Tutelonomi 32:5 - Chahta Holisso Holitopa 1886

⁵ Il okpʋni tuk oke; litelit takali kʋt im ʋlla ʋhleha liteli yo̱ keyu; ai itishali nan ashʋchi, micha shanaiowa ʋhleha ak oke.

Tutelonomi 32:5 Iomraidhean Croise

Genesis 6:12

Atuk o̱ Chitokaka yʋt yakni ya̱ et pisa tok, mihma yakeh! okpulo tok; nipi moma kʋt yakni paknaka ya̱ ai il aiokpʋnit tahli hatuk oka.

Atʋloa 78:8

Micha i̱ki ʋhleha hʋt isht ai unchululi ilappu̱lla, micha ila filʋmmit i̱ sʋnali, isht ai unchululi chu̱kʋsh ʋpissʋlechih keyu, micha imish shilombish ʋt Chitokaka im ai a̱hli ʋttok keyu ka̱ ik chiyuhmo ka he ak ʋttok oke.

Eksotʋs 32:7

Mihma Chihowah yʋt Moses a̱, Iah, akowah, chim okla Echip yakni a̱ pehlichit ish kohchi kash osh il okpʋni hoke.

Numbas 23:21

Chekob a̱ nanashʋchi a̱sha ik peso tuk, micha Islael a̱ nan ai ʋlhpiesa keyu ka̱ ik peso tuk oke; Chihowah in Chitokaka yʋt ibafohka hoke; micha im itin takla ya̱ mi̱ko shakapa hosh takali hoke.

Mahlu 16:4

Hatak haksi micha haui aiena okla ash osh nan isht atokowa ya̱ pisa ka ahnishke: yohmi kia nan‐isht atokowa nana hosh im otʋna he keyu; amba hopaii Chonas a̱ nan‐isht im atokowa kak illa hi oke, im achi tok. Mihmʋt yʋmmak ash o̱ issʋt ia tok.

Mahlu 17:17

Mihma Chisʋs ʋt afalaminchi mʋt, Na yimmi iksho, micha na shanaiya fehna okla hʋchia ma! hʋchi ta̱kla ahanta li̱ katiohmi foka chi̱ cho? nana ka isht ak hʋchi ahno ho̱ katiohmi foka chi̱ cho? Ilʋppak o̱ isht hʋs sʋm ʋlashke, achi tok.

Mahlu 3:7

Yohmi kia Falisi ʋhleha mikmʋt Satusi ʋhleha aiena kʋt laua hosh im a baptismot ai ʋla na pisa mʋt, yʋmmak ash o̱, Sinti chilita isht‐atiaka hʋchia ma! na palʋmmi mihinti ka hʋsh i̱ hlakofa hi okʋno kʋta hosh hʋchim anoli tuk oh cho?

ʋBanumpa Luk Ʋt Holissochi Tok 9:41

Mihma Chisʋs ash ot afalaminchi mʋt, Na yimmi iksho, micha nan‐a̱hli ai i̱ shanaia fehna okla hʋchia ma! hʋch iba takla ahantʋt, nana ka isht ak ahno ho̱ katiohmi foka chi̱ cho? Chiso ha̱ ilʋppa ishit mintí.

Chan 8:41

Hʋch i̱ki ʋt nana a kaniohmi tok mak o̱ hʋsh yʋmohmishke, im achi tok. Mihma, I̱ki, ishki ita tuklo kʋt ai ʋlhpesa keyu ho̱ a toba hosh il ʋtta tok keyu: Pi̱ki ʋt achʋfa, Chihowa ak oke, im achi tok.

Apostel isht Anumpa 2:40

Micha anumpa inla mʋt laiyawa ho̱, isht im anumpulit, anonti atohnohonchi mʋt, Aiʋlhpesa iksho isht ai unchululi ʋhleha ilʋppa hʋsh ai ile mokofashke; ahanchi tok oke.

Apostel isht Anumpa 7:51

Ikunla kʋllo, micha chu̱kʋsh mikmʋt haksobish aiena wishakchi ik tapo hʋchia hʋt, Shilombish Holitopa ya̱ i̱ sʋnalit hʋsh bilia. Hʋchin tikba ʋhleha hʋt yohmi tok a̱, hʋsh chiyuhmishke.

2 Kolinhlian 11:3

Yohmi tuk kia sinti okʋt ilap kostini pulla kak osh If a̱ haksichi tok a̱, chohmit na hʋchim anukfila hash ot shanaia na nan anukfilli apissali achʋfa, yʋmmʋt Klaist ak o̱ ai achʋfa yash o̱ hʋsh i̱ filʋmma hinla ka, sa nukshohumpa hoke.

Tutelonomi 31:29

Sʋlli ha ma il okpʋnit hʋsh kaiyanchi cha, hina nana hʋchi̱ miha li tuk a̱ pit hʋsh filema chi̱: atuk o̱ nitak ont ishtaiopikma, Chihowah itikba ya̱ nan ik achukmo ka̱ yʋmi̱hinchit hʋchibbak isht hʋsh toksʋlit, hʋsh nokowʋchi kak o̱ nana ik achukmo kʋt hʋchi onʋtola chi̱ ka̱ ithana li hoka, im achi tok;

Tutelonomi 32:20

Micha sa nashuka ya̱ in luhmi lashke: ishtaiopi kaniohmi na pisa lashke: ai itishali ila filimmi fehna, micha aiyimmi ka iksho ʋlla ʋhleha hoka.

Tutelonomi 4:16

Keyukmʋt hʋsh il okpʋni cha, tʋhlʋt na holbʋt toba ikbit na pisa kaniohmi, nakni, keyukmʋt, tek nana kia holba;

Tutelonomi 4:25

Hʋchim ʋlla ʋhleha hʋt, micha ʋlla ʋhleha hash im ʋlla ʋhleha hʋt hʋchim a̱sha cha, yakni ya̱ hʋsh a̱sha hopakit taiyahakmʋt, hʋsh il okpʋnit tʋhlʋt na holbʋt toba, keyukmʋt nana kia holba hʋsh ikbi cha, chin Chitokaka Chihowah itikba ya̱ nana ik achukmo ka̱ yʋmohmit hʋsh nokowʋchikmʋt;

Tutelonomi 9:24

Hʋch ithana li tok aiʋhlit mi̱hinti ka̱ Chihowah ya̱ i̱ sanalit, hʋsh i̱ filahʋmmi chatuk oke.

Filippian 2:15

Anumpa nana kia hʋchi onʋtonla keyu, nan okpʋni keyu, na liteha lapanli keyu hosh okla shanaiowa, micha nan ai ashʋchi ai ititakla yo̱ yʋmma i̱ pʋla tohwikeli chohmit yakni paknaka ya̱ hʋsh ai ashʋshke.

Nan Apesa 2:19

Atuk o̱ yakohmi beka tok, nan apesa yʋt illikma, falamʋt i̱ki ʋhleha hatuk a̱ i̱ shahlit naholbʋt toba puta ka iakaiyʋt, aiokpʋchit im akachunolit, il okpʋni beka tok: ilap nana akaniohmi, micha ilapunlʋt a̱ya kʋt issa he keyu beka tok.