Tutelonomi 32:14 - Chahta Holisso Holitopa 1886

¹⁴ Wak i̱ pishukchi nia, micha chukfi i̱ pishukchi, chukfushi nia aiena, micha Bashan aiʋlhpoa chukfi nakni, micha issi‐kosoma yosh haiyihchi nia aiena, micha onush aiena ho̱ ish impʋchi tok: mihma pa̱ki okchi a̱hli issish chohmi ka̱ ish ishko tok.

Tutelonomi 32:14 Iomraidhean Croise

Genesis 18:8

Mihmʋt pishukchi nia, micha pishukchi, micha wak ushi atahli kash aiena ka̱ ishi cha, itikba talohli tok: micha bili̱ka iti nuta ya̱ hikia ma, okla impa tok.

Genesis 49:11

Im issuba haksobish falaia himita ya̱ pa̱kʋpi yo̱, micha im issuba haksobish falaia ushi ya̱ pa̱kʋpi achukma i̱ shahli yo̱ a takchechi hoke; i̱ nafohka ya̱ oka pa̱ki ya̱ ai achefa, micha i̱ nafohka ya̱ pa̱ki issish o̱ ai achefa hoke:

2 Samuel 17:29

Micha foi bila, micha pishukchi nia, micha chukfʋlhpoa, micha wak i̱ pishukchi nia palʋska aiena ka Lewi, micha okla apehʋt a̱ya tuk aiena kʋt ʋpa chi̱ ho̱ isht im ʋla tok: Okla hʋt yakni haiaka a̱ya kʋt hohchʋfot, hoyʋblit, itukshila hoke, okla achi hatuk okʋt.

Atʋloa 147:14

Yʋmmʋt yakni chim ai ʋlhi ya̱ itti̱ nanaiya ikbi yoke; onush nia i̱ shahli yak o̱ ishit chi fehubli hoke.

Atʋloa 22:12

Wak nakni lawa kʋt si ʋfullublishke, Beshan aiyasha kʋllo putta kʋt si ʋpakfoiyupʋshke.

Atʋloa 81:16

“Onush nia i̱ shahli ak o̱ ipetah chatuk a̱ chohmit, foi bila tʋli chito ya̱ ai ishit kohchi ka̱ chiyuhmi hosh ishit chi fehubli la he tuk oke,” achishke.

Numbas 18:12

Micha bila achukma i̱ shahli moma, micha oka pa̱ki achukma i̱ shahli moma, micha onush aiena nawaya ʋmmona, Chihowah im issa tuk a̱ yʋmma puta chima lishke.

Tutelonomi 28:47

Nana moma apakna atuk mak o̱, na yukpʋt chu̱kʋsh yukpa hosh chin Chitokaka Chihowah ya̱ chik im antio tuk okʋt,

Nan Otʋni 14:20

Yohmi ma tʋmaha chito kochanli ak o̱ oka pa̱ki atoba yash o̱ a hʋhlichi tok: mihma issish osh oka pa̱ki atoba yash a kohoncha kʋt, kowi tahlepa tuklo a taiyakla ka chaha kʋt issuba tʋli kapali itih ha̱ kapanli ona hosh talaia tok.

Nan Apesa 5:25

Oka im asilhha ma, pishukchi yo̱ ipeta tuk: pishukchi nia ya̱ ampo holitopa yo̱ fohkit isht im ʋla tuk oke.