Tutelonomi 32:16 - Chahta Holisso Holitopa 1886

¹⁶ Okla inla i̱ naholbʋt toba ishit nuktahlali mʋt, na yuwala ya̱ ishit nukowʋchi tok.

Tutelonomi 32:16 Iomraidhean Croise

1 Mi̱ko 14:22

Mihma Chutah ʋt Chihowa itikba ya̱ nana ik achukmo ka yʋmohmit, i̱ki ʋhleha hʋt nana yʋmihchi tok moma ka, i̱ shahlichit, nan ashʋchi yʋmihinchi tuk osh nuktʋhlachi tok.

1 Mi̱ko 14:9

Amba nana ik achukmo ish yʋmihchi kʋt, chi tikba cha̱shpo a̱sha tuk moma ka ish i̱ shahlichishke: naholbʋt toba puta, micha bilʋt akmot naholbʋt toba puta aiena ka ikbit, is sa nokowʋchishke; micha chim a̱shaka is sa kanchishke.

2 Mi̱ko 17:11

Micha oklushi puta yʋmma Chihowa yʋt itikba ya̱ ai ishit kanchi tok ayʋmohmi tok a̱ yʋmihchit achahaka moma nabalama a hukmi beka tok; micha nana ik achukmo moma ka yʋmohmit Chihowa ya̱ nokowʋchi tok:

2 Mi̱ko 17:17

Micha ushi ʋhleha, micha ushetik ʋhleha ha̱ luak hlopullichit, nana kaniohma he akostininchi, micha fʋppuli puta yʋmihchit Chihowa itikba nana aiʋlhpiesa keyu ya̱ yʋmohmit ile kanchi cha, nokowʋchi tok.

2 Mi̱ko 21:6

Micha ushi ya̱ luak hlopullichi cha, hoshonti kak o̱ nan isht ithʋna, micha fʋppuli, micha nana ahulhkunna, micha ishtahullo puta atokolit ahanta beka tok: Chihowa itikba ya̱ nan ashʋchi fehna ka yʋmihchi cha, nokowʋchi tok.

2 Mi̱ko 23:13

Micha achahaka puta Islael i̱ mi̱ko Solomon ʋt Siton okla nan ashʋchi ishit yuwala Ashtolelh, micha Moab okla nan ashʋchi ishit yuwala Chemosh, micha Ammon im ʋlla ʋhleha nan ashʋchi ishit yuwala Milkom aiena ka im ikbi tok, yʋmmʋt Chelusalem itikba isht ai yoshuba nʋnih im ishtimpakimma aiasha tuk a̱ mi̱ko ʋt litehli tok.

Atʋloa 106:29

Mihmʋt nan okpulo yʋmo̱ho̱mit, oklah nukoʋchi kak o̱, ililli okpulo ʋt kucchʋt onuttohla tok oke.

Atʋloa 78:58

Yohmi kʋt im achahaka ai ayokpʋchi puttah ishit nukoʋchih mʋt, i̱ na̱ holbʋt tuba putta kak o̱ ishit nuktʋhlali tok.

Lefitikʋs 18:27

Nan isht yuwala ilʋppa moma kak o̱ yakni ya̱ hatak ʋhleha hʋchi tikba aiasha tuk ʋt yʋmihchi ho̱ yakni ʋt liteha tuk oke.

1 Kolinhlian 10:22

Chitokaka ya̱ il anukhobelʋchi na pi̱ nuktʋhla hinla ho̱? yʋmma hlampko kʋt il i̱ shahli ho̱?

Tutelonomi 32:21

Chihowah keyu ka̱ ishit sa nuktahlali tuk oke; i̱ na makali ya̱ ishit sa nokowʋchi tuk oke. Atuk o̱ ʋno ʋt okla keyu yo̱ ishit nuktahlali la chi̱ hoke; oklushi im anukfila iksho yo̱ ishit nokowʋchi la chi̱ hoke.

Tutelonomi 5:9

Aka pit ish im akachunola he keyu, micha ish im antia he keyu: Chitokaka chin Chihowah sia hʋt, Chitokaka nukta̱ha̱hla sia hosh, i̱ki ʋhleha nan ashʋchi yash im ʋlla ʋhleha hʋt ai iti shali ont isht atuchina, micha ont isht ai ushta kia a̱ nukkilli ka̱ im a̱ya li hoke.

Tutelonomi 7:25

I̱ na holbʋt toba, in chu̱wʋt toba puta ka̱ luak ishit hukmit hʋsh tahlashke: tʋli hʋta, micha tʋli lakna aiena alapali ka̱ ish ahna he keyu, micha ish il ai isha he keyu, ish yohmi cha, ishit ish yoshoba na; chin Chitokaka Chihowah nan i̱ yuwala yoka.