Tutelonomi 32:43 - Chahta Holisso Holitopa 1886

⁴³ Oklushi puta ma, im okla ta̱kla hʋchi yukpashke: in tishu ʋhleha im issish atuk a̱ ilai okha chi̱, micha i̱ sanali ʋhleha ha̱ ilai okhʋt nahotopa onocha chi̱; micha i̱ yakni micha im okla ha̱ i̱ nukha̱kla hi oka, achi tok.

Tutelonomi 32:43 Iomraidhean Croise

Genesis 12:3

Atukma kʋna hosh anumpa yukpali chi onochikma yukpali la hi oke; mikmʋt kʋna hosh anumpa kalakshichi chi onochikma, kalakshichi la hi oke: mikma chuka achʋfa puta yakni paknaka aiasha kʋt chi aiyukpa hi oke, achi tuk atok.

1 Mi̱ko 8:43

Ʋba aholitopa ya̱ ish ai ahanta kʋt et ish a haklo cha, okla inla hatak osh nana chim asilhha ka moma ish i̱ yʋmihchashke: yʋmohmi ho̱ okla moma yakni paknaka aiasha kʋt chi̱ hohchifo ha̱ ithana cha, chim okla Islael ak inli chiyuhmit okla chi̱ nukwiashke: micha aboha ikbi li tuk ilʋppʋt chi a hohchifo ka okla ithaiyanashke.

2 Mi̱ko 9:7

Mikma chi̱ shahli Ahab in chuka achʋfa ya̱ issot ish kancha chi̱ hoke; yohmi na an tishu ʋhleha, hopaii puta im issish, micha Chihowa in tishu moma im issish atuk a̱ Chesebel ibbak ak o̱ a hoyot ilaiokha la chi̱ hoke.

Atʋloa 22:27

Yakni ont atahaka moma kʋt ithana cha, Chihowa ha̱ i̱ fʋlamashke, micha oklushi puttah ai achʋffa moma kʋt chi tikba ya̱ ayokpʋchashke.

Atʋloa 58:10

Ilai ukha na pisa kak osh ai ʋlhpiesa yʋt na̱ yokpashke; hʋttak ik ʋlhpeso im issish a̱ iyi isht ʋchefashke.

Atʋloa 65:3

Nan ik ʋlhpeso ʋnnumpah putta kʋt kʋllo kʋt ʋm atampa hoke; nan ʋlhpisa e kubʋffi putta kak okʋno ish pi̱ kʋshuffashke.

Atʋloa 79:10

Nantihmi ho̱ oklushi putta kʋt, “I̱ Chitokaka mʋto?” acha hinlah choh? chi̱ tishuh ʋhlehah im issish hlʋtapa tuk a̱ e pisa ho̱ aiukha tuk a̱, oklushi puttah im ai itti̱takla ya̱ oklah ithanashke.

Atʋloa 79:9

Chitokaka il ai okcha̱ya ma, chi hohchifo hulittopa pulla hatuk mak o̱, ish pi ʋpelʋchashke; mikmʋt chi hohchifo hatuk pullah mak o̱ ish pi kohchi cha, il aiʋsshʋchika putta ka̱ ish pi̱ kʋshuffashke.

Atʋloa 85:1

Chi̱ yakni ya̱ ish i̱ kanah beka tok, Chihowa ma; Chekob ʋt yukah ma̱, ish im a̱ya tok oke.

Atʋloa 85:3

Chi anukhubela ya̱ mominchit kʋnʋllichit ish eshi tok; chi ʋnu̱koa nuklibbi ka̱ ish shʋnayʋchih beka tok oke.

ʋBanumpa Luk Ʋt Holissochi Tok 19:27

Amba a̱ nukkilli ʋhleha hʋt i̱ mi̱ko la he tuk a̱, ʋlhpesa ik ahno ke tuk yʋmmak okʋno ilʋppa isht ʋla cha, sa tikba ya̱ oh ai ʋbí, achi tok oke, achi tok.

Loman 12:19

A̱ holitopa ma! hʋch ik il ai okho kashke, amba ai ʋlhpiesa isht im atobbi yak o̱ hʋsh il im issashke; holihi̱so kʋt, Ai ʋlhpiesa isht atobba hi okʋt ʋmmi hatuk osh, afalaminchit atobbi la hi oke, Chitokaka yʋt achi hatok oka.

Tutelonomi 32:35

Il aiokhʋt hotopali, micha falʋmminchit im atobbi ʋt ʋmmi hoke: ont aiʋlhpesakma iyi yʋt shakalʋlla hi oke; nan isht im aiokpuloka chi̱ nitak ʋt olanlosi hoke: micha nana onʋtola chi̱ kʋt tu̱shpa hoke.

Nan Otʋni 15:2

Yohmi ma okhʋta shohkoali hosh luak it ieshit talaia chiyuhmi na pisa li tok; mihma nampoa nukshopa, micha yʋmma holbʋt toba, mikmʋt isht in chu̱wa, yʋmohmikmʋt yʋmma hohchifo isht aholhtina aiena ka imaiyachi tok ʋhleha a moyuma hokʋto Chihowa i̱ hap ieshi hosh, okhʋta shohkoali yash o̱ hiohli tok.

Nan Otʋni 15:4

Chitokaka ma! Chishno ak bano hosh chi holitopa hoka, kʋta hosh ik chi̱ nukshohompot, chi hohchifo ha̱ ik holitoblecho ka chi̱ cho? ai ʋlhpiesa na palʋmmi ish onochi hatuk a̱ otʋni hoka, oklushi moma kʋt chi tikba ya̱ ai ʋlʋt chi aiokpahancha hi oke, ahanchi tok.

Nan Otʋni 18:2

Mihma yʋmmak ash ot anumpa ola chinto ka isht chitoli fehnʋt tahpʋla mʋt, Babulon na‐chinto yash ot aiokpulokʋshke, aiokpuloka mak oke: yohmi mʋt nan isht ahullo okpulo puta im aboha kʋllo, micha shilombish ik kashofo, mikmʋt hushi okpulo ik kashofo moma ka in chuka yo̱ toba mak oke.

Nan Otʋni 18:20

Ʋba a holitopa chia ma! ʋbanumpeshi holitopa, micha hopaii holitopa hʋchia ma! Chihowa yʋt yʋmmak ash nan im apesʋt i̱ palʋmminchi hokʋt hʋchi atobʋchi hoka, nan isht il oh aiyukpá.

Nan Otʋni 19:2

Nan apesa kʋt ai a̱hli, micha ai ʋlhpiesa hoke; yohmi kʋt haui chinto yash, yʋmmʋt itin luma̱ka kak o̱ yakni ya̱ isht okpaiyani hatuk a̱, yʋmmak ash ot nan im apesʋt i̱ palʋmmichi tuk: mihmʋt in tishu ʋhleha im issish yʋmma ibbak ʋt hlatahampli tok a̱ ai isht im atobbi tok, ahanchi tok.

Nan Otʋni 6:10

Mihma yʋmmak ash ot, chitolit anumpulit miha mʋt, Chitokaka ai a̱hli holitopa chia hʋt pim issish a tok a̱ atobʋchi kʋt yakni pakna ai asha ka chik im apeso ho̱, hopaki kʋt katiohmi foka chi̱ cho? ahanchi tok.