Tutelonomi 32:22 - Chahta Holisso Holitopa 1886

²² Sa nokowa ma luak ʋt libbi kʋt hukmit aiokpuloka aka pilla ishtona chi̱: micha yakni, nan awaya ai ona ka̱ hukmit tahli cha, nʋnih chaha puta in tola puta ka̱ luak tikelicha chi̱ hoke.

Tutelonomi 32:22 Iomraidhean Croise

Atʋloa 144:5

Chihowa ma, chi̱ shutik a̱ ish bichulli cha, ish akkoashke; nʋnih chaha putta ka̱ ish putoli na, shubullashke.

Atʋloa 21:9

Chi tikba ya̱ onakma̱, tʋli abila yo̱ chomihchit ish ikbashke; Chihowa hʋt im anukhubela yo̱ ishit musholichashke; mikma̱ luak ʋt hukmit tahlashke.

Atʋloa 46:2

Yʋmohmi hoka̱ yakni ʋt ik ai inla hoh mák o̱, micha nʋnih chaha putta kʋt fayoka̱ha̱chit okhʋtah iklʋnna pit ik okakaha hoh mák o̱, pi nukshopa he keyu hoke.

Atʋloa 83:14

Luak osh iti foka hukmit kanchih chatuk, mikmʋt luak libbi hosh nʋnih chaha ai o̱ libbih chatuk a̱ chohmit,

Atʋloa 86:13

Isht ish i̱ hullo ʋt si onuttula kʋt chintoh ma̱, ʋmish shilombish a̱ illi aiasha nutaka ish a kucchi hatuk oka̱.

Atʋloa 97:3

I̱ tʋnʋp ʋt ʋpakfopʋt aiyasha ka̱ hukmit tahla chi̱ hosh, luak ʋt itikba ia hoke.

Lefitikʋs 26:20

Mikma pilla ho̱ hʋchim i̱ hlampko hʋt taha chi̱ hoke; hʋchi̱ yakni yʋt nawaya ya̱ hʋchi̱ waya he keyu hoke, micha yakni ya̱ iti puta kʋt ʋni ya̱ waya he keyu hoke.

Numbas 16:33

Yʋmma micha nana im aiasha tuk moma kʋt okcha̱ya moma hosh illi aiasha ka̱ pit tʋmoa na, yakni ʋt itafamʋt ompohomo tok, mihma okla moma ka̱ i̱ filʋmmit illit taha tok.

Numbas 16:35

Mihma luak ʋt Chihowah ya̱ akohchʋt minti cha hatak tahlepa tuklo cha pokoli tahlapi, na balama im issa kash o̱ hukmit tahli tok.

Mahlu 10:28

Mikmʋt haknip a̱ ʋbi kia, shilombish a̱ illicha he keyu yʋmmak okʋno hʋch ik i̱ nukshopo kashke: amba shilombish micha haknip it aieninchit aiokpuloka ai ilbʋshala hinla kak pulla ho̱ hʋsh i̱ nukshopashke.

Mahlu 18:9

Mikmʋt chi nishkin ʋt chi ibetʋblichi hokma, kohchit ish kanchashke; nishkin ʋt im achʋfa hosh aiokcha̱ya ya̱ ont ish chukowa hok mak osh nishkin tu̱klo hosh aiokpuloka luak a̱ ish itokʋnia he tuk a̱ chim i̱ shahla hi oke.

Mahlu 23:33

Sinti hʋchia, sinti chilita isht unchululi hʋchia hʋt, katiohmi kak osh aiokpuloka ai ilbʋsha he ʋlhpisa ya̱ hʋsh i̱ hlakofa hinla cho?

Tutelonomi 29:20

Chihowah yʋt apoancha he keyu hoke; amba Chihowah im ai i̱ nukkilli, micha i̱ nuktahla yʋt hatak yʋmma i̱ sanalit shobohonla hi oke; mikma kallakshichi anumpa moma holisso ilʋppa aholisso tuk ʋt onʋtoyula he; mikma Chihowah yʋt hohchifo ha̱ shutik nutaka ya̱ a kashofit kancha hi oke.

2 Hlessalonian 1:8

Ʋba mintit luak libbi biekʋt haiakʋt, Chihowa ik ithano, micha Chitokaka Chisʋs Klaist im ʋbanumpa ik im antio aiena ka isha he ʋlhpesa mak o̱ im apesʋt onochikma;

Heblu 12:29

Pin Chihowa yokʋt luak nan okpʋnit kahanchi yoka.