Tutelonomi 32:4 - Chahta Holisso Holitopa 1886

⁴ Yʋmmak osh tʋli chito ak oke; nan isht ai ahanta yʋt ʋlhtaha hoke; nan im a kaniohmi puta kʋt aiʋlhpiesa hoke; Chitokaka ai a̱hli, micha nan ashʋchi iksho: aiʋlhpiesa, micha ʋlhpesa yoke.

Tutelonomi 32:4 Iomraidhean Croise

Genesis 1:31

Mihma Chitokaka yʋt nana moma ikbi tuk ʋt pisa ma, yakeh! achukma fehna tok. Mihma opia kʋt micha onnahinli kʋt nitak ishit hannali tok.

Genesis 18:25

Aiʋlhpiesa ya̱ hatak haksi aieninchit ʋbi, yʋmma chohmi ka̱ chi ahalaia he keyu hoke; micha aiʋlhpiesa ʋt hatak haksi ya̱ itilaua he, yʋmmak okʋt chi ahalaia he keyushke: yakni moma Nan im apesa yʋt aiʋlhpiesa kak o̱ yʋmihcha he keyu cho? achi tok.

2 Samuel 22:47

Chihowa ʋt okcha̱ya hoke; micha an Tʋli chito yʋt holitopashke: micha ʋm ai okcha̱ya tʋli chito Chitokaka ʋt chahashke.

2 Samuel 23:3

Islael in Chitokaka ʋt yak achi tok, Islael in Tʋli chito ʋt ʋm anumpulit, Hatak ʋhleha ha̱ pehlichi kʋt aiʋlhpiesa he ʋlhpesa, Chitokaka ya̱ i̱ nukwia hosh pehliecha he ʋlhpesa hoke.

Atʋloa 100:5

Chihowa hʋt achukma hosh, isht i̱ hullo ʋt abilliakmʋt, isht ai a̱hli ʋt isht ai unchululi poiyutta kak kia ma̱ha̱ya hoka̱.

Atʋloa 138:8

Chihowa hʋt nanah ʋm ʋtahlih achukma chi̱ hoke; Chihowa ma, isht ish i̱ hullo yʋt abillia yokʋt, chibbak ʋt nan ikbi tok a̱ chik kancho kashke.

Atʋloa 145:17

Chihowa hʋt im ata̱ya moma ka̱ ai ʋlhpiesa hoke, mikmʋt i̱ hullo hosh nanah moma ka̱ yʋmihchi hoke.

Atʋloa 146:6

Yʋmmak osh ʋba micha yakni, okhʋtah micha nana hosh yʋmma̱ aiyasha momah aiena ka̱ ikbi tok osh, aia̱hlika ieshi na billia yak oke.

Atʋloa 18:2

Chihowa hak osh a̱ tʋli chito, micha a̱ hulihta kʋllo, micha sʋ hlakuffichi yoke; a̱ Chitokaka yʋt a̱ tʋli chito, yʋmmak o̱ ai ʋtukko li yoke; a̱ telihpa, micha ʋm ai okcha̱ya lʋpish, ʋm ahlʋkuffi chaha yoke.

Atʋloa 18:46

Chihowa hʋt okcha̱ya yoke; yohmi kʋt a̱ Tʋli Chito ʋt hulittopashke; mikmʋt ʋm ai okcha̱ya Chitokaka yʋt chahashke.

Atʋloa 19:7

Chihowa i̱ nan ʋlhpisa yʋt ʋlhtahah achukma yosh, shilombish a̱ fʋlʋmmichit okchʋli yoke: Chihowa isht im ʋtukkoa yʋt aiya̱hlih kʋllo yosh, ik hopoyukso ya̱ hopoyuksʋli yoke.

Atʋloa 31:5

Ʋmish shilombish a̱ chibbak pit fohki lishke; ai a̱hli Chitokaka Chihowa ma, fʋlʋmmichit is sʋ hlakuffichi tuk oka̱.

Atʋloa 33:4

Chihowa im ʋnnumpa hʋt ʋpissalih, micha nanah yʋmihchi moma kʋt ai a̱hlih bano ho̱ ʋtahli hoka̱.

Atʋloa 78:35

Chitokaka yʋt i̱ tʋli chito yokmʋt, ʋnonti Chitokaka Chaha i̱ Shahli ak osh okchalinchi yatuk a̱ ithaiyanah beka tok.

Atʋloa 9:16

Chihowa hʋt ai ʋlhpiesa yʋmihchi kʋt ottaiyanish?ke: yokmi kʋt hʋttak ik ʋlhpeso ya̱ ilap ibbak nan isht ai a̱ha̱tta tuk ak inli ho̱ ishit yukachi hoke. [Ai ulachi. Yukopa.

Atʋloa 90:16

Chi̱ tishuh ʋhleha ha̱ nanah ish yʋmi̱hi̱chi ʋt i̱ hayakashke, mikma̱ chim ahulittopa yʋt im ʋlla ʋhleha ha̱ onuttoiyulashke.

Atʋloa 92:15

Yohmi kʋt, Chihowa hʋt ai ʋpissali yosh, a̱ tʋli chito, yʋmma̱ nan ik ʋlhpeso nanah kia ik im iyiksho ka̱ ʋnola chi̱ kak oke.

Atʋloa 97:2

Hushontih, aiokhlileka aiena hosh ʋpakfoiyupa hoke; ai ʋlhpiesa ʋpehi̱sa yosh im ai o̱ binili hulittopa a hikkia yoke.

Atʋloa 98:3

Islael i̱ chukkachʋffa ya̱ im isht i̱ hullo micha im ʋnnumpah a̱hli ya̱ im ithaiyana tuk; yakni ont ai ʋlhi moma kʋt pi̱ Chitokaka im ai okcha̱ya ya̱ pisa tuk oke.

Atʋloa 99:4

Yohmi ka̱ ai ʋlhpiesa ʋpesah ahninchi kak osh mi̱ko ʋt ishit hlampko hoke: chishno ak osh ai ittillawwit ai im ʋlhpisa ish hillechi tuk oke; chishno ak osh Chekob a̱ ai ʋlhpiesa ʋpesa ish ai ʋtahli tuk oke.

Eksotʋs 34:6

Micha Chihowah yʋt itikba ont ia cha, chitolit, Chihowah, Chitokaka Chihowah nan i̱ nukha̱klo, i̱ kana, i̱ sʋlaha, micha ai achukma, micha aia̱hli aiena kʋt in la̱wah.

Mahlu 5:48

Yohmi hoka aia̱hli hʋchi achukma kʋt, hʋch I̱ki ʋba binili kʋt aia̱hli achukma kak inli ho̱ hʋsh chiyuhmashke, hʋchim achi lishke.

Chan 1:14

Micha Anumpa hash ot nipi yo̱ toba cha, nan isht i̱ kana, micha nana aia̱hlika aienʋt isht alotowa hosh pi takla ahanta tok: yohmi na isht a holitopa ya̱, I̱ki a̱ Ushi ʋt achʋfa illa cha ai isht a holitopa chatuk mak o̱, chiyuhmi ho̱ e pihi̱sa tok.

Chan 1:17

Nan‐ʋlhpisa yokʋto Moses ak atuk mak o̱ ʋlhpihi̱sa tok: amba nan isht i̱ kana, micha nan‐aia̱hlika aiena hokʋto Chisʋs Klaist ak o̱ a minti tok.

Chan 14:6

Mihma Chisʋs ash ot, Ʋno ak osh hina, micha ai a̱hlika, ai okcha̱ya aiena sia mak oke: ʋno ak o̱ keyukma hatak nana hosh A̱ki a̱ im ai ona he keyu hoke.

Chan 5:22

I̱ki ʋt hatak kʋna kia nana ka im apesa keyu hoka; amba hatak ʋt momʋt Ushi a̱ holitobli kʋt, I̱ki a̱ holitobli kak inli hosh ai itilauecha chi̱ ka, nan‐ʋlhpisa he puta ka mominchit Ushi ak o̱ im issa hoke. Kʋna hosh Ushi yash ik holitoblokmʋt, yʋmma auet kanchi tuk I̱ki ash ik holitoblo hoke.

Loman 1:32

Yʋmmak okʋt Chihowa i̱ nan ʋlhpisa yʋt, kʋna hosh nana yʋmma chiyuhmi ka yʋmihinchi hokʋt isht ai illa he ʋlhpiesa achi ka ithana kia; yʋmma yʋmihinchi kak bano keyu, amba kʋna hosh yʋmihinchik mak o̱ isht im ai achukma hoke.

Loman 2:2

Yohmi kia ilʋppa chiyuhmi yʋmihchi puta hokʋno Chihowa yokʋt ai a̱hli mak o̱ nan ʋlhpisa ya̱ onochi hoka il ithaiynʋshke.

Loman 2:5

Amba chi chu̱kʋsh kʋllo nan ai ashʋchika isht nukha̱klo keyu yak o̱ ish iakaiya hosh, Chihowa yokʋt nan ai ʋlhpiesa apesa ka otaiyana he, micha ai ilbʋsha nitak ʋt otaiyanikma, a chilbʋsha hi ʋt ish il im itʋnahanlishke.

Loman 3:5

Yohmi ka nan ai ʋlhpiesa keyu e yʋmohmi kak osh Chihowa hʋt nan ai ʋlhpiesa yʋmohmi ka otʋninchi hokmʋno, nanta hak o̱ il acha hinla ho̱? Chihowa hʋt na palʋmmi ka onochi kʋt ik ai ʋlhpieso ho̱? Hatak ʋt anumpuli chatuk mak o̱ anumpuli lishke.

1 Kolinhlian 10:4

Mihmʋt nan ishko shilombish imma a miha chʋfa ho̱ momʋt ishko tok. Tʋli chito shilombish imma yʋmmak ash okla ai ishko tok a̱ yʋmmak ash ot iakaiya tok oka; yohmi ma Tʋli chito yʋmmʋt Klaist mak atok oke.

Tutelonomi 10:18

I̱ki illi, micha i̱ hatak illi nan im ʋlhpisa ka̱ im a̱hlichi kʋt, micha okla inla ya̱ ilhpak, micha na fohka ya̱ ima kʋt im achukma hoke,

Tutelonomi 32:15

Yohmi tuk kia Cheshulʋn ʋt niʋt taha mʋt, hʋhli tok: chi niʋt tahʋshke, chi chitot tahʋshke, nia yosh ishit chi ompoholmoshke: yohmi mʋt ikbi tok Chitokaka ya̱ kanchi tok, micha aiokcha̱ya tʋli chito yosh ik ahobalo tok.

Tutelonomi 32:18

Tʋli chito chi tobachi tok ano chik anukfilloshke, micha chikbi tok Chitokaka ano issʋt ish kanchishke.

Tutelonomi 7:9

Yʋmohmi hoka ish ithaiyana, Chihowah chin Chitokaka ak osh Chitokaka, micha Chitokaka aia̱hlichi ʋt holitobli cha, im anumpa ha̱ ieshikma, nan itim apesa, micha nan isht i̱ nukha̱klo ya̱ ai iti shali tahlepa sipokni hoh kia im iesha hi oke.

Chemis 1:17

Na hʋlbina achukma, micha na hʋlbina ai a̱hli puta hokʋto ʋba ak o̱ a minti; yohmi kʋt yʋmmak okʋt inlʋt takohli, micha ilaiyuka kia ik im iksho, nan tohwikeli puta I̱ki ak o̱ a minti hosh aka ʋla hoke.

Chemis 4:12

Nan ʋlhpisa ikbi ʋt yʋmmak okʋto okchalinchi, micha ʋbi aiena kʋt im ai ʋlhpesa he bano mak osh achʋfa kʋt a̱shʋshke; chishno ak osh kʋta chia hatuk osh inla ya̱ anumpa ish onochi cho?

1 Pita 2:6

Yʋmohmi hoka anonti Holisso Holitopa ya̱ a foyuka kʋt, Yakeh! chukbi in tola tʋli ʋlhtoka, holitopa fehna ho̱ Saion a̱ a bohli lishke: yohmi ka kʋna hosh yʋmmak oka i̱ yimmi hokʋt hofahya he keyu hoke, achi tok.

1 Samuel 2:2

Nan ashʋchi iksho Chihowa ohmi kʋt iksho hoke: inla yʋt iksho ho̱, chishno ak bieka hokʋt: micha tʋli chaha nana kia pin Chitokaka chohmi kʋt a̱sha keyu hoke.