Tutelonomi 31:2 - Chahta Holisso Holitopa 1886

² Micha himak nitak a̱ afʋmmi tahlepa cha, pokoli tuklo li hoke; himakma kuhchʋt iʋt, ant chukowa la he keyu hoke; micha Chihowah yʋt Chatan ilʋppa ish hlopulla he keyu, a̱ miha ha tuk oke;

Tutelonomi 31:2 Iomraidhean Croise

2 Samuel 21:17

Yohmi tuk kia Seluiah ushi Abishai ʋt apela cha, Filistin ash fahama mʋt, ʋbi tok. Yohmi ma Lewi in tʋshka ʋhleha hʋt anumpa kʋllo i̱ mihʋt, Himakma pi awant itibit ish ia he keyu, yʋmohmi hosh Islael i̱ pʋla ka chik mosholecho kashke, im achi tok.

1 Mi̱ko 3:7

Micha an Chitokaka Chihowa ma! himak a̱ a̱ki Lewi ya̱ atobbichit chin tishu ha̱ mi̱ko ish ikbishke; yohmi kia peh ʋlla sa fehna hoke: kohchʋt ihi̱ya, micha ant chukoho̱wa kʋt ak ithanoshke.

Atʋloa 90:10

Pim afʋmmih nittak okʋto yʋmma̱ afʋmmih pukolih untuklo kak oke; mikmʋt hlampko hatuk o̱ afʋmmih pukolih untucchenah yoba hokmʋno, yohmih kia nan a hlampko yʋt nanah ʋtaklʋma micha nanah keyu bieka hoke; tu̱shpʋt ant ia hatuk o̱, helit e tʋmoa hoka̱.

Eksotʋs 7:7

Mihmʋt Falaoh ha̱ im anumpulit okla mʋt, Moses ʋt afʋmmi pokoli untuchinakma. Alon ʋt afʋmmi pokoli untuchina akucha tuchina ha tok.

Numbas 20:12

Mihma Chihowah yʋt Moses micha Alon a̱ im anumpulit, Hʋchik sa̱ yimmot Islael im ʋlla ʋhleha itikba ya̱ hʋchik sa holitoblo tuk okʋt, yʋmohmi tuk okʋt okla ilʋppa pehlichit yakni ima li tok a̱ isht hʋsh chukowa chi̱ keyu hoke, im achi tok.

Numbas 27:17

Yʋmmak osh itikba kohchʋt ihi̱ya, micha yʋmmak osh itikba ont chukoho̱wa, micha yʋmmak osh pehlichit kohoncha, micha yʋmmak osh pehlichit chukowʋt ahantashke, yʋmohmi ho̱ Chihowah im okla moma yʋt chukfi yosh apistikeli iksho yo̱ ik chohmo kashke, im achi tok.

Apostel isht Anumpa 20:25

Yʋmohmi hosh himak a̱, Chihowa apehlichika ya̱ isht hʋchim anumpulit hʋch itin takla ma a̱ya li chatuk a̱, hʋsh moyuma kʋt himmakma sa nashuka ya̱ hʋsh pisa chi̱ keyu ka, ithaiyana lishke.

Apostel isht Anumpa 7:23

Yʋmohmi tok osh hopaki kʋt afʋmmi pokoli ushta ont ʋlhpiesa mʋt, itibapishi Islael ushi ʋhleha ha̱ i̱ nowʋt a̱ya hi oka, chu̱kʋsh anukfoyuka tok.

Tutelonomi 1:37

Micha Chihowah yʋt hʋchishno pulla kak o̱ a̱ nukowa cha̱, yʋmma ish chukowa he keyu, ak inli.

Tutelonomi 31:1

Mihma Moses ʋt anumpa ilʋppa puta kak o̱ Islael moma ka̱ ont im anumpuli tok.

Tutelonomi 34:7

Yohmi ka̱ Moses ʋt illi mʋt, afʋmmi tahlepa achʋfa cha pokoli tuklo tok; nishkin ʋt illi keyu, micha nipi kʋllo kʋt tahʋt isht ik aiyo tok.