋmmi puta ka̱ ish anukfillashke; chi̱ki ya̱ ish i̱ ponaklashke, chi pisʋcha hinla hoke, mikmʋt chim asʋnonchi ma yʋmmak okʋt chim anola hinla hoke,

Tutelonomi 32:7 Iomraidhean Croise

Atʋloa 10:6

Imi chu̱kʋsh anu̱kaka ya̱, “Sʋ kanʋlla he keyu hoke; isht ai unchululit ma̱ha̱ya ka̱ nan ik achukmo ai anu̱kaka hikkia siah keyu hokʋt,” a̱ha̱chishke.

Atʋloa 119:52

Chihowa ma, hupaki kash nan ish ʋpehi̱sa tok a̱ ithaiyana likmʋt, isht ile hupohlʋlechi lih chatuk oke.

Atʋloa 44:1

Chitokaka ma, i̱ nittak, nittak cha̱shpo ka̱, na̱ toksʋli ish toksa̱ha̱li tok a̱ pi̱ki ʋhleha hʋt ʋnoli na, pi haksubish a̱ isht e hakloh chatuk oke.

Atʋloa 44:2

Chishno ak osh oklushi putta ka̱ chibbak isht olʋbit ish im eshi cha, pi̱ki ʋhleha ha̱ ish ai o̱ binohlichi tok oke; oklah putta ka̱ ish musholichih kia, yʋmmak okʋno ish ai o̱ pʋttali tok oke.

Atʋloa 77:8

Im isht i̱ hullo yʋt issʋt abillia chi̱h choh? nanah achi tuk ʋt ont i̱ taha na billia chi̱h choh?

Atʋloa 78:5

Yohmi ka̱ pi̱ki ʋhleha hʋt im ʋlla ʋhlehah yʋmma̱ putta ka̱ im abʋcha hi o̱ im apesa hosh, Chekob ak o̱ nan isht ʋlhtukkoa ya̱ a hilechih mʋt, Islael ak o̱ nan ʋlhpisa im ikbi tok.

Eksotʋs 12:26

Atukma yakohma hi oke, hʋchim ʋlla ʋhleha hʋt, Nan isht asha ilʋppʋt, nanta ho̱ miha ho̱? hʋchim achikma.

Eksotʋs 13:14

Atukma yakohma hi oke, Nitak himak minti ka̱ chiso hʋt chim ponaklot, Ilʋppʋt nanta hoh cho? achikma, Chihowah yʋt ibbak hlampko hosh pehlichit Echip yakni, micha aboha ayuka ha̱ pi kohchi tok oke.

Tutelonomi 4:32

Himak a̱ nitak ant ia tok, yʋmmʋt chi tikba ya tuk, Chitokaka yʋt hatak ikbit yakni paknaka ya̱ o̱ hilechi tok, nitak ʋhlit mihinti ka̱ ish a ponaklashke; micha shutik in tʋnnʋp achʋfa ʋttʋt ia hosh in tʋnnʋp ont ʋhli ka̱ ish aponaklashke, nana chito ilʋppa chiyuhmi kʋt aiasha tok oh cho? keyukmʋt nana ilʋppa chiyuhmi ka̱ haklo tok oh cho?

Tutelonomi 8:2

Mikmʋt chu̱kʋsh akanlosecha chi̱ hosh, micha im anumpa ha̱ ish iesha chi̱ hokmá, keyu hokmá, nana ka̱ chi chu̱kʋsh foyuka ka̱ akostinincha chi̱ hosh, imomaka chi pesʋt afʋmmi pokoli ushta ilʋppa yakni haiaka hina hlopulli moma ka̱ chin Chitokaka Chihowah yʋt chisht a̱ya tuk a̱ ish ithaiyanashke.

Nan Apesa 6:13

Mihma Kiteon ʋt, An Chitokaka ma! Chihowa yʋt pibafoyuka hokak o̱ nanta katiohmi ho̱ ilʋppa puyuta kʋt pi onʋtola tuk o̱? nana afehna puta pi̱ki ʋhleha hʋt pim anolit, Chihowa ak osh Echip a̱ akohchit pisht ʋla keyu̱, ahanchi beka tok mʋto? yohmi kia himak ano Chihowa yʋt pi kanchit, Mitianait ʋhleha ibbak a̱ pi fohkishke.