Tutelonomi 32:11 - Chahta Holisso Holitopa 1886

¹¹ O̱ssi yosh im ʋlhpichik a̱ koyohlit, ushi ya̱ paknaka hlopohʋchit, sanahchi ashatablit ishi sanahchi ya̱ ishit shaiyali chatuk ak o̱ chiyuhmit,

Tutelonomi 32:11 Iomraidhean Croise

Genesis 1:2

Mihma yakni ʋt shahahbi bieka, micha nana kʋt ʋlhtaiyaha iksho bieka tok; mihma okhlili hʋt oka hofobi chito paknaka ya̱ onʋtoyula tok: mihma Chitokaka imi Shilombish ʋt oka pataiya paknaka ai o̱ kana̱hanli tok.

Atʋloa 18:10

Micha chelub a̱ o̱ binili cha hikʋt a̱yah mʋt, mahlih sʋnahchi ya̱ o̱ binilit pʋlhki hosh hikʋt a̱ya tok oke.

Eksotʋs 19:4

Echip okla ha̱ nana ka̱ kaniohmichi li ka̱ hʋsh pisa tuk oke; micha o̱ssi sanahchi om binilichit shaiyalit a̱ bili̱ka hʋch isht ʋla li tuk a̱ hʋsh pisa tuk oke.

Tutelonomi 33:12

Micha Benchamin ano, Chihowah i̱ holitopa ʋt achukma̱ka bili̱ka ai ahanta hi oke, micha Chihowah yʋt nitak moma ompohoma hi oke; mikma tahchi itin takla ya̱ ahanta hi oke, achi tok.

Heblu 11:3

Na pi yimma pulla kak osh yakni puta kʋt Chihowa im anumpa hak o̱ isht a toba tok a̱ isht il akostininchi hoke; yohmi hatuk o̱ nana puta e pihi̱sa kʋt nana puta otaiyani kak o̱ isht atoba tok keyu.

Nan Otʋni 12:14

Mikma ilap ai ʋtta yakni haiaka hikʋt ia chi̱ ka, ohoyo hash o̱ssi chito sanahchi tuklo ho̱ ima tok; yohmi ma yʋmmak o̱ afʋmmi tuchina iklʋnnʋt aiena ka sinti chilita yash o̱ itikba ai i̱ filʋmmit ai ilhpihintashke.

Nan Otʋni 12:4

Mihma i̱ hasimbish ʋt ʋba fochik a kashapa ont isht atuchina ka halanlit aka auet fohopli tok; yohmi ma ʋlla yʋt in tola he ai ona hatuk o̱, ʋlla yʋt itola mak inli ho̱ isht im ʋpa chi̱ kʋt, ohoyo hash itikba sinti chilita yash ot hikia tok.