Tutelonomi 32:39 - Chahta Holisso Holitopa 1886

³⁹ Himak a̱ pisá, ʋno, ʋno fehna kak osh mih sia hoke, yohmi ka̱ naholbʋt toba yʋt sʋba foyuka keyu hoke: ʋbe li, micha okchalinchi li hoke; hotopali li, micha hlakofiche li hoke; mikma kʋna hosh sʋbbak a̱ akohchit hlakoficha he ʋt iksho hoke.

Tutelonomi 32:39 Iomraidhean Croise

2 Mi̱ko 20:5

Ish falama cha, ʋm okla pehlichi Hesekiah ya̱, Chi̱ki Lewi in Chitokaka Chihowa yʋt yak achishke, Chim anumpa albʋsha ya̱ ha̱klo lishke, chi nishkin okchi hlatapa ka pi̱sa lishke: yakeh! chi hlakoffichi la chi̱ hoke; nitak ont atuchinakma Chihowa in chuka ya̱ ont ish chukowa chi̱ hoke.

2 Mi̱ko 5:7

Atuk o̱ yakohmi tok, Islael i̱ mi̱ko ʋt holisso hash itim anumpuli mʋt, i̱ nafohka ya̱ hlilʋffi cha, Ʋno ak osh Chitokaka sia hatuk osh ʋbi li, micha okchalinchi la hinla ho̱, hatak a̱ in leplosi hlakoffichi la chi̱ ho̱, yʋmmʋt et a̱ pila cho? Yohmi ka yʋmmʋt peh sati̱ nokowa bʋnna ka anukfillit ho pisá, hʋchim asilhha lishke, achi tok.

Atʋloa 102:27

“Amba chishno ʋto mihi yash inli hosh ish a̱ha̱tta hoke, mikma̱ chim afʋmmi hʋt ont ai ʋlha he keyu hoke.

Atʋloa 102:28

“Chi̱ tishuh im ʋlla ʋhleha hʋt ma̱ha̱ya he, mikma̱ im ishtatiaka yʋt chi tikba hiela hi oke,” achi lishke.

Atʋloa 18:31

Chihowa hak illa ka̱, kʋta hosh Chitokaka yato̱ba̱? micha pi̱ Chitokaka yak illa ka̱, kʋta hosh tʋli chito yato̱ba̱?

Atʋloa 50:22

“Intah! ilʋppa̱ anukfillit hʋsh pisashke, Chitokaka im ʋhaksi ʋhlehah ma; keyukma̱ hlʋkuffichi ʋt iksho ho̱ hʋchi niblit tahli lin náh.

Atʋloa 51:8

Na̱ yokpah micha yukpah fehna ka̱ is sʋ haklochi na, ish litoli tuk foni putta kʋt yokpashke.

Atʋloa 68:20

Chitokaka yʋt pim ai okcha̱ya Chitokaka yoke; nan illi ak okʋno ahlʋkuffi ʋt nan i̱ Shahli Chihowa hak o̱ immi hoke.

Atʋloa 86:10

Chinto cha na̱ fehna yʋmi̱hi̱chi chia hosh, chishno ak bano hosh Chitokaka chia hoka̱.

Eksotʋs 15:26

Micha Hʋchin Chitokaka Chihowah im anumpa ha̱ achunanchit hʋsh i̱ haponaklo cha, itikba ya̱ ai ʋlhpiesa kak o̱ yʋmihinchit, im anumpa ʋlhpisa ha̱ hʋsh i̱ haponaklot, i̱ nanʋlhpisa puta ka̱ hʋsh holitoblikma ililli ilʋppa puta ka̱ Echip okla ha̱ onochi li tok ʋt hʋchi onochi la he keyu hoke; Chihowah sia hosh hʋchi hlakofichi li hoka, achi tok.

Eksotʋs 4:7

Mihma, Anonti chibbak a̱ chikkishi pit fohki, achi tok mihma ibbak a̱ anonti ikkishi pit fohki tok; atuk osh ikkishi ha̱ kohchi ma, yakeh, falamʋt haknip inla ya̱ chohmi tok.

Chan 8:24

Yohmi ka na hʋchim ai‐ashʋchika puta kak o̱ isht hʋchi ai illa hi oke, hʋchim achi li hokʋno; ʋno ak osh mih mak o̱ sia ka ik hʋchi yimmo hokmʋt, na hʋchim ai‐ashʋchika puta kak o̱ isht hʋchi ai illa hi oka, im achi tok.

Tutelonomi 32:12

Chihowah ak illa hosh ilaueli tok: mihma okla inla i̱ naholbʋt toba ʋt ik ibafoyuko tok.

Tutelonomi 4:35

Hʋchishno ʋto Chihowah ak osh Chitokaka yoke, hʋsh ithaiyana chi̱ ho̱ hʋchi̱ haiakʋchi tok; yʋmma inla kʋt iksho hoke.

Tutelonomi 7:9

Yʋmohmi hoka ish ithaiyana, Chihowah chin Chitokaka ak osh Chitokaka, micha Chitokaka aia̱hlichi ʋt holitobli cha, im anumpa ha̱ ieshikma, nan itim apesa, micha nan isht i̱ nukha̱klo ya̱ ai iti shali tahlepa sipokni hoh kia im iesha hi oke.

Heblu 1:12

Mikma anchi yak inli ho̱ chohmichit ish pohla he; mikma yʋmmak ash ot inlʋt toba he: yohmi kia Chishno yokʋto mih yash inli chia, micha chim afʋmmi hokʋt ont ataha he iiksho hoke.

Nan Otʋni 1:11

Ʋno ak osh Alfa, mikmʋt Omeka, ʋmmona, mikmʋt ont ishtaiyopi aiena sia mak oke; yohmi hoka nana ho̱ ish pihi̱sa kʋt holisso ha̱ ish a holissochi cha, Asia yakni chʋch a hiohli untuklo Efesʋs, micha Smʋna, mikmʋt Pʋkamos, micha Hlaiatila, mikmʋt Satis, micha Filatelfia, mikmʋt Laotisea aiena ka pit ish pilashke, ahanchi ho̱ haklo li tok.

Nan Otʋni 2:8

Mikmʋt chʋch Smʋna a hikia nan isht im ʋtta ya̱ pit ish i̱ holissochashke. Ʋmmona, micha ont ishtaiyopi aiena, yʋmmak osh illi tok ʋt, okcha̱yʋt ahanta mak osh, ilʋppa puta ka achishke.

1 Samuel 2:6

Chihowa ak osh illichi hoke, mikmʋt okchalinchi hoke: akowʋchit ahollopi isht ona hoke, mikmʋt wakayʋchi hoke.