Tutelonomi 32:26 - Chahta Holisso Holitopa 1886

²⁶ Ita fimmit achukbeli ya̱ isht ona lashke; ithaiyana ka̱ hatak ai itin takla ya̱ ai issʋchi lashke, achi li tuk oke.

Tutelonomi 32:26 Iomraidhean Croise

Atʋloa 34:16

Chihowa nʋsshuka yʋt nan ik achukmo yʋmihchi ʋhleha hʋno onuttoiyula kʋt, isht ai ithaiyana ya̱ yakni ya̱ a kohchit ishit kancha chi̱ kak oke.

Atʋloa 34:17

Oklah i̱ pa̱ha̱yakmʋno, Chihowa hʋt haklo cha, isht ai ilbʋssha moma ka̱ a kohchih chatuk oke.

Eksotʋs 32:12

Nanta katiohmi̱ ho̱ Echip okla hʋt nan ik achukmo yʋmihchit nʋnih fohka ai ʋbit tahlit yakni paknaka ai ishit kanchit mosholicha chi̱ hosh pehlichit kohcha tuk oke, acha chi̱ cho? chim ai i̱ nukkilli libbi kʋt ish shanaiya cha, nan ik achukmo chim okla i̱ sanali ilʋppa ish issashke.

Lefitikʋs 26:33

Micha oklushi Chihowah ik ithano puta ka̱ im itin takla hʋchi fimmi lish bʋshpo falaia shu̱fit hʋchiakaiyachi la hi oke; mikma hʋchi̱ yakni ʋt chukilissakma, hʋchin tʋmaha holihta puta kʋt ai okpuloka hi oke.

Lefitikʋs 26:38

Micha oklushi Chihowah ik ithano im itin takla ai illit hʋchi taha hi oke, mikma hʋchin tʋnʋp i̱ yakni ʋt hʋchi tahla hi oke.

ʋBanumpa Luk Ʋt Holissochi Tok 21:24

Yohmikma bʋshpo falaia yo̱ isht akakoha he; micha yuka tobʋt oklushi moma ai im oho̱na he; mikma Chelusalem a̱ Chentail okla hosh aka a hʋhlihinchi na Chentail okla nana im ai ʋlhpisa atuk ʋt ont ai a̱hlik mak a hi oke.

Tutelonomi 28:25

Chihowah yʋt chin tʋnʋp ʋhleha itikba ya̱ a chi akakohʋcha hi oke; hina achʋfa ho̱ iʋt ish i̱ sanali tukmʋt, itikba ya̱ hina untuklo ho̱ ish yihlepa hi oke; mikma apehlichika puta yakni paknaka aiasha moma ka̱ chisht ona hi oke.

Tutelonomi 28:37

Chihowah yʋt oklushi moma itin takla chishtia ka̱ yʋmmak o̱ okokko, isht ahni nana achi, micha isht anumpuli yo̱ ish ita nowa hi oke.

Tutelonomi 28:64

Micha Chihowah yʋt okla moma ka̱ aiyokomʋt, yakni a taha ka achʋfa ʋttʋt ia hosh, in tʋnnʋp ont ʋhli chi fimma hi oke; micha yʋmmak o̱ naholbʋt toba inla chishno, micha chi̱ki ʋhleha aiena kʋt ish ithana tuk keyu, iti, micha tʋli aiena yo̱ ish im antia hi oke.

Tutelonomi 4:27

Mikma Chihowah yʋt oklushi puta ka̱ a hʋchi ita fimma hi oke: mikma Chihowah ik ithano okla ai iti takla yʋmma Chihowah yʋt hʋch isht a̱ya ka̱ holhtina kʋt ik lauo hosh hʋsh aiasha hi oke.

Tutelonomi 9:14

Is sʋssa na, ishit kanchi lashke; micha hohchifo ha̱ shutik nutaka ya̱ a kashofit kanchi lashke. Micha chishno ak o̱ oklushi kʋllo, micha chito aiena kʋt yʋmma i̱ shahli ho̱ a chikbi lashke, achi tok.