Tutelonomi 30:9 - Chahta Holisso Holitopa 1886

⁹ Mikma chin Chitokaka Chihowah yʋt na toksʋli puta chibbak isht ish ishi ka̱, chi haknip a toba micha chi̱ wak a toba micha chi̱ yakni a toba aiena ka̱ achukma ho̱ anukfillit, chin lauacha hi oke: Chihowah yʋt chi̱ki ʋhleha anukfilli mʋt, yukpa tok mak osh, anonti achukma ho̱ chi anukfillit yukpa chi̱ hoke,

Tutelonomi 30:9 Iomraidhean Croise

Lefitikʋs 26:4

Yohmikma ont aiʋlhpiesakma, umba ka̱ hʋch i̱hi̱ma la hi oke, mikma yakni ʋt na waya ha̱ hʋchi̱ waya hi oke; mikma kowi iti hikia kʋt ʋnit hʋchi̱ waya hi oke.

Lefitikʋs 26:6

Mikma yakni ya̱ iti̱ nanaiya ima la hi oke, yohmikma hʋsh tʋshkikma nana hosh hʋchi nukshobla he keyu, amba nampoa okpulo ya̱ yakni ya̱ kohchit ishit kanchi la hi oke; mikma bʋshpo falaia yʋt hʋchi̱ yakni ya̱ hlopulla he keyu hoke.

ʋBanumpa Luk Ʋt Holissochi Tok 15:32

Chi nakfish ilʋppak okʋt illi tuk osh, anonti falamʋt okcha̱ya; micha kʋnia tuk osh haiaka hoka, impa ikbit na yukpʋt il aiasha he ʋlhpesa hatuk oke, im achi tok oke; achi tok.

Chan 15:11

Hʋchishno pulla atuk mak o̱ nan isht ʋm ilaiyukpa hatuk mʋt hʋchin takali bilia na, na hʋchi yukpa kʋt alotowa chi̱ mak o̱, ilʋppa puta ka isht hʋchim anumpohonli li hoke.

Tutelonomi 28:4

Chi haknip a toba tuk, micha chi̱ yakni a waya tuk, micha chi̱ nanʋlhpoba a waya tuk, micha chi̱ wak tek a waya tuk, micha chin chukfi a̱ya puta aiena kʋt na yukpa hi oke.

Tutelonomi 28:63

Atukma yakohma hi oke, Chihowah yʋt nana achukma kak o̱ chi yʋmihchi cha, chi apaknʋchi kʋt im achukma tuk ʋt, anonti chi tahlit ont chi mosholichi kʋt, im achukma hi oke; mikma yakni yʋmma ish isha chi̱ hosh ish ia ka̱, ai isht chi kancha hi oke.

Tutelonomi 30:8

Mikma ish falama cha, Chihowah im anumpa ha̱ ish im antiakmʋt, im anumpa moma himak nitak a̱ chi̱ miha li ka̱ ish yʋmihcha hi oke.

Tutelonomi 7:14

Na yukpa kʋt okla moma ka̱ ish i̱ shahla hi oke: a hʋchiti takla ka̱ nakni yokmá, tek okmá, nana kia, micha hʋchi̱ nan ʋlhpoa ai iti takla ka̱ ushi iksho ʋt iksho ka hi oke.