Tutelonomi 32:30 - Chahta Holisso Holitopa 1886

³⁰ Katiohmi kak osh achʋfa kia tahlepa sipokni hoh kia tihlela he tuk keyu? micha tuklokmʋt tahlepa sipokni pokoli kia tihlela he tuk keyu? in Tʋli chito yak osh kanchi tuk keyukma: micha Chihowah ak osh im okshita tuk keyukma?

Tutelonomi 32:30 Iomraidhean Croise

1 Mi̱ko 14:16

Micha Cheloboam ʋt nanashʋchi tuk, yʋmmʋt nan ashʋchi cha, yʋmmʋt Islael a̱ nan ashʋchechi tuk aiena pulla kak o̱, Islael a̱ kancha chi̱ hoke, achi tok.

2 Mi̱ko 7:5

Atuk osh okpolusbi ma, Silia im ʋlbina ha̱ ona chi̱ hosh wakaya tok: atuk osh Silia im ʋlbina ont ʋhli ka ona ma, yakeh! hatak achʋfa kia iksho tok.

Atʋloa 44:12

Chim okla ha̱ ish kanchi kʋt, nan isht chik ʋhayocho hoke, micha yʋmma̱ isht ʋlhtoba yatuk a̱ nan isht chi̱ lawah keyushke.

Lefitikʋs 26:7

Mikma hʋchin tʋnʋp a̱ hʋsh tihleli na, yʋmmak osh hʋchi tikba ya̱ bʋshpo falaia ishit akakoha hi oke.

Lefitikʋs 26:8

Mikma hʋsh tahlapikmʋt tahlepa achʋfa kia hʋsh tihlela he, micha tahlepa hʋsh achʋfakmʋt tahlepa sipokni pokoli kia hʋsh tihlela hi oke, mikma hʋchin tʋnʋp ʋt hʋchi tikba ya̱ bʋshpo falaia ishit akakoha hi oke.

Mahlu 18:25

Yohmi kia isht atobba hi ʋt ik im iksho hatuk o̱, i̱ shahli hash osh yʋmmʋt, tekchi, micha im ʋlla ʋhleha, mikmʋt nan im a̱sha tuk moma aiena kʋt kʋnia na aheka yʋt ʋlhtoba hinla ka apesa tok.

Tutelonomi 32:4

Yʋmmak osh tʋli chito ak oke; nan isht ai ahanta yʋt ʋlhtaha hoke; nan im a kaniohmi puta kʋt aiʋlhpiesa hoke; Chitokaka ai a̱hli, micha nan ashʋchi iksho: aiʋlhpiesa, micha ʋlhpesa yoke.

Choshua 23:10

Hatak hʋsh achʋfa kʋt tahlepa sipokni ho̱ tihlela hi oke: Chihowa hʋchin Chitokaka ak osh miha tuk okʋt hʋchim itibi hoka:

Nan Apesa 2:14

Mihma Chihowa im ai i̱ nukkilli ʋt Islael a̱ i̱ sanalit libbi tok, micha wehpuli puta ka ibbak fohki na wehpuli tok; micha in tʋnʋp afullotʋt ai asha ka i̱ kanchit ibbak foki na in tʋnʋp itikba hiohla he keyu tok.

Nan Apesa 3:8

Yʋmohmi ma Chihowa im ai i̱ nukkilli yʋt Islael a̱ i̱ sanalit libbi tok, micha Chushan‐lishahlaim Mesopotamia i̱ mi̱ko ya̱ ibbak fohki tok: mihma Islael im ʋlla ʋhleha hʋt afʋmmi untuchina ho̱ Chushan‐lishahlaim a̱ i̱ nutaka tok.

1 Samuel 2:2

Nan ashʋchi iksho Chihowa ohmi kʋt iksho hoke: inla yʋt iksho ho̱, chishno ak bieka hokʋt: micha tʋli chaha nana kia pin Chitokaka chohmi kʋt a̱sha keyu hoke.