Tutelonomi 32:24 - Chahta Holisso Holitopa 1886

²⁴ Hochʋfo ho̱ ishit lua he, micha naluachi lʋshpa yo̱ micha okpulot taha homi ho̱ ishit taha hi oke: micha nampoa noti, micha lukfi pushi sinti im isht illi aiena ka̱ on tihleli la hi oke.

Tutelonomi 32:24 Iomraidhean Croise

Lefitikʋs 26:22

Micha nampoa okpulo aiena hʋchim itin takla et tihleli likma yʋmmʋt hʋchim ʋlla ʋhleha ha̱ wehpuli cha, hʋchi̱ nan ʋlhpoa ya̱ ʋbit tahla hi oke, micha hʋchi kanamosechi likma, hʋchi̱ hina puta kʋt aksha hi oke.

Atʋloa 120:4

Hʋttak tʋnʋp im uskinʋki yosh hʋluppa, tubaksi chunipa a tuba ai ittibafoiyukka yak a chi̱ hoke.

Atʋloa 91:6

Ililli okpulo yʋt aiokhlileka yo̱ nowʋt a̱ya, ʋbeka okpulo yʋt tʋbokoli ho̱ nan okpʋnit tahlih kia, ish i̱ nukshopa he keyu hoke.

Tutelonomi 28:53

Micha chin tʋnʋp puta kʋt abinanchit chilbʋshali na, chi hohchʋfokmʋt chi haknip atoba ak inli, chiso ʋhleha, chisotek ʋhleha nipi chin Chitokaka Chihowah yʋt chima tok a̱ ish pa hi oke,

Tutelonomi 28:22

Chihowah yʋt tahat ishit yʋnha, micha yʋnha, micha nipi lua, micha nipi lua atampa, micha bʋshpo falaia, micha bʋshshi, micha shummit toshbi aiena ka̱ isht chissa hi oke; mikma chi akaiya na, ont ish moshola hi oke.

Genesis 49:15

Atuk osh afoha hʋt achukma ho̱, micha yakni ʋt achukma ho̱ pisa mʋt, shala chi̱ hosh tahchi ya̱ akachunolichi cha, tishu tobʋt noshkobo atobbi tok.

Genesis 3:14

Mihma Chihowah Chitokaka yʋt sinti yash, Ilʋppa ish yʋmihchi tuk okʋt, kalakshi kʋt nanʋlhpoa moma, micha nampoa moma yakni haiaka aiasha ka̱ ish i̱ shahlishke: chikfoka ak o̱ ishit shalʋllit ish a̱ya cha, chi okcha̱ya ta̱kla nitak moma kʋt lukfi ak o̱ ish pa hi oke.

Tutelonomi 28:48

Yʋmohmi hokʋt chin tʋnʋp ʋhleha yʋmmak oka Chihowah yʋt chi̱ sanali et pila chi̱ ka̱ hohchʋfo hosh, micha itukshila hosh, micha nipi bano, micha nana puta moma ka̱ bʋnna hosh, ish im antia chi̱ hoke; mikma tʋli ikunla abana yo̱ chikunla abanalikma ont chi taha hi oke.