Tutelonomi 32:47 - Chahta Holisso Holitopa 1886

⁴⁷ Nan ik ahobo hʋchi̱ nana keyu hoka; hʋchim ilhfiopak okʋt; nana ilʋppak o̱ yakni hʋsh isha chi hosh Chatan hʋsh hlopullit, yʋmma hʋsh ia kʋt nitak ishit hʋchi̱ falaia chi̱ hoke, achi tok.

Tutelonomi 32:47 Iomraidhean Croise

Lefitikʋs 18:5

Yʋmohmi hoka a̱ nanʋlhpisa, micha a̱ nanʋlhpisa aiʋlhpisa ak o̱ hʋsh yʋmihcha hi oke; yʋmmak o̱ hatak ʋt yʋmihchi hokmak osh aiokcha̱ya hi oke: Chihowah sia hoke.

Mahlu 6:33

Amba Chihowa apehlichika, micha nan isht im ai ʋlhpiesa aiena kak o̱ ti̱kba hʋsh hoyashke; yohmikma ilʋppa moyuma kʋt hʋchim aiena he mak oke.

Apostel isht Anumpa 7:38

Ilʋppak osh yakni haiaka okla ai itʋnaha ka ibafohka, enchil ʋt nʋnih chaha Saina ya̱ ai im anumpuli ka awant anta; micha hʋpin tikba ʋhleha ma ibafohka tok; yʋmmak osh isht ai okcha̱ya, nan ʋlhpisa puta ka hʋp ima chi kʋt, ishi tok mak oke.

Tutelonomi 30:16

Yohmi hosh himak nitak a̱ chin Chitokaka Chihowah ya̱ ish holitobli cha, i̱ hina ya̱ ish ai itʋnowʋt, im anumpa, micha i̱ nan ʋlhpisa bilia, micha im aiʋlhpesa yʋmi̱hinchi ya̱ ish ieshi cha, chi okchayʋt ish apaknʋcha he o̱ chi̱ miha lishke: mikma chin Chitokaka Chihowah yʋt yakni ya̱ ish isha chi̱ hosh yʋmma pilla ish ia ka̱ a chi yukpala hi oke,

Tutelonomi 31:13

Mikma im ʋlla ʋhleha nana ka̱ ithana tuk keyu kʋt, haklo cha, hʋchin Chitokaka Chihowah ya̱ okcha̱yʋt yakni ya̱ hʋsh isha chi̱ hosh Chatan a̱ hlopullit, yʋmma pilla hʋsh ia kʋt hʋsh aiasha ka̱ ithaiyanʋt i̱ nukwiashke, achi tok.

Tutelonomi 33:25

Chi̱ shulush ʋt tʋli, micha asonak lakna yashke; chim i̱ hlampko ʋt chi̱ nitak puta ka̱ chohmashke.

Tutelonomi 4:40

Yʋmohmi hoka i̱ nanʋlhpisa bilia, micha im anumpa puta himak nitak a̱ chim anumpo̱honli li puta ka̱ ish ieshashke: yʋmohmi ho̱ chishno micha chim ʋlla ʋhleha et chi akaiya aiena kʋt chim achukma̱kʋt ma̱ha̱yashke; micha chin Chitokaka Chihowah yʋt yakni chima tok a̱ ish aiasha kʋt nitak ish falaiachi na, biliashke, achi tok.

Tutelonomi 4:6

Yʋmohmi hoka hʋsh holitobli cha, hʋsh yʋmihchashke; ilʋppak osh oklushi puta nan ʋlhpisa ilʋppa haha̱klokmʋt, Oklushi chito ilʋppʋt okla hopoyuksa, micha nan ithana a̱hli yoke, chi acha he, itikba ya̱ hʋsh apoyuksa, micha na hʋsh ithaiyana hokʋt.

Tutelonomi 8:3

Micha chi chu̱kʋsh akanlusechit chi hohchʋfochi mʋt, ish ithana tuk keyu ho̱, micha chi̱ki ʋhleha hʋt ithana tuk keyu ho̱, manna ya̱ chipi̱hinta tok; yohmi kʋt pʋska ak illa ho̱ hatak ʋt okcha̱ya he keyu, amba Chihowah im anumpa itih ha̱ akohoncha puta kak o̱ hatak ʋt isht okcha̱ya ka̱, Chihowah yʋt chithʋnancha chi̱ ha tok.

1 Timohli 4:8

Haknip nan isht ʋtta isht ai achukma hokʋto mishema he keyu hoke: amba Chihowa holitobli nana moma ka isht im ai achukma kʋt, yakni paknaka nan ai isht ai yukpa, micha yakni inla ʋla he mihinti ita tuklo ka isht ai yukpa he im issa hoke.

2 Pita 1:16

Pin Chitokaka Chisʋs Klaist ʋt ʋla tok, micha nan im ai a̱hli tok aiena ka e hʋchim anohonli mʋt, anumpa nan isht ik ahobo nan isht haksicha he nana ho̱ il iakaiya ha tok keyu, amba ilap isht a chinto ka nishkin isht ai atokoli pia ha tok.

2 Pita 1:3

Yohmi kʋt ilap ai a̱hli kak osh nan oklu̱ha isht ai okcha̱ya, micha Chihowa isht holitobli imma aiena ka pihi̱ma kʋt, ilap ithʋna kak osh nan ashʋchi ik pim iksho hosh isht a holitopa ya̱ e pihi̱sa he mak o̱, pi atokoli tok:

Nan Otʋni 22:14

Kʋna hosh im anumpa ʋlhpisa puta ka holitobli hokʋto na yukpʋshke: yohmi hok mak osh iti ai okcha̱ya isht im ai ʋlhpiesa hosh okhissa ont a hlopullit tʋmaha chito yash chukowa chi̱ hoke.