Tutelonomi 32:6 - Chahta Holisso Holitopa 1886

⁶ Okla im anukfila iksho, micha ik hopoyukso ma; yʋmohmi hosh Chihowah ya̱ hʋsh im atobbi cho? chi̱ki yosh chi chumpa tuk keyu cho? chikbi cha kʋllochit chi hilechi tuk keyu cho?

Tutelonomi 32:6 Iomraidhean Croise

2 Samuel 7:24

Islael a̱ chim okla ikbit ish ilai ieshi na bilia chi̱ hoka; micha Chihowa chishno ak osh in Chitokaka ish tobʋshke.

Atʋloa 100:3

Chihowa hak osh Chitokaka yoka̱ hʋsh ithanashke; yʋmmak osh hʋp ikbi tok o̱, immi hʋpia hoke; ilap im oklah, micha ilap ak osh ʋpesa̱ha̱chi chukfʋlhpoa aiena ka̱ hʋpia hoke.

Atʋloa 116:12

“Nanah achukma ho̱ a̱ yʋmi̱hi̱chi tuk moma ka̱, nanta ho̱ Chihowa ha̱ isht im atobbi la hinlah choh?”

Atʋloa 149:2

Ikbi tok a̱ Islael ʋt ishit na̱ yokpashke; Saion im ʋlla ʋhleha hʋt i̱ Mi̱ko ya̱ ishit na̱ yokpashke.

Atʋloa 74:18

Ilʋppa̱ ish ithaiyanashke; Chihowa ma, tʋnʋp ʋt ik ʋhobalot, oklah im anukfilah iksho ʋt chi hohchifo ha̱ shittilema hoke.

Atʋloa 74:2

Nittak ti̱kbah ma̱ ish chumpa tok, apehlichi ʋt chimmi ha chi̱h mak o̱ yuka ish issʋchi tok chim okla ha̱, Saion nʋnih ish ai a̱ha̱tta kʋt ish ithaiyanashke.

Atʋloa 95:6

Intah! ayokpʋchit iloh im ʋkahchunnolashke; hʋp ikbi tok Chihowa itikba eho hachukbihlepashke.

Eksotʋs 15:16

Nukshopa, micha komota hosh onʋtola hi oke; chi shakba kʋllo kak o̱ lumʋt tʋli chohmi na, chim okla hʋt ont ia hi oke, Chihowah ma, okla ish chumpa tuk ʋt ont ia hoke.

Eksotʋs 4:22

Micha Falaoh ya̱ Chihowah yʋt yak achishke, Islael ʋt sʋso hoke, ʋm ʋttahpi fehna yoke.

Chan 8:41

Hʋch i̱ki ʋt nana a kaniohmi tok mak o̱ hʋsh yʋmohmishke, im achi tok. Mihma, I̱ki, ishki ita tuklo kʋt ai ʋlhpesa keyu ho̱ a toba hosh il ʋtta tok keyu: Pi̱ki ʋt achʋfa, Chihowa ak oke, im achi tok.

Apostel isht Anumpa 20:28

Yʋmohmi hoka hʋchishno akinli, micha nan iaka̱ya ʋhleha moma, Shilombish Holitopa yʋt mihi yo̱ apesʋchi puta hʋch ikbi tok a̱, ahah! ahnit Chihowa im iksa puta ilap im issish akinli ho̱ isht chumpa tok a̱, mominchit hʋsh pehlichashke.

Loman 8:15

Yohmi ka anonti isht a hʋchi nukshopa chi̱ hosh yuka im anukfila ho̱ hʋsh ishi hatok keyu; amba ʋlla im anukfila ho̱ hʋsh ishi hatok ak o̱, pishno ʋt Abba, Pi̱ki, il achishke.

1 Kolinhlian 6:20

Nan ai ʋlli ho̱ isht hʋsh ai ʋlhtoba hatok: yʋmohmi hokʋt hʋchi haknip, micha hʋch imi shilombish, yʋmmak okʋt Chihowa immi hoka, Chihowa ya̱ isht hʋsh holitoblashke.

Kaleshan 3:26

Klaist Chisʋs a̱ i̱ yimmi pulla hosh hʋsh moma kʋt Chihowa im ʋlla hʋchia hokʋt.

Kaleshan 4:6

Yohmi tok a̱ ushi ʋhleha hʋchia hoka, Chihowa yʋt Ush imi Shilombish a̱ hʋchi chu̱kʋsh a̱ anukfohki na Abba I̱ki achit tahpahanla hoke.

Tutelonomi 1:31

Micha yakni haiaka hʋsh ata̱ya moma ka̱, hatak osh ushi shoyuli ka̱ chohmit, hʋchin Chitokaka Chihowah yʋt kaniohmit chi shoyuli ho̱ pi̱hi̱sʋt ilʋppa hʋshla tuk oke.

Tutelonomi 14:1

Hʋchin Chitokaka Chihowah im ʋlla hʋchia hoke; illi pulla kak o̱ hʋsh ile bʋshla he keyu, micha hʋchi nishkin iti takla ya̱ hʋsh yushmilalicha he keyu hoke.

Tutelonomi 32:15

Yohmi tuk kia Cheshulʋn ʋt niʋt taha mʋt, hʋhli tok: chi niʋt tahʋshke, chi chitot tahʋshke, nia yosh ishit chi ompoholmoshke: yohmi mʋt ikbi tok Chitokaka ya̱ kanchi tok, micha aiokcha̱ya tʋli chito yosh ik ahobalo tok.

Tutelonomi 32:18

Tʋli chito chi tobachi tok ano chik anukfilloshke, micha chikbi tok Chitokaka ano issʋt ish kanchishke.

Tutelonomi 32:28

Oklushi ahopoyuksa kʋt ik im iksho, micha nana ithana anukfoka keyu hokʋt.

2 Pita 2:1

Yohmi kia hopaii ai a̱hli keyu ʋhleha hʋt okla ai itin takla ya̱ ai asha ak inli beka tok a̱, anonti nan ithʋnanchi ai a̱hli keyu kʋt hʋch itin takla ai asha he ak inli; yʋmmak okʋt isht okpula he ai a̱hli isht anumpa keyu puta ka lumʋt isht hʋch iba chukowa mʋt, ilap a̱ chumpa tok, Chitokaka kanchi hosh isht ai okpulo ya̱ tu̱shpa fehnʋt isht il onocha hi oke.

1 Chan 3:1

Chihowa ushi ʋhleha hʋpi hohchifa hi a̱ Pi̱ki ʋt nan i̱ hullo kʋt a kaniohmit hʋp i̱ hullo tok a̱ ho pesá: yohmi hatuk o̱ yakni ʋt pishno a̱ ik hʋp ithano; yʋmma ik ithano tok okʋt.