Tutelonomi 32:3 - Chahta Holisso Holitopa 1886

³ Chihowah hohchifo kak o̱ anoli la chi̱ hokʋt; pin Chitokaka yo̱ isht a holitopa ya̱ hʋsh imashke.

Tutelonomi 32:3 Iomraidhean Croise

Atʋloa 150:2

Na̱ chinto yʋmi̱hi̱chi tuk ak o̱ hʋsh hulittoblichashke; chintoh fehnah pulla kak o̱ hʋsh hulittoblichashke.

Eksotʋs 20:24

Lukfi yo̱ alta is sʋm ikbi cha, hukmit isht aiokpʋchi, micha iti̱ nanaiyʋchi isht aiokpʋchi, chin chukfi, micha chi̱ wak aiena ka̱ ʋbit ai onochit isht ish ai okpʋchashke, Kanima moma sa hohchifo ha̱ a bohyuli likmʋt hʋchim ʋla likmʋt hʋchi yukpali la hi oke.

Eksotʋs 33:19

Mihma, Si ai achukmaka ya̱ mominchit chitikba ya̱ ont iachi la chi̱ hoke, micha chitikba ya̱ Chihowah hohchifo ha̱ ai anoli la chi̱ hoke: micha kʋna ho̱ i̱ kana la he, ahni likmʋt, i̱ kana la hi oke; micha kʋna i̱ nukha̱klo la hi, ahni likmʋt, i̱ nukha̱klo la hi oke, achi tok.

Eksotʋs 6:3

Micha Chitokaka nan isht im aia̱hli ataha iksho hohchifo hosh Eblaham, Aisak, micha Chekob aiena ka̱ i̱ haiaka li tok; amba Chihowah sa hohchifo hokʋno, yʋmmak ash osh sʋthana tok keyu hoke.

Chan 17:26

Yohmi na ilʋppak o̱ chi hohchifo ha̱ isht im anohonli li tuk osh, anonti anohonli la chi̱ hoke: yohmikma na‐holitobli ai isht is sa̱ hullo hatuk ʋt ilʋppak ma anukfoyuka na, anonti ʋno mʋt ai ibacha̱fa lashke, achi tok.

Chan 17:6

Hatak puta ka yakni ak o̱ ai ishit is sʋma hatuk a̱, chi̱ hohchifo ha̱ im otʋninchi li hokʋno; yʋmmak okʋt chimmi hatuk o̱, is sʋma hatuk oka, chim anumpa ha̱ okla holitobli tuk oke.

Efeshan 1:19

Micha ilap nan isht im ai a̱hli chinto a yʋmihchi kʋt, na yimmi ʋhleha pia ha̱ ilap nan isht im ai a̱hli chinto fehna ka isht pi̱ yʋmihi̱chi kʋt kaniohmi aiena ka, hʋsh a kostinincha he ak atuk oke.

Tutelonomi 3:24

Chitokaka Chihowah ma, a chi chito, micha chibbak akʋllo ka̱ chin tishu ha̱ im otʋninchit ish wakaya tuk oke: Chitokaka nanta hak osh ʋba ahantakmʋt, keyukmʋt yakni ahanta kʋt a chi kʋllo ka̱ yʋmohmit, ish a toksʋli ya̱ yʋmihcha hinla hotuma?

Tutelonomi 5:24

Micha, Yakeh, pin Chitokaka Chihowah yʋt im aholitopa, micha nan isht im aia̱hli ataha iksho pi pesʋchi hoke; mikma luak iklʋnna ya̱ im anumpa ha̱ il a ha̱ha̱klo tuk oke; Chitokaka yʋt hatak a̱ im anumpuli kia okcha̱ya hinla ka̱ himak nitak a̱ e pisʋshke.

Nan Otʋni 15:3

Mihmʋt Chihowa in tishu Moses im ʋlhtaloak, micha Chukfʋlhpobushi im ʋlhtaloak aiena ka okla taloho̱wa kʋt, Chitokaka Chihowa nana moma imaiya, ʋbanumpuli ʋhleha i̱ Mi̱ko chia ma! nana ish a toksahanli puta ka isht a nukhlakancha he a chinto hoke: yohmi kʋt ai ʋlhpiesa ai a̱hli yak osh a chim anukfila yoke.