Tutelonomi 32:51 - Chahta Holisso Holitopa 1886

⁵¹ Yakni haiaka Sin Melibah‐Katesh oka ya̱ Islael im ʋlla ʋhleha ha̱ ai iti takla ya̱ a̱ sanalit ish ʋbanʋbli tok okʋt, Islael im ʋlla ʋhleha ai iti takla ya̱ chik sa holitoblo tok okʋt.

Tutelonomi 32:51 Iomraidhean Croise

Lefitikʋs 10:3

Yohmi ma Moses ʋt Alon a̱, Ilʋppak o̱ Chihowah yʋt anumpulit, A̱ bilika ʋla ka̱ a holitopa la chi hoke. Micha okla moma itikba a holitopa la chi̱ hoke, achi tuk mak oke, im achi tok. Mihma Alon ʋt nan ik acho ki tok.

Numbas 20:24

Alon ʋt im okla ha̱ ont ibafohka chi̱ hoke, oka Melibah ya̱ ʋm anumpa ha̱ i̱ sanalit hʋsh filʋmmi tuk oka, yakni Islael im ʋlla ʋhleha ima li tok a̱ chukowa he keyu hoke.

Numbas 27:14

Chukushmi Sin ash okla moma kʋt itachowa ma, nishkin itikba ya̱ oka yʋmma is si aholitobla he tuk ʋt ilafilʋmmit ʋm anumpa ha̱ ish i̱ sanali tuk oka, yʋmmʋt Melibah oka Katesh talaia yakni haiaka Sin ak atok, im achi tok.

Choshua 15:1

Yohmi ma ilʋppak o̱ Chutah im ʋlla ʋhleha apehlichi itakʋshkoa ʋlhpisa hosh nashoelit ishi tok: Etom ai ʋhli yakni haiaka oka mahli pilla Sin ak osh oka mahli ont ʋhli fehna atok.

1 Pita 4:17

Yohmi ka Chihowa im aboha yak o̱ nan ʋlhpisa yʋt ai onʋtulʋt isht ia chi̱ pulla ka nitak ʋt ʋla hoka; yohmi ka pishno ak o̱ ti̱kba ai isht ia hokma, Chihowa im ʋbanumpa ik im antio ʋhleha ont im ai ʋhli kʋt katiohma hi o̱?