Tutelonomi 32:21 - Chahta Holisso Holitopa 1886

²¹ Chihowah keyu ka̱ ishit sa nuktahlali tuk oke; i̱ na makali ya̱ ishit sa nokowʋchi tuk oke. Atuk o̱ ʋno ʋt okla keyu yo̱ ishit nuktahlali la chi̱ hoke; oklushi im anukfila iksho yo̱ ishit nokowʋchi la chi̱ hoke.

Tutelonomi 32:21 Iomraidhean Croise

1 Mi̱ko 14:22

Mihma Chutah ʋt Chihowa itikba ya̱ nana ik achukmo ka yʋmohmit, i̱ki ʋhleha hʋt nana yʋmihchi tok moma ka, i̱ shahlichit, nan ashʋchi yʋmihinchi tuk osh nuktʋhlachi tok.

1 Mi̱ko 14:9

Amba nana ik achukmo ish yʋmihchi kʋt, chi tikba cha̱shpo a̱sha tuk moma ka ish i̱ shahlichishke: naholbʋt toba puta, micha bilʋt akmot naholbʋt toba puta aiena ka ikbit, is sa nokowʋchishke; micha chim a̱shaka is sa kanchishke.

1 Mi̱ko 16:13

Baasha nanashʋchi moma, micha ushi Elah ʋt nanashʋchi isht ashʋchi tok, micha Islael a̱ ashʋchichi hosh, i̱ nan ik ahobo puta ka, Islael in Chitokaka Chihowa ya̱ ishit nokowʋchi tuk ak atok.

1 Mi̱ko 16:26

Nebat ushi Cheloboam ʋt nana a kaniohmi tok moma, micha nan ashʋchi Islael a̱ isht ashʋchichit, micha i̱ nan ik ahobo puta ka Islael in Chitokaka Chihowa ya̱ ishit nokowʋchi tuk a̱, a noho̱wa tok oka.

2 Mi̱ko 17:11

Micha oklushi puta yʋmma Chihowa yʋt itikba ya̱ ai ishit kanchi tok ayʋmohmi tok a̱ yʋmihchit achahaka moma nabalama a hukmi beka tok; micha nana ik achukmo moma ka yʋmohmit Chihowa ya̱ nokowʋchi tok:

2 Mi̱ko 17:15

Micha i̱ nan ʋlhpisa puta, micha nan itim apesa i̱ki ʋhleha ha̱ nan itim apesa tok, micha nan isht atokowa isht atokoli aiena ka shitilemʋt kanchi tok; micha nan ik ahobo ya̱ okla iakaiyʋt ik ahobot taha mʋt, oklushi puta apakfoyupʋt a̱sha ka, yʋmmak oka Chihowa yʋt atokolit hobacha he keyu ka i̱ miha tok ak o̱ iakaiya tok.

2 Mi̱ko 21:6

Micha ushi ya̱ luak hlopullichi cha, hoshonti kak o̱ nan isht ithʋna, micha fʋppuli, micha nana ahulhkunna, micha ishtahullo puta atokolit ahanta beka tok: Chihowa itikba ya̱ nan ashʋchi fehna ka yʋmihchi cha, nokowʋchi tok.

2 Mi̱ko 22:17

Ibbak nan ishit toksʋli moma ishit sa nokowʋcha chi̱ kʋt sa kanchi cha, chitokaka inla puta ka nabalama i̱ hukmi tuk oka, ʋlhtoba hosh ʋm ai i̱ nukkilli ʋt tʋmaha ilʋppa i̱ sanalit libba chi̱ hoke, micha moshola he keyu hoke, hʋsh im achashke.

Atʋloa 31:6

Nanah keyu hulabi puttah hulittobli ʋhleha ha̱ ak ahniecho hoke; amba ʋno ʋto Chihowa hak o̱ anukchieto li hoke.

Atʋloa 78:58

Yohmi kʋt im achahaka ai ayokpʋchi puttah ishit nukoʋchih mʋt, i̱ na̱ holbʋt tuba putta kak o̱ ishit nuktʋhlali tok.

Apostel isht Anumpa 11:15

Yʋmohmi ma anumpulit ishtia li makinli ho̱, Shilombish Holitopa yʋt okla ha̱ onʋtuyula kʋt, ʋmmona ka hʋpishno a̱ pi onʋtula chash chiyuhmi tok.

Apostel isht Anumpa 14:15

Hatak puta ma! na katihmi ho̱ hʋchi yakohmi cho? Pishno ak kia hatak hʋchishno chohmi pia hoke, mih hosh nan ik ahobo yakohmi ka ai i̱ filʋmmit, Chihowa okcha̱ya, ʋba shutik, micha yakni, micha okhʋta, micha nana puta, yʋmma ai aha̱shwa ka aiena ikbi tok a̱, hʋsh im ona he mak o̱, e hʋchim anumpohonli hoke.

Loman 10:19

Amba Islael ʋt ithana hatuk keyu ho̱? ʋno ʋto achi lishke. Ʋmmona ka Moses ʋt okla ho̱ keyu kia isht a chi nukta̱hlachi la hi oke, micha oklushi ik hopoyukso yo̱ isht a chi nokowʋchi la hi oke, achishke.

Loman 9:25

Hosea yak o̱ isht ai anumpohonli mʋt, ʋm okla ʋhleha hatok keyu ka ʋm okla ʋhleha hochifa la he: micha a̱ holitopa tok keyu kʋt, a̱ holitopa hi oke, ahanchi ak inli hatok oka.

1 Kolinhlian 10:22

Chitokaka ya̱ il anukhobelʋchi na pi̱ nuktʋhla hinla ho̱? yʋmma hlampko kʋt il i̱ shahli ho̱?

Tutelonomi 32:16

Okla inla i̱ naholbʋt toba ishit nuktahlali mʋt, na yuwala ya̱ ishit nukowʋchi tok.

Tutelonomi 32:17

Shilombish okpulo ak o̱ nan ʋbit isht aiokpʋchi tok, Chihowah ak a tok keyu; naholbʋt toba ithana ya tuk keyu, naholbʋt toba himona, himona yosh hikia tuk hʋchi̱ki ʋhleha hʋt i̱ nukshopa tok keyu ya tuk oke.

1 Samuel 12:21

Micha naksika hʋch ik shanaiyo kashke: yʋmma hʋsh yʋmohmikmʋt, nana ik ahobo, nana apela he keyu, micha na hlakoficha he keyu aiena ka hʋsh asitia hinla hokʋt; nana ik ahobo hoka.