Tutelonomi 32:41 - Chahta Holisso Holitopa 1886

⁴¹ Am bʋshpo falaia shohkauali ya̱ halupʋchi likmʋt, micha sʋbbak a̱ nana apesa isht eshi likmʋt, an tʋnʋp ʋhleha ha̱ il aiokhʋt na hotopali onochi la chi̱ hoke: micha a̱ nukkilli puta ka̱ im atobbi la chi hoke.

Tutelonomi 32:41 Iomraidhean Croise

Atʋloa 149:9

Nan ʋpesʋt huli̱hi̱sso tuk mak o̱ yʋmma̱ putta ka̱ ono̱ho̱ccha chi̱ kak ashke. I̱ hulittopa moma kʋt yʋmmak o̱ isht a hulittopa yoke. Chihowa ha̱ hu holittoblichíh.

Atʋloa 31:23

I̱ hulittopa moma kʋt Chihowa ha̱ hʋsh i̱ hullashke; Chihowa hʋt ai a̱hli ʋhleha ha̱ hʋllʋlli yoke, amba ilefehnʋchi yʋno lawachi hosh im atobbi yoke.

Atʋloa 7:12

Fʋlama he keyukma̱, i̱ bʋshpo fʋlaya ya̱ shohlichi hoke; im iti tʋnampo ya̱ bichullit ʋtahli tuk oke.

Atʋloa 7:13

Micha nan isht illi puttah im uskinʋki ya̱ libbi̱chi hosh isht o̱ wielishke.

Eksotʋs 20:5

Aka ish im akahchunoli, micha ish aiokpʋcha he keyu hoke, Chin Chitokaka Chihowah sia hʋt Chitokaka nukta̱ha̱hla sia hosh i̱ki ʋhleha nanashʋchi tuk a̱ im ʋlla ʋhleha ai itishali ont atuchina, micha ont ai ushta kia a̱ nukkilli ka̱ im a̱ya li hoke.

Numbas 10:35

Atuk o̱ yakohmi tok, itombi holitopa yʋt wakayʋt iakma, Moses ʋt Wakaya, Chihowah ma, mikma chin tʋnʋp puta kʋt ita fimimpashke; micha chi̱ nukkilli ʋhleha hʋt chi tikba yihlepashke, achi tok.

Mark i̱ Holisso 1:2

Yakeh! ʋm anumpeshi ya̱ chi tikba chʋffichi li hoka mihi yosh chi̱ hina ya̱ tikbanli apoksiacha hi oke.

Loman 1:30

Inla ya̱ ashakachit na mihachi puta, Chihowa i̱ nukkilli ʋhleha, na hofahyalit isht anumpuli, ilefehnʋchi, ilauata, nan isht ik achukmo puta ihi̱kbi, i̱ki, ishki ita tuklo ik im antio,

Loman 8:7

Haknip nan ai ahni kak o̱ isht ahanta hokʋto Chihowa i̱ nukkilli yoka; yohmi kʋt Chihowa i̱ nan ʋlhpisa ya̱ im antia keyu, micha yohma hi o̱ keyu kamohmi mʋhlishke.

Tutelonomi 32:35

Il aiokhʋt hotopali, micha falʋmminchit im atobbi ʋt ʋmmi hoke: ont aiʋlhpesakma iyi yʋt shakalʋlla hi oke; nan isht im aiokpuloka chi̱ nitak ʋt olanlosi hoke: micha nana onʋtola chi̱ kʋt tu̱shpa hoke.

Tutelonomi 5:9

Aka pit ish im akachunola he keyu, micha ish im antia he keyu: Chitokaka chin Chihowah sia hʋt, Chitokaka nukta̱ha̱hla sia hosh, i̱ki ʋhleha nan ashʋchi yash im ʋlla ʋhleha hʋt ai iti shali ont isht atuchina, micha ont isht ai ushta kia a̱ nukkilli ka̱ im a̱ya li hoke.

Tutelonomi 7:10

Micha i̱ nukkilli puta ka̱ pisanchi hosh im atobbi cha, ishit kancha hi oke: i̱ nukkilli tuk a̱ i̱ sʋlaha he keyu, pisanchi hosh im atobba hi oke.

2 Timohli 3:4

Ilap i̱ yimmi tuk kia haksichi, ahah! ik ahno, anukfila chaha, haknip nan isht ai yukpa yak bano ho̱ i̱ hullo kʋt Chihowa ya̱ im i̱ shahli;