Tutelonomi 32:36 - Chahta Holisso Holitopa 1886

³⁶ Chihowah yʋt im okla ha̱ nan im apesa chi̱ hoka; micha isht akʋllo ʋt i̱ kʋnia, micha im okshilita kʋt iksho, micha hlakofi kʋt iksho ma, pisa kak osh, in tishu ʋhleha ha̱ ishit i̱ nukha̱kla hi oke.

Tutelonomi 32:36 Iomraidhean Croise

1 Mi̱ko 14:10

Yʋmohmi hoka yakeh! nana ik achukmo ka Cheloboam a̱ in chuka achʋfa ya̱ onochi la hi oke; mikmʋt nakni kanima kia, micha Islael yuka, micha Islael yuka keyu aiena ka Cheloboam a̱ ishit kanchi lish, Cheloboam in chuka achʋfa a̱sha ka, hatak osh lukfi yo̱ ishit kanima ont kanchi na, momʋt ont taha chatuk mak o̱, chohmichit ishit kanchi la hi oke.

1 Mi̱ko 21:21

Yakeh! nana ik achukmo ka chi onochit, chim ishtatiaka ya̱ ishit kanchit, micha Ahab in chuka achʋfa nakni moma, micha Islael yuka, micha Islael yuka keyu aiena ka ishit kanchi la hi oke.

2 Mi̱ko 14:26

Islael ilbʋsha kʋt palʋmmi fehna ka Chihowa yʋt pisa tok oka: micha yuka, micha yuka keyu aiena kʋt iksho tok, mihma Islael apela yʋt iksho tok oke.

2 Mi̱ko 9:8

Yohmikma Ahab in chuka achʋfa oklu̱ha kʋt illit taha chi̱ hoke; mikma Ahab immi, ʋlla nakni, micha yuka, micha yuka issa aiena hosh Islael aiasha ka, ishit kanchi la chi̱ hoke.

Atʋloa 106:45

Nan ittim apesa tok ʋt ithaiyanʋt, isht i̱ hullo chinto hatuk pullah mak osh i̱ nukha̱klo tok.

Atʋloa 135:14

Chihowa hʋt im okla ha̱ nan im apesakmʋt, i̱ tishuh ʋhleha hak atuk mak o̱ i̱ nukha̱kla hi oka̱.

Atʋloa 50:4

Im okla ha̱ nan im ʋpesa chi̱ kʋt, ʋba shutik micha yakni ya̱ ittʋnahli hoke.

Atʋloa 7:8

Chihowa hʋt oklushi putta ka̱ nan im ʋpesa yoke: na̱ si ai ʋlhpiesa, micha nan isht ik ono sʋ foiyukkah keyu pulla hatuk mak o̱ nan is sʋm ʋpesashke, Chihowa ma.

Atʋloa 90:13

Chihowa ma, hupakih kʋtiohmih fokka ha chi̱h choh? Ish fʋlama cha, chi̱ tishuh ʋhleha ha̱ ish i̱ nukha̱klashke.

Atʋloa 96:13

Minti hoka̱: yakni ya̱ nan im apesa chi̱ hosh minti hoke; ai ʋlhpiesa hosh yakni moma ka̱ im apesʋt, ai a̱hli hosh oklah putta ka̱ nan im apesa hi oke.

Eksotʋs 32:14

Mihma Chihowah yʋt im okla ha̱ i̱ sanalit nanuk achukmo yʋmihcha chi̱ hosh anukfilli tuk ʋt issa tok.

Lefitikʋs 26:43

Micha yakni ya̱ issakma, yʋmmʋt iksho ho̱ chukilissʋt talaiakmʋt, i̱ nitak hollo ya̱ a yukpa hi oke: micha nan ashʋchit na palʋmmi onʋtula tuk ʋt ʋlhpesa ahna hi oke; ʋm aiʋlhpesa yʋmihchi ya̱ shitilema tuk okʋt, micha imi shilombish ʋt a̱ nan ʋlhpisa puta ka̱ shitilema tuk okʋt.

Heblu 10:30

Yohmi ka, Ai ʋlhpiesa isht atobba hi okʋt ʋmmi hoke, ilʋppak ash achi tok yʋmmak okʋno il ithana; falaminchit atobbi la he, Chitokaka yʋt achishke. Mikma anonti, Chitokaka yʋt im okla ʋhleha hoka nan im apesa hi oke, achi kʋt takanlishke.

Nan Apesa 2:18

Mihma Chihowa yʋt nan apesa ʋhleha ha̱ i̱ hilechikmʋt, yʋmohmikmʋt Chihowa yʋt nan apesa ya̱ ibafoyukʋt, nan apesa ʋt okcha̱ya itintakla ka in tʋnʋp ʋhleha ibbak a̱ a hlakofihinchi beka tok: ilbʋshali, micha apistikeli hatuk o̱ kifa̱ha̱ha ka Chihowa yʋt i̱ nukha̱klo hatok.